Debi Makhsoospuri Fans: ਪੰਜਾਬੀ ਗਾਇਕ ਦੇਬੀ ਮਖਸੂਸਪੁਰੀ ਨੂੰ ਲੈਜੇਂਟ ਗਾਇਕ ਕਹਿਣਾ ਗ਼ਲਤ ਨਹੀਂ ਹੋਵੇਗਾ। ਗਾਇਕ ਨੇ ਆਪਣੇ ਕਰੀਅਰ ‘ਚ ਅਨੇਕਾਂ ਸੁਪਰਹਿੱਟ ਗੀਤ ਦਿੱਤੇ ਹਨ। ਇਸ ਦੇ ਨਾਲ ਨਾਲ ਉਨ੍ਹਾਂ ਨੂੰ ਸਾਫ ਸੁਥਰੀ, ਅਰਥਪੂਰਨ ਤੇ ਸੂਫੀਆਨਾ ਗਾਇਕੀ ਲਈ ਸਭ ਤੋਂ ਜ਼ਿਆਦਾ ਜਾਣਿਆ ਜਾਂਦਾ ਹੈ। ਦੇਬੀ ਦੇ ਦੁਨੀਆ ਦੇ ਹਰ ਕੋਨੇ ‘ਚ ਫੈਨਜ਼ ਹਨ।
ਦੇਬੀ ਮਖਸੂਸਪੁਰੀ ਨੇ ਇੱਕ ਵੀਡੀਓ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਉਹ ਆਸਟਰੇਲੀਆ ‘ਚ ਹਨ। ਇੱਥੇ ਉਹ ਆਪਣੇ ਇੱਕ ਡਾਇ ਹਾਰਡ ਫੈਨ ਨੂੰ ਮਿਲੇ। ਜਿਸ ਨੇ ਆਪਣੀ ਬਾਂਹ ‘ਤੇ ਦੇਬੀ ਦਾ ਟੈਟੂ ਬਣਵਾਇਆ ਹੋਇਆ ਹੈ। ਦੇਬੀ ਆਪਣੇ ਇਸ ਦੀਵਾਨੇ ਫੈਨ ਨੂੰ ਮਿਲ ਕੇ ਕਾਫ਼ੀ ਭਾਵੁਕ ਨਜ਼ਰ ਆਏ। ਉਨ੍ਹਾਂ ਨੇ ਫੈਨ ਨੂੰ ਸਪੈਸ਼ਲ ਆਟੋਗ੍ਰਾਫ ਵੀ ਦਿੱਤਾ। ਇਹੀ ਨਹੀਂ ਆਪਣੇ ਫੈਨ ਦਾ ਅੰਦਾਜ਼ ਦੇਬੀ ਨੂੰ ਇੰਨਾਂ ਪਸੰਦ ਆਇਆ ਕਿ ਗਾਇਕ ਨੇ ਉਸ ਦੀ ਵੀਡੀਓ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਸ਼ੇਅਰ ਕੀਤੀ ਹੈ। ਇਸ ਦੇ ਨਾਲ ਨਾਲ ਉਨ੍ਹਾਂ ਨੇ ਕੈਪਸ਼ਨ ‘ਚ ਲਿਖਿਆ, “ਬਹੁਤ ਵਧੀਆ ਲੱਗਾ ਵੀਰ ਨੂੰ ਮਿਲ ਕੇ, ਮੇਲਬੋਰਨ ‘ਚ ਰਹਿੰਦੇ ਵੀਰ ਨੇ 12 ਸਾਲਾਂ ਤੋਂ ਟੈਟੂ ਬਣਾਇਆ ਹੋਇਆ ਹੈ, ਤੁਹਾਡੇ ਪਿਆਰ ਦਾ ਹਮੇਸ਼ਾ ਕਰਜ਼ਈ ਰਹਾਂਗਾ।”
ਦੇਬੀ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਅੱਜ ਯਾਨਿ 23 ਨਵੰਬਰ ਨੂੰ ਗਾਇਕ ਦਾ ਗਾਣਾ ‘ਛੜਾ’ ਰਿਲੀਜ਼ ਹੋਇਆ ਹੈ। ਉਨ੍ਹਾਂ ਨੇ ਤਕਰੀਬਨ 6 ਮਹੀਨਿਆਂ ਬਾਅਦ ਕੋਈ ਨਵਾਂ ਗਾਣਾ ਕੱਢਿਆ ਹੈ। ਇਸ ਦੇ ਨਾਲ ਨਾਲ ਦੇਬੀ ਸੋਸ਼ਲ ਮੀਡੀਆ ‘ਤੇ ਵੀ ਐਕਟਿਵ ਰਹਿੰਦੇ ਹਨ। ਉਹ ਆਪਣੇ ਨਾਲ ਜੁੜੀ ਹਰ ਛੋਟੀ ਵੱਡੀ ਅਪਡੇਟ ਫੈਨਜ਼ ਨਾਲ ਜ਼ਰੂਰ ਸ਼ੇਅਰ ਕਰਦੇ ਹਨ। ਉਨ੍ਹਾਂ ਦੇ ਫੈਨਜ਼ ਵੀ ਉਨ੍ਹਾਂ ਦੀਆਂ ਸੋਸ਼ਲ ਮੀਡੀਆ ਪੋਸਟਾਂ ਨੂੰ ਪਸੰਦ ਕਰਦੇ ਹਨ।