New Punjabi Song 2022: ਪੰਜਾਬੀ ਸਿੰਗਰ ਕਾਕਾ ਜਲਦ ਹੀ ਆਪਣਾ ਨਵਾਂ ਗੀਤ ਲੈਕੇ ਆ ਰਹੇ ਹਨ। ਬੀਤੇ ਦਿਨ ਕਾਕਾ ਨੇ ਆਪਣੇ ਗੀਤ ਮਿੱਟੀ ਦੇ ਟਿੱਬੇ ਦਾ ਪੋਸਟਰ ਰਿਲੀਜ਼ ਕੀਤਾ ਸੀ। ਅੱਜ ਯਾਨਿ 22 ਜੁਲਾਈ ਨੂੰ ਇਸ ਗੀਤ ਦਾ ਟੀਜ਼ਰ ਆਊਟ ਕਰ ਦਿਤਾ ਗਿਆ ਹੈ।
ਟੀਜ਼ਰ ਨੂੰ ਦੇਖ ਕੇ ਲੱਗਦਾ ਹੈ ਕਿ ਇਹ ਗੀਤ ਧਮਾਕੇਦਾਰ ਹੋਵੇਗਾ। ਦਸ ਦਈਏ ਕਿ ਇਸ ਗੀਤ ਦੇ ਬੋਲ ਤੇ ਕੰਪੋਜ਼ਿਸ਼ਨ ਖੁਦ ਕਾਕਾ ਦੀ ਹੈ। ਇਸ ਦੇ ਨਾਲ ਗੀਤ ਨੂੰ ਮਿਊਜ਼ਿਕ ਵੀ ਕਾਕਾ ਨੇ ਹੀ ਦਿਤਾ ਹੈ।ਕਾਕਾ ਦੀ ਇੰਸਟਾਗ੍ਰਾਮ ਪੋਸਟ ਦੇ ਮੁਤਾਬਕ ਇਹ ਇੱਕ ਇੱਕ ਰੋਮਾਂਟਿਕ ਗੀਤ ਹੈ।
ਦਸ ਦਈਏ ਕਿ ਕਾਕਾ ਨੇ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਨੂੰ ਕਈ ਸੁਪਰਹਿੱਟ ਗੀਤ ਦਿਤੇ ਹਨ। ਕਾਲਾ ਲਿਬਾਸ, ਟੈਂਪਰੇਰੀ ਪਿਅਰ, ਤੀਜੀ ਸੀਟ, ਮੇਰੇ ਵਰਗਾ ਵਰਗੇ ਸੁਪਰਹਿੱਟ ਗੀਤਾਂ ਨੂੰ ਕਾਕਾ ਨੇ ਆਪਣੀ ਅਵਾਜ਼ ਤੇ ਸੁਰਾਂ ਨਾਲ ਸਜਾਇਆ ਹੈ।
ਇਹ ਵੀ ਦਸਣਯੋਗ ਹੈ ਕਿ ਕਾਕਾ ਸੋਸ਼ਲ ਮੀਡੀਆ `ਤੇ ਕਾਫ਼ੀ ਐਕਟਿਵ ਰਹਿੰਦੇ ਹਨ। ਉਹ ਆਪਣੇ ਨਾਲ ਜੁੜੀ ਹਰ ਜਾਣਕਾਰੀ ਆਪਣੇ ਫ਼ੈਨਜ਼ ਨਾਲ ਜ਼ਰੂਰ ਸ਼ੇਅਰ ਕਰਦੇ ਹਨ।
ਸੋਸ਼ਲ ਮੀਡੀਆ ਤੇ ਕਾਕਾ ਦੀ ਜ਼ਬਰਦਸਤ ਫ਼ੈਨ ਫ਼ਾਲੋਇੰਗ ਹੈ। ਇਕੱਲੇ ਇੰਸਟਾਗ੍ਰਾਮ `ਤੇ ਉਨ੍ਹਾਂ ਦੇ 1.5 ਮਿਲੀਅਨ ਯਾਨਿ 15 ਲੱਖ ਫ਼ਾਲੋਅਰਜ਼ ਹਨ। ਉਨ੍ਹਾਂ ਦੇ ਫ਼ੈਨਜ਼ ਉਨ੍ਹਾਂ ਦੇ ਗੀਤ ਰਿਲੀਜ਼ ਹੋਣ ਦੀ ਬੇਸਵਰੀ ਨਾਲ ਉਡੀਕ ਕਰਦੇ ਰਹਿੰਦੇ ਹਨ।