Tanvi Thakkar Baby Boy: 'ਗੁੰਮ ਹੈ ਕਿਸ ਕੇ ਪਿਆਰ ਮੇਂ' ਫੇਮ ਤਨਵੀ ਠੱਕਰ ਅਤੇ ਉਸਦੇ ਪਤੀ ਆਦਿਤਿਆ ਕਪਾਡੀਆ ਮਾਤਾ-ਪਿਤਾ ਬਣ ਗਏ ਹਨ। ਇਸ ਜੋੜੇ ਦੇ ਘਰ ਇੱਕ ਪਿਆਰੇ ਜਿਹੇ ਪੁੱਤਰ ਨੇ ਜਨਮ ਲਿਆ ਹੈ। ਨਵੇਂ ਬਣੇ ਮੰਮੀ ਅਤੇ ਡੈਡੀ ਆਪਣੇ ਬੱਚੇ ਨੂੰ ਲੈ ਕੇ ਬਹੁਤ ਹੀ ਜ਼ਿਆਦਾ ਖੁਸ਼ ਹਨ। ਜਿਸ ਕਰਕੇ ਜੋੜੇ ਨੇ ਇੰਸਟਾਗ੍ਰਾਮ 'ਤੇ ਨਿਊ ਬੋਰਨ ਬੇਬੀ ਬੁਆਏ ਨਾਲ ਆਪਣੀ ਇਕ ਪਿਆਰੀ ਜਿਹੀ ਤਸਵੀਰ ਵੀ ਸ਼ੇਅਰ ਕੀਤੀ ਹੈ।
ਤਨਵੀ ਅਤੇ ਆਦਿਤਿਆ ਦੇ ਘਰ 19 ਜੂਨ ਨੂੰ ਪੁੱਤਰ ਨੇ ਜਨਮ ਲਿਆ
ਤਨਵੀ ਠੱਕਰ ਅਤੇ ਆਦਿਤਿਆ ਕਪਾਡੀਆ ਦੇ ਬੇਟੇ ਦਾ ਜਨਮ 19 ਜੂਨ ਨੂੰ ਹੋਇਆ ਸੀ। ਆਪਣੇ ਪਿਆਰੇ ਨਾਲ ਤਸਵੀਰ ਸ਼ੇਅਰ ਕਰਦੇ ਹੋਏ, ਉਸਨੇ ਕੈਪਸ਼ਨ ਵਿੱਚ ਲਿਖਿਆ, "ਸਭ ਕੁਝ ਇੱਥੋਂ ਸ਼ੁਰੂ ਹੁੰਦਾ ਹੈ।" ਇਸ ਦੇ ਨਾਲ ਹੀ ਪ੍ਰਸ਼ੰਸਕ ਅਤੇ ਸਾਰੇ ਸੈਲੇਬਸ ਜੋੜੇ ਨੂੰ ਮਾਤਾ-ਪਿਤਾ ਬਣਨ ਦੀ ਖੁਸ਼ੀ ਲਈ ਵਧਾਈ ਦੇ ਰਹੇ ਹਨ।
ਵਧਾਈ ਵਾਲੇ ਮੈਸੇਜਾਂ ਦਾ ਲੱਗਿਆ ਤਾਂਤਾ
ਕਿਸ਼ਵਰ ਮਰਚੈਂਟ ਤਨਵੀ ਅਤੇ ਆਦਿਤਿਆ ਕਪਾਡੀਆ ਨੂੰ ਵਧਾਈ ਦਿੰਦੇ ਹੋਏ ਲਿਖਿਆ, ''ਤੁਹਾਨੂੰ ਵਧਾਈ ਹੋਵੇ। ਜਦੋਂ ਕਿ ਮਾਨਸੀ ਸ਼੍ਰੀਵਾਸਤਵ ਨੇ ਲਿਖਿਆ, "ਓ, ਵਧਾਈਆਂ, ਵਧਾਈਆਂ।" ਅਪਰਨਾ ਦੀਕਸ਼ਿਤ ਨੇ ਕਾਮਨਾ ਕੀਤੀ, "ਹੇ ਭਗਵਾਨ, ਤੁਹਾਨੂੰ ਦੋਵਾਂ ਨੂੰ ਵਧਾਈਆਂ! ਆਸ਼ੀਰਵਾਦ ਅਤੇ ਪਿਆਰ।” ਦੂਜੇ ਪਾਸੇ ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ ਦੀ ਪਲਕ ਸਿੰਧਵਾਨੀ ਨੇ ਲਿਖਿਆ, “ਵਾਹ, ਮੁਬਾਰਕਾਂ ਦੋਸਤੋ।” ਕਈ ਅਦਾਕਾਰ ਵਤਸਲ ਸੇਠ ਨੇ ਵੀ ਨਵੇਂ ਮੰਮੀ-ਡੈਡੀ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ।
ਤਨਵੀ ਨੇ 'ਗੁੰਮ ਹੈ ਕਿਸ ਕੇ ਪਿਆਰ ਮੇਂ' ਵਿੱਚ ਕੀ ਭੂਮਿਕਾ ਨਿਭਾਈ ਸੀ?
ਤਨਵੀ ਠੱਕਰ ਅਤੇ ਆਦਿਤਿਆ ਕਪਾਡੀਆ ਨੇ 7 ਸਾਲਾਂ ਦੀ ਮੰਗਣੀ ਤੋਂ ਬਾਅਦ 2021 ਵਿੱਚ ਵਿਆਹ ਕਰਵਾ ਲਿਆ ਅਤੇ 2023 ਵਿੱਚ ਮਾਤਾ-ਪਿਤਾ ਬਣੇ। 'ਗੁੰਮ ਹੈ ਕਿਸੀ ਕੇ ਪਿਆਰ ਮੇਂ' ਵਿੱਚ ਤਨਵੀ ਦੇ ਕਿਰਦਾਰ ਦੀ ਗੱਲ ਕਰੀਏ ਤਾਂ ਉਹ ਕਾਮਿਨੀ ਮਲਹੋਤਰਾ ਦੀ ਜਗ੍ਹਾ ਸ਼ੋਅ ਵਿੱਚ ਸ਼ਾਮਲ ਹੋਈ। ਉਸਨੇ ਸ਼ੋਅ ਵਿੱਚ ਸ਼ਿਵਾਨੀ ਬੂਆ ਦਾ ਕਿਰਦਾਰ ਨਿਭਾਇਆ ਸੀ। ਅਦਾਕਾਰਾ ਨੇ ਲੰਬੇ ਸਮੇਂ ਤੱਕ ਸ਼ੋਅ ਵਿੱਚ ਕੰਮ ਕੀਤਾ ਅਤੇ ਬਾਅਦ ਵਿੱਚ ਇਸ ਨੂੰ ਛੱਡਣ ਦਾ ਫੈਸਲਾ ਕੀਤਾ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।