ਪੰਜਾਬੀ ਇੰਡਸਟਰੀ ਦੇ ਫੇਮਸ ਕਾਮੇਡੀਅਨ ਤੇ ਸਭ ਦੇ ਫ਼ੇਵਰੇਟ ਅਦਾਕਾਰ ਜਸਵਿੰਦਰ ਭੱਲਾ ਨੂੰ ਸਕ੍ਰੀਨ 'ਤੇ ਦੇਖਣ ਲਈ ਉਨ੍ਹਾਂ ਦੇ ਫੈਨਜ਼ ਨੂੰ ਹਮੇਸ਼ਾ ਉਡੀਕ ਰਹਿੰਦੀ ਹੈ। ਜਸਵਿੰਦਰ ਭੱਲਾ ਨੇ ਹੁਣ ਆਪਣੀ ਆਉਣ ਵਾਲੀ ਅਗਲੀ ਫਿਲਮ ਦਾ ਪੋਸਟਰ ਸ਼ੇਅਰ ਕੀਤਾ ਹੈ। ਫਿਲਮ ਦਾ ਨਾਮ ਹੈ 'ਦਿਲ ਹੋਣਾ ਚਾਹੀਦਾ ਜਵਾਨ'। ਇਸ ਪੋਸਟਰ ਨੂੰ ਸ਼ੇਅਰ ਕਰਦੇ ਹੋਏ ਜਸਵਿੰਦਰ ਭੱਲਾ ਨੇ ਲਿਖਿਆ 'ਪਿਆਰੇ ਦਰਸ਼ਕੋ, ਇਕ ਲੰਬੇ ਸਮੇਂ ਬਾਅਦ ਪੇਸ਼ ਕਰ ਰਿਹਾ ਹਾਂ ਆਪਣੀ ਆਉਣ ਵਾਲੀ ਫਿਲਮ 'ਦਿਲ ਹੋਣਾ ਚਾਹੀਦਾ ਜਵਾਨ' ਦਾ ਪੋਸਟਰ।
ਇਨ੍ਹਾਂ ਗਰਮੀਆਂ ਦੇ ਵਿਚ ਆਪ ਸਭ ਨੂੰ ਇੰਟਰਟੇਨਮੈਂਟ ਕਰਨ ਦਾ ਵਾਅਦਾ ਹੈ। ਇਸ ਫਿਲਮ 'ਚ ਜਸਵਿੰਦਰ ਭੱਲਾ ਨਾਲ ਲੀਡ 'ਚ ਸਾਥ ਦੇਣਗੇ ਅਦਾਕਾਰ ਸ਼ਵਿੰਦਰ ਮਾਹਲ। ਸ਼ਵਿੰਦਰ ਮਾਹਲ ਇਸ ਫਿਲਮ ਦੇ ਨਾਲ ਇਕ ਵੱਖਰੇ ਹੀ ਅੰਦਾਜ਼ 'ਚ ਨਜ਼ਰ ਆਉਣਗੇ। ਇਸ ਫਿਲਮ ਦਾ ਸ਼ੂਟ ਤਕਰੀਬਨ 2 ਸਾਲ ਪਹਿਲਾਂ ਦਾ ਪੂਰਾ ਹੋਇਆ ਪਿਆ ਹੈ। ਕੁਝ ਕਾਰਨਾਂ ਕਰਕੇ ਇਸ ਫਿਲਮ ਨੂੰ ਸਾਲ 2019 'ਚ ਰਿਲੀਜ਼ ਨਹੀਂ ਕੀਤਾ ਗਿਆ ਸੀ। ਫਿਰ ਮੁੜ ਸਾਲ 2020 'ਚ ਕੋਰੋਨਾ ਕਰਕੇ ਸਭ ਪਾਸੇ ਲੌਕਡਾਊਨ ਹੋਣ ਕਾਰਨ ਫਿਲਮ ਹੋਰ ਡਿਲੇਅ ਹੋ ਗਈ।
ਫਾਇਨਲੀ ਹੁਣ ਇਸ ਗਰਮੀਆਂ ਦੇ ਵਿਚ ਫਿਲਮ ਦੇ ਰਿਲੀਜ਼ ਹੋਣ ਦੀ ਉਮੀਦ ਹੈ, ਪਰ ਹਾਲੇ ਤਕ ਫਿਲਮ ਦੀ ਰਿਲੀਜ਼ਿੰਗ ਦੀ ਤਾਰੀਕ ਦੀ ਅਨਾਊਸਮੈਂਟ ਨਹੀਂ ਕੀਤੀ ਗਈ। ਪੰਜਾਬੀ ਫਿਲਮ ਇੰਡਸਟਰੀ ਦਾ ਇਹ ਵੀ ਇਤਿਹਾਸ ਰਿਹਾ ਹੈ ਕਿ ਪਹਿਲਾਂ ਦੀਆਂ ਬਣੀਆਂ ਹੋਈਆਂ ਫ਼ਿਲਮਾਂ ਜਦ ਕੁਝ ਸਾਲਾਂ ਬਾਅਦ ਰਿਲੀਜ਼ ਹੁੰਦੀਆਂ ਹਨ ਤਾਂ ਉਹ ਫ਼ਿਲਮਾਂ ਸਕਸੈਸ ਹੋਣ ਦੇ ਮਾਮਲੇ 'ਚ ਪਿੱਛੇ ਰਹਿ ਜਾਂਦੀਆਂ ਹਨ। ਹੁਣ ਦੇਖਣਾ ਹੋਵੇਗਾ ਕਿ ਜਸਵਿੰਦਰ ਭੱਲਾ ਦੀ ਇਹ ਫਿਲਮ ਕਾਮਯਾਬ ਹੁੰਦੀ ਹੈ ਜਾਂ ਨਹੀਂ।
ਇਸ ਫਿਲਮ ਦੇ ਵਿੱਚ ਜਸਵਿੰਦਰ ਭੱਲਾ ਤੇ ਸ਼ਵਿੰਦਰ ਮਾਹਲ ਤੋਂ ਇਲਾਵਾ ਮੰਨਤ ਸਿੰਘ, ਯਾਮਿਨੀ ਮਲਹੋਤਰਾ, ਨਵ ਬਾਜਵਾ ਵਰਗੇ ਕਲਾਕਾਰ ਮੁੱਖ ਭੂਮਿਕਾ ਨਿਭਾਉਣਗੇ। ਇਸ ਫਿਲਮ ਨੂੰ ਕੇਵਲ ਸਿੰਘ ਨੇ ਡਾਇਰੈਕਟ ਕੀਤਾ ਹੈ।