ਨਵੀਂ ਦਿੱਲੀ: ਜਿਸ ਵਿਅਕਤੀ ਦਾ ਇਮਿਊਨ ਸਿਸਟਮ ਜਿੰਨਾ ਮਜ਼ਬੂਤ ਹੁੰਦਾ ਹੈ, ਉਹ ਓਨਾ ਹੀ ਘੱਟ ਬਿਮਾਰ ਹੁੰਦਾ ਹੈ। ਇਮਿਊਨਿਟੀ ਵਧਾਉਣ ਲਈ ਲੋਕ ਵੱਖ-ਵੱਖ ਕਿਸਮਾਂ ਦੇ ਖਾਣੇ ਦੀ ਵਰਤੋਂ ਕਰਦੇ ਹਨ। ਅਜਿਹੇ ਸਮਿਆਂ ਵਿੱਚ ਸਿਹਤ ਮੰਤਰਾਲੇ ਵੱਲੋਂ ਇਮਿਊਨ ਪ੍ਰਣਾਲੀ ਨੂੰ ਵਧਾਉਣ ਵਾਲੇ ਭੋਜਨ ਦੀ ਵਰਤੋਂ ਕਰਨ ਲਈ ਵੀ ਕਿਹਾ ਜਾ ਰਿਹਾ ਹੈ।
ਤੁਹਾਨੂੰ ਆਪਣੀ ਇਮਿਊਨ ਸਿਸਟਮ ਨੂੰ ਮਜ਼ਬੂਤ ਕਰਨ ਲਈ ਸਾਰੇ ਜ਼ਰੂਰੀ ਉਪਾਅ ਕਰਨੇ ਚਾਹੀਦੇ ਹਨ। ਜੇ ਤੁਹਾਡੀ ਇਮਿਊਨਿਟੀ ਚੰਗੀ ਹੈ, ਤਾਂ ਤੁਸੀਂ ਕਿਸੇ ਬਿਮਾਰੀ ‘ਚ ਨਹੀਂ ਫਸੋਗੇ। ਅੱਜ ਤੁਹਾਨੂੰ ਦੱਸਦੇ ਹਾਂ ਕਿ ਇਮਿਊਨ ਸਿਸਟਮ ਨੂੰ ਵਧਾਉਣ ਲਈ ਕਿਸ ਤਰ੍ਹਾਂ ਦੇ ਖਾਣੇ ਦੀ ਲੋੜ ਹੈ।
ਜੜੀਆਂ ਬੂਟੀਆਂ ਦੇ ਨਾਲ ਇਮਿਊਨਿਟੀ ਵਧਾਓ: ਭਾਰਤ ਨੂੰ ਜੜ੍ਹੀਆਂ ਬੂਟੀਆਂ ਦਾ ਦੇਸ਼ ਵੀ ਕਿਹਾ ਜਾਂਦਾ ਹੈ। ਕਾਲੀ ਮਿਰਚ, ਮੇਥੀ ਦੇ ਦਾਣੇ, ਹਲਦੀ, ਅਦਰਕ, ਦਾਲਚੀਨੀ, ਇਲਾਇਚੀ ਅਤੇ ਲੌਂਗ ‘ਚ ਮੌਜੂਦ ਐਂਟੀਔਕਸੀਡੈਂਟ ਸਰੀਰ ਦੀਆਂ ਬਿਮਾਰੀਆਂ ਨਾਲ ਲੜਨ ਦੀ ਯੋਗਤਾ ਨੂੰ ਵਧਾਉਂਦੇ ਹਨ। ਜੇ ਤੁਸੀਂ ਕੁਦਰਤੀ ਢੰਗ ਨਾਲ ਸਰੀਰ ਦੀ ਪ੍ਰਤੀਰੋਧਕ ਸ਼ਕਤੀ ਨੂੰ ਵਧਾਉਣਾ ਚਾਹੁੰਦੇ ਹੋ, ਤਾਂ ਇਨ੍ਹਾਂ ਨੂੰ ਕਾੜੇ ਵਜੋਂ ਵਰਤੋ।
ਅਦਰਕ ਤੇ ਲਸਣ ਵੀ ਇਮਿਊਨਿਟੀ ਵਧਾਉਂਦੇ ਹਨ: ਲਸਣ ਦੀ ਵਰਤੋਂ ਫਲੂ ਅਤੇ ਇਨਫੈਕਸ਼ਨ ਨਾਲ ਲੜਨ ਲਈ ਪਹਿਲਾਂ ਹੀ ਕੀਤੀ ਜਾ ਚੁੱਕੀ ਹੈ। ਇਸ ਤੋਂ ਇਲਾਵਾ ਭੋਜਨ ‘ਚ ਹਲਦੀ ਅਤੇ ਅਦਰਕ ਦੀ ਵਰਤੋਂ ਕਰਨ ਨਾਲ ਸਰੀਰ ਦੀ ਪ੍ਰਤੀਰੋਧੀ ਪ੍ਰਣਾਲੀ ‘ਚ ਵਾਧਾ ਹੁੰਦਾ ਹੈ।
ਫਲ ਵੀ ਇਮਿਊਨਿਟੀ ਵਧਾਉਂਦੇ ਹਨ: ਜੇਕਰ ਤੁਸੀਂ ਸਰੀਰ ਦੀ ਇਮਿਊਨਿਟੀ ਵਧਾਉਣਾ ਚਾਹੁੰਦੇ ਹੋ, ਤਾਂ ਇਸ ਨੂੰ ਫਲਾਂ ਦੇ ਜ਼ਰੀਏ ਵੀ ਵਧਾਇਆ ਜਾ ਸਕਦਾ ਹੈ। ਖੱਟੇ ਫਲ ਖਾਣ ਨਾਲ ਇਮਿਊਨਿਟੀ ਵਧਦੀ ਹੈ।
ਡ੍ਰਾਈਫ੍ਰੂਟ ਦੀ ਵਰਤੋਂ: ਡ੍ਰਾਈਫ੍ਰੂਟ ਦੀ ਵਰਤੋਂ ਸਰੀਰ ਦੀ ਪ੍ਰਤੀਰੋਧਕ ਸ਼ਕਤੀ ਨੂੰ ਵਧਾਉਣ ਲਈ ਵੀ ਕੀਤੀ ਜਾ ਸਕਦੀ ਹੈ। ਜਿਸ ‘ਚ ਕਾਜੂ, ਕਿਸ਼ਮਿਸ਼, ਪਿਸਤਾ, ਅਖਰੋਟ, ਖਜੂਰ ਤੇ ਛੂਹਾਰੇ ਖਾਣ ਨਾਲ ਸਰੀਰ ਦਾ ਇਮਿਊਨ ਸਿਸਟਮ ਵਧ ਜਾਂਦਾ ਹੈ।