Benefits Of Breast Milk: ਕੋਈ ਵੀ ਪੌਸ਼ਟਿਕ ਖੁਰਾਕ ਮਾਂ ਦੇ ਦੁੱਧ ਦਾ ਮੁਕਾਬਲਾ ਨਹੀਂ ਕਰ ਸਕਦੀ। ਇਹੀ ਕਾਰਨ ਹੈ ਕਿ ਨਵਜੰਮੇ ਬੱਚੇ ਨੂੰ ਪੂਰੇ ਇੱਕ ਸਾਲ ਤੱਕ ਸਿਰਫ਼ ਮਾਂ ਦਾ ਦੁੱਧ ਹੀ ਪਿਲਾਉਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਇਹ ਦੁੱਧ ਸਰੀਰ ਲਈ ਪੌਸ਼ਟਿਕ ਹੁੰਦਾ ਹੈ। ਕੀ ਤੁਸੀਂ ਜਾਣਦੇ ਹੋ ਕਿ ਮਾਂ ਦਾ ਦੁੱਧ ਪੀਣ ਵਾਲੇ ਬੱਚਿਆਂ ਦਾ ਦਿਮਾਗ ਪੜ੍ਹਾਈ ਵਿੱਚ ਵੀ ਦੂਜੇ ਬੱਚਿਆਂ ਨਾਲੋਂ ਤੇਜ਼ ਹੁੰਦਾ ਹੈ। ਇਕ ਅਧਿਐਨ 'ਚ ਹੋਏ ਖੁਲਾਸੇ ਵਿੱਚ ਮਾਂ ਦੇ ਦੁੱਧ ਅਤੇ ਪ੍ਰੀਖਿਆ 'ਚ ਅੰਕਾਂ ਦਾ ਕਨੈਕਸ਼ਨ ਸਾਫ਼ ਹੋ ਗਿਆ ਹੈ। ਜਿਨ੍ਹਾਂ ਬੱਚਿਆਂ ਨੇ ਆਪਣੀ ਮਾਂ ਦਾ ਦੁੱਧ ਇਕ ਸਾਲ ਤੱਕ ਲਗਾਤਾਰ ਪੀਤਾ ਹੈ, ਉਨ੍ਹਾਂ ਦੇ ਅੰਕ ਦੂਜੇ ਬੱਚਿਆਂ ਨਾਲੋਂ ਵੱਧ ਸਨ।
ਜਰਨਲ ਆਰਕਾਈਵਜ਼ ਆਫ਼ ਡਿਜ਼ੀਜ਼ ਇਨ ਚਾਈਲਡਹੁੱਡ ਵਿੱਚ ਪ੍ਰਕਾਸ਼ਿਤ, ਇਸ ਅਧਿਐਨ ਲਈ 2000 ਤੋਂ 2002 ਦਰਮਿਆਨ ਪੈਦਾ ਹੋਏ 4940 ਬੱਚਿਆਂ ਨੂੰ ਚੁਣਿਆ ਗਿਆ ਸੀ। ਇਨ੍ਹਾਂ ਸਾਰੇ ਬੱਚਿਆਂ ਦੀ ਪੜ੍ਹਾਈ ਦੇ ਨਤੀਜਿਆਂ ਦਾ ਮੁਲਾਂਕਣ ਕੀਤਾ ਗਿਆ। ਇਸ ਮੁਲਾਂਕਣ ਵਿੱਚ ਸਿਰਫ਼ ਇੱਕ ਬਿੰਦੂ ਸ਼ਾਮਲ ਕੀਤਾ ਗਿਆ ਸੀ ਕਿ ਕੀ ਸਾਰੇ ਕਿਸ਼ੋਰਾਂ ਨੂੰ ਪੀਣ ਲਈ ਮਾਂ ਦਾ ਦੁੱਧ ਮਿਲਿਆ ਹੈ ਜਾਂ ਨਹੀਂ। ਉਨ੍ਹਾਂ ਦੀ ਆਰਥਿਕ ਸਥਿਤੀ ਵਰਗੇ ਨੁਕਤੇ ਇਸ ਖੋਜ ਵਿੱਚ ਸ਼ਾਮਲ ਨਹੀਂ ਕੀਤੇ ਗਏ ਸਨ। ਹਾਲਾਂਕਿ ਮਾਂ ਦਾ ਇੰਟੈਲੀਜੈਂਸ ਟੈਸਟ ਜ਼ਰੂਰ ਲਿਆ ਗਿਆ ਸੀ। ਜਿਸ ਲਈ ਉਸ ਤੋਂ 20 ਸ਼ਬਦਾਂ ਦਾ ਸ਼ਬਦਾਵਲੀ ਟੈਸਟ ਲਿਆ ਗਿਆ।
ਇਹ ਵੀ ਪੜ੍ਹੋ: ਪੀਰੀਅਡਸ ਬੰਦ ਤੋਂ ਬਾਅਦ ਔਰਤਾਂ ਨੂੰ ਜ਼ਰੂਰ ਕਰਨਾ ਚਾਹੀਦੈ ਇਹ ਕੰਮ, ਨਹੀਂ ਤਾਂ Ovarian Cancer ਦਾ ਹੋ ਸਕਦੀਆਂ ਨੇ ਸ਼ਿਕਾਰ
ਸਟੱਡੀ ਵਿੱਚ ਸਾਹਮਣੇ ਆਇਆ
ਅਧਿਐਨ ਵਿਚ ਸਾਹਮਣੇ ਆਏ ਨਤੀਜੇ ਹੈਰਾਨ ਕਰਨ ਵਾਲੇ ਸਨ। ਆਕਸਫੋਰਡ ਦੇ ਖੋਜਕਰਤਾਵਾਂ ਨੇ ਬੱਚਿਆਂ ਦੇ GCSE ਗ੍ਰੇਡਾਂ ਦਾ ਅਧਿਐਨ ਕੀਤਾ। ਪੂਰਾ ਸਾਲ ਮਾਂ ਦਾ ਦੁੱਧ ਪੀਣ ਵਾਲੇ ਬੱਚਿਆਂ ਦੇ ਨਤੀਜੇ ਮਾਂ ਦਾ ਦੁੱਧ ਨਾ ਪੀਣ ਵਾਲੇ ਬੱਚਿਆਂ ਨਾਲੋਂ ਬਹੁਤ ਵਧੀਆ ਰਹੇ। ਉਨ੍ਹਾਂ ਦੀ ਦੂਜਿਆਂ ਨਾਲੋਂ ਅੰਗਰੇਜ਼ੀ GCSE ਵਿੱਚ ਫੇਲ ਹੋਣ ਦੀ ਸੰਭਾਵਨਾ 25 ਪ੍ਰਤੀਸ਼ਤ ਘੱਟ ਸਨ। ਇਸੇ ਤਰ੍ਹਾਂ ਚਾਰ ਮਹੀਨੇ ਤੱਕ ਦੁੱਧ ਪੀਣ ਵਾਲੇ ਬੱਚੇ ਵੀ ਮਾਂ ਦੇ ਦੁੱਧ ਤੋਂ ਵਾਂਝੇ ਰਹਿ ਜਾਣ ਵਾਲੇ ਬੱਚਿਆਂ ਤੋਂ ਅੱਗੇ ਸਨ। ਅਧਿਐਨ ਦੇ ਮੁੱਖ ਲੇਖਕ ਅਤੇ ਆਕਸਫੋਰਡ ਯੂਨੀਵਰਸਿਟੀ ਦੇ ਡਾਕਟਰ ਰੇਨੀ ਪੇਰਏਰਾ-ਏਲੀਆਸ ਦੇ ਅਨੁਸਾਰ, ਟੈਸਟ ਦੇ ਬਿਹਤਰ ਨਤੀਜੇ ਦਰਸਾਉਂਦੇ ਹਨ ਕਿ ਜੋ ਮਾਵਾਂ ਆਪਣੇ ਬੱਚਿਆਂ ਨੂੰ ਦੁੱਧ ਚੁੰਘਾ ਸਕਦੀਆਂ ਹਨ, ਉਨ੍ਹਾਂ ਨੂੰ ਦੁੱਧ ਚੁੰਘਾਉਣਾ ਚਾਹੀਦਾ ਹੈ। ਪਰ ਜਿਹੜੇ ਲੋਕ ਕਿਸੇ ਕਾਰਨ ਪਿੱਛੇ ਰਹਿ ਗਏ ਹਨ, ਉਨ੍ਹਾਂ ਨੂੰ ਨਿਰਾਸ਼ ਨਹੀਂ ਹੋਣਾ ਚਾਹੀਦਾ ਕਿਉਂਕਿ ਨਤੀਜਾ ਸੁਧਾਰਨ ਦੇ ਹੋਰ ਵੀ ਕਈ ਤਰੀਕੇ ਹਨ।
ਇਹ ਵੀ ਪੜ੍ਹੋ: Mental Health: ਕੀ ਤੁਸੀਂ ਸਾਰਾ ਦਿਨ ਫ਼ੋਨ 'ਤੇ ਰੁੱਝੇ ਰਹਿੰਦੇ ਹੋ? ਇਹ ਮਾਨਸਿਕ ਰੋਗ ਦੀ ਨਿਸ਼ਾਨੀ ਹੈ, ਇਨ੍ਹਾਂ ਲੱਛਣਾਂ ਵੱਲ ਧਿਆਨ ਦਿਓ