Aluminium Foil Food Packaging: ਅੱਜ-ਕੱਲ੍ਹ, ਜ਼ਿਆਦਾਤਰ ਲੋਕ ਭੋਜਨ ਨੂੰ ਪੈਕ ਕਰਨ ਲਈ ਐਲੂਮੀਨੀਅਮ ਫੋਇਲ (Auminium Foil) ਦੀ ਵਰਤੋਂ ਕਰਦੇ ਹਨ। ਅਕਸਰ ਮੰਨਿਆ ਜਾਂਦਾ ਹੈ ਕਿ ਐਲੂਮੀਨੀਅਮ ਫੋਇਲ ਵਿੱਚ ਭੋਜਨ ਪੈਕ ਕਰਨ ਨਾਲ ਇਹ ਲੰਬੇ ਸਮੇਂ ਤਕ ਤਾਜ਼ਾ ਤੇ ਗਰਮ ਰਹਿੰਦਾ ਹੈ। ਅਜਿਹੇ 'ਚ ਇਹ ਸਵਾਲ ਉੱਠਣਾ ਲਾਜ਼ਮੀ ਹੈ ਕਿ ਕੀ ਐਲੂਮੀਨੀਅਮ ਫੋਇਲ 'ਚ ਭੋਜਨ ਰੱਖਣਾ ਤੁਹਾਡੀ ਸਿਹਤ ਲਈ ਵਾਕਿਆ ਹੀ ਫਾਇਦੇਮੰਦ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਐਲੂਮੀਨੀਅਮ ਫੋਇਲ ਕਿਵੇਂ ਬਣਦੀ ਹੈ ਤੇ ਇਸ ਵਿੱਚ ਤੁਸੀਂ ਆਪਣੇ ਭੋਜਨ ਨੂੰ ਕਿੰਨੀ ਦੇਰ ਤਕ ਰੱਖ ਸਕਦੇ ਹੋ।
ਕਿਵੇਂ ਬਣਾਇਆ ਜਾਂਦਾ Aluminium Foil
ਅਸਲ ਵਿੱਚ ਐਲੂਮੀਨੀਅਮ ਫੋਇਲ ਵਿੱਚ ਸ਼ੁੱਧ ਐਲੂਮੀਨੀਅਮ ਨਹੀਂ ਹੁੰਦਾ, ਪਰ ਇਸ ਵਿੱਚ ਐਲੂਮੀਨੀਅਮ ਭਾਵ ਮਿਸ਼ਰਤ ਧਾਤ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਐਲੂਮੀਨੀਅਮ ਫੋਇਲ ਬਣਾਉਣ ਲਈ ਇਸ ਨੂੰ ਪਹਿਲਾਂ ਪਿਘਲਾ ਕੇ ਵਿਸ਼ੇਸ਼ ਕਿਸਮ ਦੀ ਮਸ਼ੀਨ ਵਿੱਚ ਤਿਆਰ ਕੀਤਾ ਜਾਂਦਾ ਹੈ ਜਿਸ ਨੂੰ ਰੋਲਿੰਗ ਮਿੱਲ ਕਿਹਾ ਜਾਂਦਾ ਹੈ। ਇਸ ਮਸ਼ੀਨ ਦਾ ਦਬਾਅ 0.01% ਹੈ। ਹੁਣ ਇਸ ਨੂੰ ਕੋਲਡ ਰੋਲਿੰਗ ਮਿੱਲ ਵਿੱਚ ਪਾ ਦਿੱਤਾ ਜਾਂਦਾ ਹੈ। ਠੰਢਾ ਹੋਣ ਤੋਂ ਬਾਅਦ, ਇਸ ਨੂੰ ਪਤਲਾ ਕਰ ਦਿੱਤਾ ਜਾਂਦਾ ਹੈ ਤੇ ਇਸ 'ਤੇ ਧਾਤੂ ਦੀ ਪਰਤ ਚੜ੍ਹ ਜਾਂਦੀ ਹੈ, ਜਿਸ ਕਾਰਨ ਇਹ ਸਖ਼ਤ ਐਲੂਮੀਨੀਅਮ ਪਤਲਾ ਦਿਖਾਈ ਦੇਣ ਲੱਗਦਾ ਹੈ।
ਆਖ਼ਰਕਾਰ Aluminium Foil ਕਿੰਨਾ ਸੁਰੱਖਿਅਤ
ਤੇਜ਼ੀ ਨਾਲ ਬਦਲਦੀ ਜੀਵਨ ਸ਼ੈਲੀ ਵਿੱਚ ਅੱਜ ਐਲੂਮੀਨੀਅਮ ਦੀ ਵਰਤੋਂ ਹਰ ਤਰ੍ਹਾਂ ਦੀਆਂ ਚੀਜ਼ਾਂ ਵਿੱਚ ਕੀਤੀ ਜਾਂਦੀ ਹੈ। ਚਾਹੇ ਉਹ ਐਲੂਮੀਨੀਅਮ ਦੇ ਭਾਂਡੇ, ਫੋਇਲ ਜਾਂ ਕੋਈ ਹੋਰ ਚੀਜ਼ ਹੋਵੇ। ਅਜਿਹੇ 'ਚ ਮਾਹਿਰਾਂ ਮੁਤਾਬਕ ਐਲੂਮੀਨੀਅਮ ਫੋਇਲ ਦੀ ਵਰਤੋਂ ਕਰਨਾ ਖਤਰਨਾਕ ਨਹੀਂ ਪਰ ਇਸ 'ਚ ਜ਼ਿਆਦਾ ਦੇਰ ਤਕ ਭੋਜਨ ਨਹੀਂ ਰੱਖਣਾ ਚਾਹੀਦਾ।
ਭੋਜਨ ਨੂੰ ਐਲੂਮੀਨੀਅਮ ਫੋਇਲ ਵਿੱਚ 4 ਤੋਂ 5 ਘੰਟਿਆਂ ਤੋਂ ਵੱਧ ਸਮੇਂ ਤਕ ਰੱਖਣਾ ਨੁਕਸਾਨਦੇਹ ਹੋ ਸਕਦਾ ਹੈ। ਇਸ ਲਈ ਜਦੋਂ ਵੀ ਤੁਸੀਂ ਭੋਜਨ ਨੂੰ ਐਲੂਮੀਨੀਅਮ ਫੋਇਲ 'ਚ ਰੱਖਦੇ ਹੋ ਤਾਂ ਇਸ ਗੱਲ ਦਾ ਧਿਆਨ ਰੱਖੋ ਕਿ ਫੋਇਲ 'ਚੋਂ ਭੋਜਨ ਕੱਢਦੇ ਸਮੇਂ ਗਲਤੀ ਨਾਲ ਇਸ ਦਾ ਕੋਈ ਟੁਕੜਾ ਨਾ ਰਹਿ ਜਾਵੇ।
ਇਹ ਹੋ ਸਕਦੈ Aluminium Foil ਦੇ ਵਿਕਲਪ
ਭੋਜਨ ਨੂੰ ਐਲੂਮੀਨੀਅਮ ਫੋਇਲ 'ਚ ਕੁਝ ਘੰਟਿਆਂ ਲਈ ਰੱਖਣਾ ਠੀਕ ਹੈ ਪਰ ਜ਼ਿਆਦਾ ਦੇਰ ਤੱਕ ਭੋਜਨ ਨੂੰ ਇਸ 'ਚ ਰੱਖਣ ਨਾਲ ਤੁਹਾਡੀ ਸਿਹਤ ਨੂੰ ਨੁਕਸਾਨ ਹੋ ਸਕਦਾ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਚਾਹੋ ਤਾਂ ਆਪਣੇ ਭੋਜਨ ਨੂੰ ਤਾਜ਼ਾ ਅਤੇ ਗਰਮ ਰੱਖਣ ਲਈ ਮਲਮਲ ਦੇ ਕੱਪੜੇ, ਫੂਡ ਗ੍ਰੇਡ ਬ੍ਰਾਊਨ ਪੇਪਰ ਜਾਂ ਬਟਰ ਪੇਪਰ ਦੀ ਵਰਤੋਂ ਵੀ ਕਰ ਸਕਦੇ ਹੋ।
ਐਲੂਮੀਨੀਅਮ ਫੁਆਇਲ ਨਮੀ ਤੇ ਖੁਸ਼ਬੂ ਨੂੰ ਬੰਦ ਕਰਦਾ ਹੈ ਤੇ ਭੋਜਨ ਨੂੰ ਤਾਜ਼ਾ ਰੱਖਦਾ ਹੈ, ਪਰ ਐਲੂਮੀਨੀਅਮ ਫੋਇਲ ਵਿੱਚ ਭੋਜਨ ਨੂੰ ਬਹੁਤ ਜ਼ਿਆਦਾ ਗਰਮ ਜਾਂ ਤੇਜ਼ਾਬ ਰੱਖਣਾ ਨੁਕਸਾਨਦੇਹ ਹੋ ਸਕਦਾ ਹੈ।