Mahira Sharma-Ranjit Bawa Announced New Movie Lamborghini: ਬਿੱਗ ਬੌਸ 13 ਵਿੱਚ ਨਜ਼ਰ ਆਉਣ ਤੋਂ ਬਾਅਦ ਮਾਹਿਰਾ ਸ਼ਰਮਾ ਲਗਾਤਾਰ ਸੁਰਖੀਆਂ ਵਿੱਚ ਰਹਿੰਦੀ ਹੈ। ਵਿਵਾਦਿਤ ਸ਼ੋਅ ਵਿੱਚ ਜਲਵਾ ਦਿਖਾਉਣ ਆਉਣ ਤੋਂ ਬਾਅਦ ਮਾਹਿਰਾ ਟੈਲੀਵਿਜ਼ਨ ਅਦਾਕਾਰ ਪਾਰਸ ਛਾਬੜਾ ਨਾਲ ਆਪਣੇ ਬ੍ਰੇਕਅਪ ਦੀਆਂ ਖਬਰਾਂ ਨੂੰ ਲੈ ਚਰਚਾ ਵਿੱਚ ਹੈ। ਪਰ ਆਪਣੇ ਬ੍ਰੇਕਅਪ ਦੀਆਂ ਖਬਰਾਂ ਵਿਚਕਾਰ ਹੀ ਮਾਹਿਰਾ ਨੇ ਆਪਣੀ ਨਵੀਂ ਪੰਜਾਬੀ ਫਿਲਮ 'ਲੈਂਬਰਗਿੰਨੀ' ਦਾ ਐਲਾਨ ਕੀਤਾ ਹੈ। ਖਾਸ ਗੱਲ ਇਹ ਹੈ ਕਿ ਆਪਣੀ ਪਹਿਲੀ ਪੰਜਾਬੀ ਡੈਬਿਊ ਫਿਲਮ ਵਿੱਚ ਮਾਹਿਰਾ ਗਾਇਕ ਰਣਜੀਤ ਬਾਵਾ ਨਾਲ ਰੋਮਾਂਸ ਕਰਦੀ ਹੋਈ ਨਜ਼ਰ ਆਵੇਗੀ। ਦੋਵੇਂ ਕਲਾਕਾਰਾਂ ਵੱਲੋਂ ਫਿਲਮ ਦਾ ਪੋਸਟਰ ਰਿਲੀਜ਼ ਕੀਤਾ ਗਿਆ ਹੈ।
ਦੱਸ ਦੇਈਏ ਕਿ ਮਾਹਿਰਾ ਸ਼ਰਮਾ ਨੇ ਫਿਲਮ ਲੈਂਬਰਗਿੰਨੀ ਦਾ ਪੋਸਟਰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਵਿੱਚ ਲਿਖਿਆ, Lehmberginni 12 ਮਈ 2023 ਨੂੰ ਸਿਨੇਮਾਘਰਾਂ ਵਿੱਚ 😊 ਨੋਟ ਕਰੋ ਤਾਰੀਖ... ਦੱਸ ਦੇਈਏ ਕਿ ਇਸ ਫਿਲਮ ਦੇ ਨਾਲ ਰਿਲੀਜ਼ ਡੇਟ ਦਾ ਐਲਾਨ ਕਰ ਮਾਹਿਰਾ ਨੇ ਪ੍ਰਸ਼ੰਸ਼ਕਾਂ ਨੂੰ ਸ਼ਾਨਦਾਰ ਤੋਹਫ਼ਾ ਦਿੱਤਾ ਹੈ। ਫਿਲਮ ਵਿੱਚ ਮਾਹਿਰਾ ਪੰਜਾਬੀ ਗਾਇਕ ਰਣਜੀਤ ਬਾਵਾ ਨਾਲ ਰੋਮਾਂਸ ਕਰਦੇ ਹੋਏ ਦਿਖਾਈ ਦੇਵੇਗੀ।
ਕਾਬਿਲੇਗੌਰ ਹੈ ਕਿ ਮਾਹਿਰਾ ਬਿੱਗ ਬੌਸ 13 ਦੀ ਸਭ ਤੋਂ ਮਸ਼ਹੂਰ ਪ੍ਰਤੀਯੋਗੀਆਂ ਵਿੱਚੋਂ ਇੱਕ ਸੀ ਅਤੇ ਅਜੇ ਵੀ ਉਨ੍ਹਾਂ ਨੇਟਿਜ਼ਨਾਂ ਦੁਆਰਾ ਪ੍ਰਸ਼ੰਸਾ ਕੀਤੀ ਹੈ ਜੋ ਸੈਲੇਬ ਰਿਐਲਿਟੀ ਸ਼ੋਅ ਤੋਂ ਆਪਣੀਆਂ ਰੀਲਾਂ ਅਤੇ ਵੀਡੀਓਜ਼ ਪੋਸਟ ਕਰਦੇ ਰਹਿੰਦੇ ਹਨ। ਹੁਣ, ਮਾਹਿਰਾ ਦੀ ਜ਼ਿੰਦਗੀ ਇੱਕ ਨਵਾਂ ਮੋੜ ਲੈਣ ਜਾ ਰਹੀ ਹੈ ਕਿਉਂਕਿ ਉਹ ਇਸ ਫਿਲਮ ਰਾਹੀਂ ਪਰਦੇ ਤੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਉਸ ਦੀ ਆਉਣ ਵਾਲੀ ਫਿਲਮ LehmberGinni ਦਾ ਵਾਇਰਲ ਪੋਸਟਰ ਇੰਟਰਨੈੱਟ 'ਤੇ ਧਮਾਲ ਮਚਾ ਰਿਹਾ ਹੈ।
ਦੱਸ ਦੇਈਏ ਕਿ ਆਪਣੀ ਨਵੀਂ ਫਿਲਮ ਤੋਂ ਪਹਿਲਾਂ ਮਾਹਿਰਾ ਅਦਾਕਾਰ ਪਾਰਸ ਛਾਬੜਾ ਨਾਲ ਆਪਣੇ ਬ੍ਰੇਕਅਪ ਦੀਆਂ ਖਬਰਾਂ ਨੂੰ ਲੈ ਵੀ ਸੁਰਖੀਆਂ ਬਟੋਰ ਰਹੀ ਹੈ। ਇਸ ਵਿਚਕਾਰ ਭਲੇ ਹੀ ਪਾਰਸ ਵੱਲੋਂ ਬਿਆਨ ਸਾਹਮਣੇ ਆਇਆ ਹੈ। ਪਰ ਮਾਹਿਰਾ ਨੇ ਇਸ ਉੱਪਰ ਆਪਣੀ ਕੋਈ ਪ੍ਰਤਿਕਿਰਿਆ ਨਹੀਂ ਦਿੱਤੀ ਹੈ।