ਚੰਡੀਗੜ੍ਹ: ਪੰਜਾਬੀ ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਦੀ ਵੱਡੀ ਫ਼ੈਨ ਫੋਲੋਇੰਗ ਹੈ। ਉਹ ਅਕਸਰ ਆਪਣੀ ਸਿੰਗਿੰਗ ਤੇ ਅਦਾਕਾਰੀ ਨਾਲ ਫੈਨਸ ਦਾ ਦਿੱਲ ਜਿੱਤਦੇ ਰਹਿੰਦੇ ਹਨ। ਅਦਾਕਾਰੀ ਦੇ ਨਾਲ-ਨਾਲ ਦਿਲਜੀਤ ਨਵੇਂ ਗੀਤ ਤੇ ਐਲਬਮਸ ਨੂੰ ਲੈ ਕੇ ਕਾਫੀ ਐਕਟਿਵ ਰਹਿੰਦੇ ਹਨ। ਹੁਣ ਦਿਲਜੀਤ ਆਪਣੇ ਫੈਨਸ ਲਈ ਇੱਕ ਨਵਾਂ ਸਰਪ੍ਰਾਈਜ਼ ਲੈ ਕੇ ਆਏ ਹਨ।
ਦਿਲਜੀਤ ਪਿਛਲੇ ਕੁਝ ਮਹੀਨਿਆਂ ਤੋਂ ਫੈਨਸ ਨੂੰ ਇਹ ਹਿੰਟ ਦਿੰਦੇ ਆ ਰਹੇ ਹਨ ਕਿ ਉਹ ਆਪਣੀ ਨਵੀਂ ਐਲਬਮ ’ਤੇ ਕੰਮ ਕਰ ਰਹੇ ਹਨ। ਦਿਲਜੀਤ ਨੇ ਇਸ ਸਬੰਧੀ ਕਈ ਤਸਵੀਰਾਂ ਤੇ ਵੀਡੀਓਜ਼ ਸਾਂਝੀਆਂ ਕੀਤੀਆਂ ਹਨ। ਹੁਣ ਦਿਲਜੀਤ ਨੇ ਐਲਬਮ ਦਾ ਨਾਂ ਐਲਾਨ ਦਿੱਤਾ ਹੈ। ਦਿਲਜੀਤ ਦੀ ਨਵੀਂ ਐਲਬਮ ਦਾ ਨਾਂ ‘ਮੂਨ ਚਾਈਲਡ ਇਰਾ’ ਹੈ। ਨਵੀਂ ਐਲਬਮ ਬਾਰੇ ਜਾਣਕਾਰੀ ਦਿੰਦਿਆਂ ਦਿਲਜੀਤ ਨੇ ਇੰਸਟਾਗ੍ਰਾਮ 'ਤੇ ਪੋਸਟ ਵੀ ਸ਼ੇਅਰ ਕੀਤੀ ਹੈ।
ਦਿਲਜੀਤ ਵਲੋਂ ਸਾਂਝੀ ਕੀਤੀ ਇਸ ਪੋਸਟ ’ਤੇ ਪੰਜਾਬੀ ਗਾਇਕਾਂ ਵਲੋਂ ਵੀ ਕੁਮੈਂਟਸ ਕੀਤੇ ਜਾ ਰਹੇ ਹਨ। ਉਥੇ ਦਿਲਜੀਤ ਦੇ ਫੈਨਸ ਇਸ ਗੁੱਡ ਨਿਊਜ਼ ਤੋਂ ਬਾਅਦ ਬੇਹੱਦ ਖੁਸ਼ ਹਨ। ਦੱਸ ਦੇਈਏ ਕਿ ਪਿਛਲੇ ਸਾਲ ਦਿਲਜੀਤ ਨੇ ‘ਗੋਟ’ ਐਲਬਮ ਰਿਲੀਜ਼ ਕੀਤੀ ਸੀ। ਦਿਲਜੀਤ ਦੀ ਇਸ ਐਲਬਮ ਨੇ ਬਿੱਲਬੋਰਡ ’ਚ ਜਗ੍ਹਾ ਬਣਾਈ ਸੀ। ਲੋਕਾਂ ਦੇ ਨਾਲ-ਨਾਲ ਸਮੀਖਿਅਕਾਂ ਵਲੋਂ ਐਲਬਮ ਨੂੰ ਪੌਜ਼ੇਟਿਵ ਹੁੰਗਾਰਾ ਮਿਲਿਆ ਸੀ।