Saif Ali Khan Kareena Kapoor: ਸੈਫ ਅਲੀ ਖਾਨ ਇਕ ਦੇਖਭਾਲ ਕਰਨ ਵਾਲੇ ਪਿਤਾ ਹਨ, ਇਸ ਦੀ ਝਲਕ ਅਕਸਰ ਸੋਸ਼ਲ ਮੀਡੀਆ ਪੋਸਟਾਂ 'ਤੇ ਦੇਖਣ ਨੂੰ ਮਿਲਦੀ ਹੈ। ਇਨ੍ਹੀਂ ਦਿਨੀਂ ਕਰੀਨਾ ਕਪੂਰ ਲੰਡਨ 'ਚ ਆਪਣੀ ਫਿਲਮ ਦੀ ਸ਼ੂਟਿੰਗ ਕਰ ਰਹੀ ਹੈ, ਜਦਕਿ ਸੈਫ ਮੁੰਬਈ 'ਚ ਆਪਣੇ ਬੇਟੇ ਤੈਮੂਰ ਦੀ ਦੇਖਭਾਲ ਕਰ ਰਹੇ ਹਨ। ਆਪਣੀ ਮਾਂ ਅਤੇ ਅਭਿਨੇਤਰੀ ਸ਼ਰਮੀਲਾ ਟੈਗੋਰ ਦੀ ਤਾਰੀਫ ਕਰਦੇ ਹੋਏ ਸੈਫ ਨੇ ਕਿਹਾ ਕਿ ਉਨ੍ਹਾਂ ਨੇ ਕੰਮਕਾਜੀ ਔਰਤਾਂ ਦਾ ਸਨਮਾਨ ਕਰਨਾ ਘਰ ਤੋਂ ਸਿੱਖਿਆ ਹੈ। ਇਕ ਵੀਡੀਓ 'ਚ ਸੈਫ ਦੱਸ ਰਹੇ ਹਨ ਕਿ ਮੇਰੀ ਮਾਂ ਨੇ ਵਿਆਹ ਤੋਂ ਬਾਅਦ ਕਈ ਹਿੱਟ ਫਿਲਮਾਂ ਦਿੱਤੀਆਂ ਹਨ।
ਸ਼ਰਮੀਲਾ ਟੈਗੋਰ ਹਾਲ ਹੀ 'ਚ 'ਇੰਡੀਅਨ ਆਈਡਲ 13' ਦੇ ਮੰਚ 'ਤੇ ਗਈ ਸੀ। ਇਸ ਐਪੀਸੋਡ ਦਾ ਇੱਕ ਵੀਡੀਓ ਸ਼ਰਮੀਲਾ ਦੀ ਬੇਟੀ ਸਬਾ ਅਲੀ ਖਾਨ ਦੁਆਰਾ ਸ਼ੇਅਰ ਕੀਤਾ ਗਿਆ ਹੈ, ਜਿਸ ਵਿੱਚ ਸੈਫ, ਕਰੀਨਾ ਕਪੂਰ, ਸੋਹਾ ਅਲੀ ਖਾਨ ਆਪਣੀ ਮੰਮੀ ਨੂੰ ਖਾਸ ਪਿਆਰ ਭਰੇ ਸੰਦੇਸ਼ ਦਿੰਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਸਬਾ ਅਲੀ ਖਾਨ ਨੇ ਲਿਖਿਆ, 'ਪਰਿਵਾਰ ਵੱਲੋਂ ਮਾਂ ਨੂੰ ਢੇਰ ਸਾਰਾ ਪਿਆਰ ਤੇ ਸ਼ੁੱਭਕਾਮਨਾਵਾਂ...'। ਇਸ ਵੀਡੀਓ 'ਚ ਸ਼ਰਮੀਲਾ ਇੰਡੀਅਨ ਆਈਡਲ ਦੇ ਮੰਚ 'ਤੇ ਖੜ੍ਹੀ ਹੋ ਕੇ ਵੱਡੇ ਪਰਦੇ 'ਤੇ ਆਪਣੇ ਪਰਿਵਾਰ ਦੇ ਵੀਡੀਓ ਸੰਦੇਸ਼ ਦੇਖ ਰਹੀ ਹੈ।
ਸੈਫ ਨੇ ਸ਼ਰਮੀਲਾ ਤੋਂ ਸਿੱਖਿਆ ਹੈ ਔਰਤਾਂ ਦੀ ਇੱਜ਼ਤ ਕਰਨਾ
ਸੈਫ ਅਲੀ ਖਾਨ ਹਿੰਦੀ ਵਿੱਚ ਕਹਿੰਦੇ ਹਨ ਕਿ 'ਅੱਜ ਮੈਂ ਇੱਥੇ ਸਾਰਿਆਂ ਨੂੰ ਦੱਸਣਾ ਚਾਹਾਂਗਾ ਕਿ ਤੁਸੀਂ ਸਾਰਿਆਂ ਲਈ ਖਾਸ ਕਰਕੇ ਤੁਹਾਡੇ ਬੱਚਿਆਂ ਲਈ ਇੱਕ ਪ੍ਰੇਰਣਾ ਹੋ। ਤੁਸੀਂ ਫ਼ਿਲਮ ਇੰਡਸਟਰੀ ਵਿੱਚ 60 ਸਾਲ ਪੂਰੇ ਕਰ ਲਏ ਹਨ। ਤੁਸੀਂ ਕੰਮ ਕੀਤਾ ਪਰ, ਅਸੀਂ ਤੁਹਾਡੀ ਗੈਰਹਾਜ਼ਰੀ ਕਦੇ ਮਹਿਸੂਸ ਨਹੀਂ ਕੀਤੀ। ਤੁਸੀਂ ਹਮੇਸ਼ਾ ਘਰ ਅਤੇ ਕੰਮ ਦੇ ਜੀਵਨ ਵਿੱਚ ਸੰਤੁਲਨ ਬਣਾਈ ਰੱਖਿਆ ਹੈ।
ਕਰੀਨਾ ਨੂੰ ਇਸ ਨਾਲ ਮਿਲੀ ਸਹੂਲੀਅਤ
ਸੈਫ ਨੇ ਅੱਗੇ ਕਿਹਾ, 'ਤੁਸੀਂ ਹਮੇਸ਼ਾ ਸਾਡੇ ਲਈ ਇੱਕ ਪ੍ਰੇਰਣਾ ਹੋ, ਖਾਸ ਕਰਕੇ ਕੰਮਕਾਜੀ ਔਰਤਾਂ ਲਈ। ਤੁਸੀਂ ਹਮੇਸ਼ਾ ਰੂੜ੍ਹੀਵਾਦੀ ਰਵਾਇਤਾਂ ਨੂੰ ਤੋੜਿਆ ਹੈ। ਸੈਫ ਨੇ ਅੱਗੇ ਕਿਹਾ ਕਿ ਤੁਸੀਂ ਬੱਚਿਆਂ ਤੋਂ ਬਾਅਦ ਵੀ ਫਿਲਮਾਂ ਵਿੱਚ ਕੰਮ ਕਰਨਾ ਜਾਰੀ ਰੱਖਿਆ ਅਤੇ ਅਰਾਧਨਾ, ਅਮਰ ਪ੍ਰੇਮ, ਚੁਪਕੇ ਚੁਪਕੇ ਵਰਗੀਆਂ ਆਪਣੇ ਕਰੀਅਰ ਦੀਆਂ ਕਈ ਸ਼ਾਨਦਾਰ ਫਿਲਮਾਂ ਦਿੱਤੀਆਂ। ਤੁਸੀਂ ਸਾਨੂੰ ਕੰਮਕਾਜੀ ਔਰਤਾਂ ਦਾ ਸਤਿਕਾਰ ਕਰਨਾ ਸਿਖਾਇਆ ਹੈ। ਇਸ ਲਈ ਮੈਂ ਅੱਜ ਘਰ ਬੈਠ ਕੇ ਤੈਮੂਰ ਦੀ ਦੇਖਭਾਲ ਕਰ ਰਿਹਾ ਹਾਂ ਅਤੇ ਕਰੀਨਾ ਲੰਡਨ 'ਚ ਆਪਣੀ ਫਿਲਮ ਦੀ ਸ਼ੂਟਿੰਗ ਕਰ ਰਹੀ ਹੈ। ਇਸ ਤੋਂ ਬਾਅਦ ਕਰੀਨਾ ਕਪੂਰ, ਸੋਹਾ ਅਲੀ ਅਤੇ ਸਬਾ ਪਟੌਦੀ ਨੇ ਵੀ ਆਪਣੀ ਮੰਮੀ ਲਈ ਪਿਆਰ ਭਰੀਆਂ ਸ਼ੁਭਕਾਮਨਾਵਾਂ ਭੇਜੀਆਂ।