Harms Of Eating Golgappa In Rainy Season: ਗੋਲਗੱਪੇ ਜਾਂ ਪਾਣੀ ਪੂਰੀ ਦਾ ਨਾਮ ਸੁਣਦਿਆਂ ਹੀ ਹਰ ਕਿਸੇ ਦੇ ਮੂੰਹ ਵਿੱਚ ਪਾਣੀ ਆ ਜਾਂਦਾ ਹੈ। ਇਹ ਬਹੁਤ ਹੀ ਸਵਾਦਿਸ਼ਟ ਤੇ ਸ਼ਾਨਦਾਰ ਸਟ੍ਰੀਟ ਫੂਡ ਹੈ। ਔਰਤਾਂ, ਮਰਦ, ਬੱਚੇ, ਬੁੱਢੇ ਹਰ ਕੋਈ ਗੋਲਗੱਪੇ ਬੜੇ ਚਾਅ ਨਾਲ ਗੋਲਗੱਪੇ ਖਾਂਦੇ ਹਨ। ਇਸ ਦਾ ਖੱਟਾ-ਮਿੱਠਾ, ਮਸਾਲੇਦਾਰ ਸਵਾਦ ਹਰ ਕਿਸੇ ਨੂੰ ਆਪਣੇ ਵੱਲ ਖਿੱਚਦਾ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਬਰਸਾਤ ਦੇ ਮੌਸਮ ਵਿੱਚ ਗੋਲਗੱਪੇ ਖਾਣਾ ਤੁਹਾਨੂੰ ਬਹੁਤ ਮਹਿੰਗਾ ਪੈ ਸਕਦਾ ਹੈ। ਗੋਲਗੱਪੇ ਖਾ ਕੇ ਕੋਈ ਵਿਅਕਤੀ ਹਸਪਤਾਲ ਵੀ ਪਹੁੰਚ ਸਕਦਾ ਹੈ। ਆਓ ਜਾਣਦੇ ਹਾਂ ਇਹ ਤੁਹਾਡੇ ਲਈ ਕਿਵੇਂ ਨੁਕਸਾਨਦਾਇਕ ਹੋ ਸਕਦਾ ਹੈ।
ਗੋਲਗੱਪਾ ਖਾਣ ਨਾਲ ਹੁੰਦਾ ਨੁਕਸਾਨ- ਦਰਅਸਲ, ਬਰਸਾਤ ਦੇ ਮੌਸਮ ਵਿੱਚ ਲਾਗ ਤੇਜ਼ੀ ਨਾਲ ਫੈਲਦੀ ਹੈ। ਇਸ ਮੌਸਮ ਵਿੱਚ ਵਾਯੂਮੰਡਲ ਵਿੱਚ ਨਮੀ ਵਧ ਜਾਂਦੀ ਹੈ ਤੇ ਕੀਟਾਣੂ ਵੀ ਵਧ ਜਾਂਦੇ ਹਨ। ਇਸ ਕਾਰਨ ਖੁੱਲ੍ਹੇ ਤੇ ਬਾਹਰ ਦੇ ਭੋਜਨ ਵਿੱਚ ਬੈਕਟੀਰੀਆ ਤੇਜ਼ੀ ਨਾਲ ਫੈਲਦੇ ਹਨ। ਇਸ ਦੇ ਨਾਲ ਹੀ ਹਰ ਗਲੀ ਨੁੱਕਰ ਵਿੱਚ ਗੋਲਗੱਪੇ ਵੇਖਣ ਨੂੰ ਮਿਲ ਜਾਂਦੇ ਹਨ। ਹਰ ਥਾਂ ਸਾਫ਼ ਪਾਣੀ ਤੇ ਸਾਫ਼-ਸਫ਼ਾਈ ਨਾਲ ਬਣਿਆ ਸਾਮਾਨ ਮਿਲਣਾ ਸੰਭਵ ਨਹੀਂ।
ਬਾਰਸ਼ ਦੇ ਸੀਜ਼ਨ ਵਿੱਚ ਗੋਲਗੱਪੇ ਦਾ ਪਾਣੀ ਬਣਾਉਣ ਲਈ ਕਈ ਵਾਰ ਅਸ਼ੁੱਧ ਪਾਣੀ ਦੀ ਵਰਤੋਂ ਵੀ ਹੋ ਜਾਂਦੀ ਹੈ। ਗੋਲਗੱਪੇ ਵਾਲੇ ਕਈ ਵਾਰ ਬਾਸੀ ਪਾਣੀ ਤੇ ਸਟਫਿੰਗ ਵੀ ਵਰਤ ਲੈਂਦੇ ਹਨ ਜਿਸ ਵੱਲ ਲੋਕ ਧਿਆਨ ਨਹੀਂ ਦਿੰਦੇ। ਇਹ ਲਾਪ੍ਰਵਾਹੀ ਬੀਮਾਰੀਆਂ ਦਾ ਕਾਰਨ ਬਣਦੀ ਹੈ। ਦੂਸ਼ਿਤ ਪਾਣੀ ਨਾਲ ਹੈਜ਼ਾ ਫੈਲਣ ਦਾ ਖਦਸ਼ਾ ਹੈ। ਇਸ ਕਾਰਨ ਤੁਹਾਨੂੰ ਡਾਇਰੀਆ, ਪਾਚਨ ਕਿਰਿਆ 'ਚ ਗੜਬੜੀ, ਪੇਟ ਦਰਦ, ਅੰਤੜੀਆਂ 'ਚ ਸੋਜ, ਡੀਹਾਈਡ੍ਰੇਸ਼ਨ, ਉਲਟੀਆਂ ਆਦਿ ਦੀ ਸਮੱਸਿਆ ਵੀ ਹੋ ਸਕਦੀ ਹੈ। ਜੇਕਰ ਸਮੇਂ 'ਤੇ ਇਲਾਜ ਨਾ ਕਰਵਾਇਆ ਜਾਵੇ ਤਾਂ ਵਿਅਕਤੀ ਦੀ ਮੌਤ ਵੀ ਹੋ ਸਕਦੀ ਹੈ।
ਟਾਈਫਾਈਡ ਦਾ ਖਤਰਾ- ਗੋਲਗੱਪੇ ਖਾਣ ਨਾਲ ਵੀ ਤੁਹਾਨੂੰ ਟਾਈਫਾਈਡ ਵੀ ਹੋ ਸਕਦਾ ਹੈ। ਬਾਰਸ਼ ਵਿੱਚ ਬੈਕਟੀਰੀਆ ਜ਼ਿਆਦਾ ਸਰਗਰਮ ਰਹਿੰਦੇ ਹਨ ਤੇ ਗੋਲਗੱਪੇ ਦੀ ਰੇਹੜੀ 'ਤੇ ਭੀੜ ਲੱਗੀ ਰਹਿੰਦੀ ਹੈ। ਅਜਿਹੇ 'ਚ ਜੇਕਰ ਕੋਈ ਇਨਫੈਕਟਿਡ ਵਿਅਕਤੀ ਗੋਲਗੱਪੇ ਦੇ ਪਾਣੀ ਦੇ ਸੰਪਰਕ 'ਚ ਆਉਂਦਾ ਹੈ ਤਾਂ ਪਾਣੀ ਆਸਾਨੀ ਨਾਲ ਦੂਸ਼ਿਤ ਹੋ ਜਾਂਦਾ ਹੈ। ਇਸ ਨੂੰ ਪੀਣ ਨਾਲ ਲੋਕ ਆਸਾਨੀ ਨਾਲ ਸੰਕਰਮਿਤ ਹੋ ਜਾਂਦੇ ਹਨ।
ਦੱਸ ਦੇਈਏ ਕਿ ਨੇਪਾਲ ਤੇ ਤੇਲੰਗਾਨਾ ਵਰਗੇ ਰਾਜਾਂ ਵਿੱਚ ਪਾਣੀ ਪੂਰੀ 'ਤੇ ਪਾਬੰਦੀ ਲਗਾਈ ਗਈ ਸੀ ਕਿਉਂਕਿ ਪਾਣੀ ਪੂਰੀ ਖਾਣ ਤੋਂ ਬਾਅਦ ਕਈ ਲੋਕ ਟਾਈਫਾਈਡ ਦੀ ਲਪੇਟ 'ਚ ਆ ਗਏ ਸਨ। ਇਹੀ ਕਾਰਨ ਹੈ ਕਿ ਟਾਈਫਾਈਡ ਨੂੰ ਪਾਣੀ ਪੂਰੀ ਦੀ ਬੀਮਾਰੀ ਦਾ ਨਾਂ ਦਿੱਤਾ ਗਿਆ ਹੈ। ਇਸ ਕਾਰਨ ਨਾ ਸਿਰਫ਼ ਟਾਈਫਾਈਡ ਹੋਣ ਦਾ ਖ਼ਤਰਾ ਰਹਿੰਦਾ ਹੈ, ਸਗੋਂ ਤੁਸੀਂ ਹੋਰ ਬਿਮਾਰੀਆਂ ਤੋਂ ਵੀ ਪੀੜਤ ਹੋ ਸਕਦੇ ਹੋ।
ਇਹ ਵੀ ਪੜ੍ਹੋ: Nasa Warns: ਭਵਿੱਖਬਾਣੀ ਤੋਂ ਜਲਦੀ ਹੀ ਤਬਾਹ ਹੋ ਜਾਵੇਗੀ ਧਰਤੀ, ਸਮੇਂ ਤੋਂ ਪਹਿਲਾਂ ਸਪੇਸ ਬਦਲ ਰਿਹਾ ਰੰਗ, ਹੋ ਰਹੀ ਹੈ ਮੌਤ ਦੀ ਤਿਆਰੀ!
ਬਿਮਾਰੀਆਂ ਤੋਂ ਬਚਣ ਲਈ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ- ਜੇਕਰ ਸੰਭਵ ਹੋਵੇ ਤਾਂ ਬਰਸਾਤ ਦੇ ਮੌਸਮ ਵਿੱਚ ਬਿਮਾਰੀਆਂ ਤੋਂ ਬਚਣ ਲਈ ਗੋਲਗੱਪੇ ਖਾਣ ਤੋਂ ਪ੍ਰਹੇਜ਼ ਕਰਨਾ ਚਾਹੀਦਾ ਹੈ। ਜੇ ਬਹੁਤੀ ਲਾਲਸਾ ਹੋਵੇ ਤਾਂ ਉੱਥੇ ਜਾਓ ਜਿੱਥੇ ਸਫ਼ਾਈ ਹੋਵੇ। ਤੁਹਾਨੂੰ ਗੋਲਗੱਪੇ ਸਿਰਫ ਉਨ੍ਹਾਂ ਸਟਾਲਾਂ 'ਤੇ ਖਾਣੇ ਚਾਹੀਦੇ ਹਨ ਜਿੱਥੇ ਪਾਣੀ, ਚਟਨੀ ਤੇ ਗੋਲਗੱਪੇ ਨੂੰ ਢੱਕ ਕੇ ਰੱਖਿਆ ਜਾਂਦਾ ਹੈ। ਇਹ ਵੀ ਧਿਆਨ ਦਿਓ ਕਿ ਗੋਲਗੱਪਾ ਵੇਚਣ ਵਾਲੇ ਨੇ ਦਸਤਾਨੇ ਪਹਿਨੇ ਹੋਏ ਹਨ ਜਾਂ ਨਹੀਂ।
ਇਹ ਵੀ ਪੜ੍ਹੋ: Viral Video: ਪਤੀ ਨੇ ਪਤਨੀ ਨਾਲ ਉਸਦੇ ਘਰ ਜਾਣ ਤੋਂ ਕੀਤਾ ਇਨਕਾਰ, ਪਤਨੀ ਨੇ ਝਾੜੂ ਚੁੱਕ ਕੇ ਪੁੱਛਿਆ ਕਾਰਨ, ਪਤੀ ਨੇ ਦੱਸਿਆ ਆਪਣਾ ਦਰਦ