IPL 2022 CSK vs KKR these 3 Records may be made in first match of 15th IPL Season MS Dhoni Shreyas Iyer Ravindra Jadeja
CSK vs KKR these 3 Records: IPL ਦਾ 15ਵਾਂ ਸੀਜ਼ਨ ਸ਼ਨੀਵਾਰ 26 ਮਾਰਚ ਤੋਂ ਸ਼ੁਰੂ ਹੋਵੇਗਾ। ਪਹਿਲਾ ਮੈਚ ਸ਼ਨੀਵਾਰ ਸ਼ਾਮ 7:30 ਵਜੇ ਤੋਂ ਚੇਨਈ ਸੁਪਰ ਕਿੰਗਜ਼ (CSK) ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ ਵਿਚਾਲੇ ਖੇਡਿਆ ਜਾਵੇਗਾ। ਮਹਿੰਦਰ ਸਿੰਘ ਧੋਨੀ ਨੇ ਟੂਰਨਾਮੈਂਟ ਸ਼ੁਰੂ ਹੋਣ ਤੋਂ ਦੋ ਦਿਨ ਪਹਿਲਾਂ ਹੀ ਚੇਨਈ ਦੀ ਕਪਤਾਨੀ ਛੱਡਣ ਦਾ ਫੈਸਲਾ ਕੀਤਾ ਸੀ ਅਤੇ ਹੁਣ ਰਵਿੰਦਰ ਜਡੇਜਾ ਚੇਨਈ ਦੀ ਅਗਵਾਈ ਕਰਨਗੇ। ਦੂਜੇ ਪਾਸੇ ਕੇਕੇਆਰ ਦੀ ਕਮਾਨ ਨੌਜਵਾਨ ਖਿਡਾਰੀ ਸ਼੍ਰੇਅਸ ਅਈਅਰ ਨੂੰ ਸੌਂਪੀ ਗਈ ਹੈ। ਦੋਵੇਂ ਟੀਮਾਂ ਕਾਫੀ ਮਜ਼ਬੂਤ ਹਨ ਅਤੇ ਪਹਿਲਾ ਮੈਚ ਕਾਫੀ ਰੋਮਾਂਚਕ ਹੋਣ ਦੀ ਉਮੀਦ ਹੈ। ਸੀਜ਼ਨ ਦੇ ਪਹਿਲੇ ਮੈਚ 'ਚ ਕਈ ਖਿਡਾਰੀ ਅਨੋਖੇ ਰਿਕਾਰਡ ਬਣਾ ਸਕਦੇ ਹਨ। ਆਓ ਉਨ੍ਹਾਂ 'ਤੇ ਇੱਕ ਨਜ਼ਰ ਮਾਰੀਏ।
1. ਮਹਿੰਦਰ ਸਿੰਘ ਧੋਨੀ ਨੇ ਆਪਣੇ IPL ਕਰੀਅਰ 'ਚ 220 ਮੈਚ ਖੇਡੇ ਹਨ, ਜਿਸ 'ਚ ਉਨ੍ਹਾਂ ਦੇ ਬੱਲੇ ਤੋਂ 4746 ਦੌੜਾਂ ਬਣੀਆਂ ਹਨ। ਧੋਨੀ ਨੇ ਟੀਮ ਇੰਡੀਆ ਲਈ 98 ਟੀ-20 ਅੰਤਰਰਾਸ਼ਟਰੀ ਮੈਚ ਖੇਡੇ ਹਨ, ਜਿਸ 'ਚ ਉਨ੍ਹਾਂ ਨੇ 1617 ਦੌੜਾਂ ਬਣਾਈਆਂਨ। ਉਨ੍ਹਾਂ ਨੇ ਝਾਰਖੰਡ ਰਾਜ ਟੀਮ ਲਈ ਕੁਝ ਟੀ-20 ਮੈਚ ਵੀ ਖੇਡੇ। ਕੁਲ ਮਿਲਾ ਕੇ ਮਹਿੰਦਰ ਸਿੰਘ ਧੋਨੀ ਨੇ ਆਪਣੇ ਟੀ-20 ਕਰੀਅਰ 'ਚ ਕੁੱਲ 347 ਮੈਚ ਖੇਡੇ, ਜਿਸ 'ਚ ਉਨ੍ਹਾਂ ਨੇ 6935 ਦੌੜਾਂ ਬਣਾਈਆਂ ਹਨ। ਜੇਕਰ ਧੋਨੀ ਕੋਲਕਾਤਾ ਖਿਲਾਫ 65 ਦੌੜਾਂ ਬਣਾ ਲੈਂਦੇ ਹਨ ਤਾਂ ਉਹ ਟੀ-20 ਕ੍ਰਿਕਟ 'ਚ 7000 ਦੌੜਾਂ ਪੂਰੀਆਂ ਕਰ ਲੈਣਗੇ।
2. ਚੇਨਈ ਸੁਪਰ ਕਿੰਗਜ਼ ਦੇ ਖਿਡਾਰੀ ਡਵੇਨ ਬ੍ਰਾਵੋ ਕੋਲ ਪਹਿਲੇ ਮੈਚ 'ਚ ਇਤਿਹਾਸ ਰਚਣ ਦਾ ਮੌਕਾ ਹੈ। ਹੁਣ ਤੱਕ ਚੇਨਈ ਦੇ ਇਸ ਸਟਾਰ ਖਿਡਾਰੀ ਨੇ IPL 'ਚ 151 ਮੈਚ ਖੇਡੇ ਹਨ, ਜਿਸ 'ਚ ਉਸ ਨੇ 167 ਵਿਕਟਾਂ ਹਾਸਲ ਕੀਤੀਆਂ ਹਨ। ਜੇਕਰ ਬ੍ਰਾਵੋ ਕੋਲਕਾਤਾ ਦੇ ਖਿਲਾਫ ਮੈਚ 'ਚ 4 ਵਿਕਟਾਂ ਲੈਣ 'ਚ ਕਾਮਯਾਬ ਹੋ ਜਾਂਦੇ ਹਨ ਤਾਂ ਉਹ IPL ਦੇ ਇਤਿਹਾਸ 'ਚ ਸਭ ਤੋਂ ਜ਼ਿਆਦਾ ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼ ਬਣ ਜਾਣਗੇ। ਆਈਪੀਐਲ ਵਿੱਚ ਲਸਿਥ ਮਲਿੰਗਾ ਦੇ ਨਾਂ ਸਭ ਤੋਂ ਵੱਧ 170 ਵਿਕਟਾਂ ਹਨ, ਪਰ ਉਹ ਸੰਨਿਆਸ ਲੈ ਚੁੱਕੇ ਹਨ।
3. ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਸਟਾਰ ਸਪਿਨਰ ਸੁਨੀਲ ਨਰਾਇਣ ਕੋਲ ਵੀ ਆਈਪੀਐੱਲ 'ਚ ਅਨੋਖਾ ਰਿਕਾਰਡ ਬਣਾਉਣ ਦਾ ਸੁਨਹਿਰੀ ਮੌਕਾ ਹੈ। ਸੁਨੀਲ ਨਾਰਾਇਣ ਨੇ ਆਈਪੀਐਲ ਵਿੱਚ ਹੁਣ ਤੱਕ 143 ਵਿਕਟਾਂ ਲਈਆਂ ਹਨ। ਜੇਕਰ ਉਹ ਪਹਿਲੇ ਮੈਚ 'ਚ 7 ਵਿਕਟਾਂ ਲੈਣ 'ਚ ਕਾਮਯਾਬ ਹੋ ਜਾਂਦੇ ਤਾਂ IPL 'ਚ 150 ਵਿਕਟਾਂ ਪੂਰੀਆਂ ਕਰ ਲੈਣਗੇ। ਹੁਣ ਤੱਕ ਇਸ ਸੂਚੀ ਵਿੱਚ ਲਸਿਥ ਮਲਿੰਗਾ (170), ਡਵੇਨ ਬ੍ਰਾਵੋ (167), ਅਮਿਤ ਮਿਸ਼ਰਾ (166), ਪਿਊਸ਼ ਚਾਵਲਾ (157) ਅਤੇ ਹਰਭਜਨ ਸਿੰਘ (150) ਸ਼ਾਮਲ ਹਨ।
ਇਹ ਵੀ ਪੜ੍ਹੋ: ਗਰਮੀ ਦੀ ਸ਼ੁਰੂਆਤ 'ਚ ਹੀ ਮਾਨ ਸਰਕਾਰ ਅੱਗ ਆਇਆ ਬਿਜਲੀ ਸੰਕਟ, ਪ੍ਰਾਈਵੇਟ ਥਰਮਲ ਪਲਾਂਟਾਂ 'ਚ 3 ਤੋਂ 6 ਦਿਨਾਂ ਦਾ ਕੋਲਾ ਬਚਿਆ