Headphone Side Effects: ਅੱਜਕੱਲ੍ਹ ਜ਼ਿਆਦਾਤਰ ਲੋਕ ਸ਼ਹਿਰੀ ਰੌਲੇ-ਰੱਪੇ ਤੋਂ ਬਚਣ ਲਈ ਜਾਂ ਫੈਸ਼ਨੇਬਲ ਦਿਖਣ ਲਈ ਹੈੱਡਫੋਨ ਦੀ ਵਰਤੋਂ ਕਰਦੇ ਹਨ। ਦਫਤਰ ਜਾਣਾ ਹੋਵੇ, ਕਾਲਜ ਜਾਣਾ ਹੋਵੇ ਜਾਂ ਸਫਰ 'ਤੇ ਜਾਣਾ ਹੋਵੇ, ਅਜਿਹੇ ਸਮੇਂ 'ਚ ਹੈੱਡਫੋਨ ਜਾਂ ਈਅਰਫੋਨ ਹਰ ਕਿਸੇ ਦੇ ਸਾਥੀ ਬਣ ਜਾਂਦੇ ਹਨ। ਇਹ ਸੱਚ ਹੈ ਕਿ ਹੈੱਡਫੋਨ ਬਾਹਰੀ ਸ਼ੋਰ ਤੋਂ ਬਚਾਉਂਦਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ ਦੀ ਜ਼ਿਆਦਾ ਵਰਤੋਂ ਤੁਹਾਡੇ ਲਈ ਨੁਕਸਾਨਦੇਹ ਸਾਬਤ ਹੋ ਸਕਦੀ ਹੈ।
ਹਾਂ ਤੁਸੀਂ ਠੀਕ ਸੁਣ ਰਹੇ ਹੋ। ਜੇਕਰ ਤੁਸੀਂ ਵੀ ਉਨ੍ਹਾਂ ਲੋਕਾਂ 'ਚੋਂ ਹੋ, ਜੋ ਘੰਟਿਆਂ ਬੱਧੀ ਹੈੱਡਫੋਨ ਦੀ ਵਰਤੋਂ ਕਰਦੇ ਹਨ, ਤਾਂ ਹੋ ਜਾਓ ਸਾਵਧਾਨ। ਕਿਉਂਕਿ ਇਸ ਦੀ ਵਰਤੋਂ ਨਾਲ ਨਾ ਸਿਰਫ ਤੁਹਾਡੇ ਕੰਨਾਂ 'ਤੇ ਹੀ ਨਹੀਂ ਬੁਰਾ ਪ੍ਰਭਾਵ ਪਵੇਗਾ, ਸਗੋਂ ਸਰੀਰ ਨੂੰ ਕਈ ਗੰਭੀਰ ਨੁਕਸਾਨ ਵੀ ਝੱਲਣੇ ਪੈ ਸਕਦੇ ਹਨ।
ਸਿਹਤ ਮਾਹਰਾਂ ਦਾ ਮੰਨਣਾ ਹੈ ਕਿ ਈਅਰਫੋਨ ਜਾਂ ਹੈੱਡਫੋਨ ਸਰੀਰ ਨੂੰ ਨੁਕਸਾਨ ਪਹੁੰਚਾਉਣ ਦੇ ਨਾਲ-ਨਾਲ ਇੱਕ ਬੁਰੀ ਲਤ ਵੀ ਬਣ ਸਕਦੇ ਹਨ। ਈਅਰਫੋਨ ਤੋਂ ਆਉਣ ਵਾਲਾ ਸੰਗੀਤ ਤੁਹਾਡੇ ਕੰਨ ਦੇ ਪਰਦੇ 'ਤੇ ਬਹੁਤ ਜ਼ਿਆਦਾ ਪ੍ਰਭਾਵ ਪਾਉਂਦਾ ਹੈ, ਜਿਸ ਨਾਲ ਸਥਾਈ ਨੁਕਸਾਨ ਹੋ ਸਕਦਾ ਹੈ। ਪਿਛਲੇ 10 ਸਾਲਾਂ ਵਿੱਚ, ਪੋਰਟੇਬਲ ਈਅਰਫੋਨ ਤੋਂ ਆਉਣ ਵਾਲੇ ਹਾਈ ਮਿਊਜ਼ਿਕ ਦੇ ਬਹੁਤ ਸਾਰੇ ਪ੍ਰਭਾਵ ਦੇਖੇ ਗਏ ਹਨ। ਇਹ ਚਿੰਤਾ ਵੀ ਵਧ ਰਹੀ ਹੈ ਕਿ ਲੋਕ ਘੰਟਿਆਂ ਬੱਧੀ ਹੈੱਡਫੋਨ ਨਾਲ ਚਿਪਕੇ ਰਹਿੰਦੇ ਹਨ, ਜਿਸ ਨਾਲ ਸਰੀਰ 'ਤੇ ਕਈ ਮਾੜੇ ਪ੍ਰਭਾਵ ਹੁੰਦੇ ਹਨ। ਵਿਸ਼ਵ ਸਿਹਤ ਸੰਗਠਨ (WHO) ਦਾ ਅਨੁਮਾਨ ਹੈ ਕਿ ਹੈੱਡਫੋਨ ਜਾਂ ਈਅਰਫੋਨ ਦੀ ਜ਼ਿਆਦਾ ਵਰਤੋਂ ਕਾਰਨ ਦੁਨੀਆ ਭਰ ਦੇ ਲਗਭਗ 10 ਕਰੋੜ ਨੌਜਵਾਨਾਂ ਦੀ ਸੁਣਨ ਦੀ ਸਮਰੱਥਾ ਪ੍ਰਭਾਵਿਤ ਹੋ ਸਕਦੀ ਹੈ।
ਬਹਿਰਾਪਨ
ਈਅਰਫੋਨ ਜਾਂ ਹੈੱਡਫੋਨ ਨਾਲ ਉੱਚੀ ਆਵਾਜ਼ ਵਿੱਚ ਸੰਗੀਤ ਸੁਣਨਾ ਤੁਹਾਡੀ ਸੁਣਨ ਦੀ ਸਮਰੱਥਾ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ। ਕੰਨਾਂ ਦੀ ਸੁਣਨ ਦੀ ਸਮਰੱਥਾ ਸਿਰਫ 90 ਡੈਸੀਬਲ ਹੈ, ਜਿਸ ਨੂੰ ਲਗਾਤਾਰ ਸੁਣਨ ਨਾਲ 40-50 ਡੈਸੀਬਲ ਤੱਕ ਘਟਾਇਆ ਜਾ ਸਕਦਾ ਹੈ।
ਦਿਲ ਦੀ ਬਿਮਾਰੀ ਦਾ ਖਤਰਾ
ਮਾਹਰਾਂ ਮੁਤਾਬਕ ਹੈੱਡਫੋਨ ਲਗਾ ਕੇ ਘੰਟਿਆਂ ਬੱਧੀ ਸੰਗੀਤ ਸੁਣਨਾ ਕੰਨਾਂ ਦੇ ਨਾਲ-ਨਾਲ ਦਿਲ ਲਈ ਵੀ ਠੀਕ ਨਹੀਂ ਹੈ। ਇਸ ਨਾਲ ਨਾ ਸਿਰਫ ਦਿਲ ਦੀ ਧੜਕਣ ਤੇਜ਼ ਹੁੰਦੀ ਹੈ, ਸਗੋਂ ਦਿਲ ਨੂੰ ਵੀ ਕਾਫੀ ਨੁਕਸਾਨ ਹੁੰਦਾ ਹੈ।
ਇਹ ਵੀ ਪੜ੍ਹੋ: ਮਿਸਕੈਰੇਜ ਤੋਂ ਬਾਅਦ ਪ੍ਰੈਗਨੈਂਸੀ ਤੋਂ ਲੱਗਦਾ ਹੈ ਡਰ? ਤਾਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ, ਅਪਣਾਓ ਇਹ ਹੈਲਥੀ ਟਿਪਸ
ਸਿਰ ਦਰਦ
ਹੈੱਡਫੋਨ ਜਾਂ ਈਅਰਫੋਨ ਤੋਂ ਨਿਕਲਣ ਵਾਲੀਆਂ ਇਲੈਕਟ੍ਰੋਮੈਗਨੈਟਿਕ ਤਰੰਗਾਂ ਦਾ ਦਿਮਾਗ 'ਤੇ ਬੁਰਾ ਪ੍ਰਭਾਵ ਪੈਂਦਾ ਹੈ। ਇਸ ਕਾਰਨ ਸਿਰ ਦਰਦ ਅਤੇ ਮਾਈਗ੍ਰੇਨ ਦੀ ਸਮੱਸਿਆ ਪੈਦਾ ਹੋ ਜਾਂਦੀ ਹੈ। ਬਹੁਤ ਸਾਰੇ ਲੋਕ ਨੀਂਦ ਵਿਗਾੜ, ਨੀਂਦ ਨਾ ਆਉਣਾ, ਇਨਸੌਮਨੀਆ ਜਾਂ ਸਲੀਪ ਐਪਨੀਆ ਤੋਂ ਵੀ ਪੀੜਤ ਹਨ।
ਕੰਨ ਵਿੱਚ ਇਨਫੈਕਸ਼ਨ
ਈਅਰਫੋਨ ਨੂੰ ਸਿੱਧਾ ਕੰਨ ਉੱਤੇ ਰੱਖਿਆ ਜਾਂਦਾ ਹੈ, ਜੋ ਹਵਾ ਦੇ ਰਸਤੇ ਵਿੱਚ ਰੁਕਾਵਟ ਪੈਦਾ ਕਰਦਾ ਹੈ। ਇਹ ਰੁਕਾਵਟ ਬੈਕਟੀਰੀਆ ਦੇ ਵਿਕਾਸ ਸਮੇਤ ਵੱਖ-ਵੱਖ ਕਿਸਮਾਂ ਦੇ ਕੰਨਾਂ ਦੀ ਲਾਗ ਦਾ ਕਾਰਨ ਬਣ ਸਕਦੀ ਹੈ।
ਸਟ੍ਰੈਸ ਅਤੇ ਟੈਂਸ਼ਨ ਵਿੱਚ ਵਾਧਾ
ਸਟ੍ਰੈਸ ਅਤੇ ਟੈਂਸ਼ਨ ਵਿੱਚ ਵਾਧਾਹੈੱਡਫੋਨ ਦੀ ਲੰਬੇ ਸਮੇਂ ਤੱਕ ਵਰਤੋਂ ਇੱਕ ਵਿਅਕਤੀ ਦੇ ਸਮਾਜਿਕ ਜੀਵਨ ਅਤੇ ਮਾਨਸਿਕ ਸਿਹਤ ਦੀ ਯੋਗਤਾ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ। ਕਈ ਵਾਰ ਇਹ ਵਧੇਰੇ ਚਿੰਤਾ ਅਤੇ ਤਣਾਅ ਦਾ ਕਾਰਨ ਵੀ ਬਣ ਸਕਦਾ ਹੈ।