Scary Dreams Reason : ਕੁਝ ਲੋਕਾਂ ਨੂੰ ਰਾਤ ਨੂੰ ਸੌਂਦੇ ਸਮੇਂ ਡਰਾਉਣੇ ਜਾਂ ਬੁਰੇ ਸੁਪਨੇ ਆਉਂਦੇ ਹਨ। ਇਸ ਨੂੰ ਡਰਾਉਣੇ ਸੁਪਨੇ ਵੀ ਕਿਹਾ ਜਾਂਦਾ ਹੈ। ਇਸ ਕਾਰਨ ਕਈ ਵਾਰ ਨੀਂਦ ਟੁੱਟ ਜਾਂਦੀ ਹੈ ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਅਜਿਹੇ ਸੁਪਨੇ ਕਿਉਂ ਆਉਂਦੇ ਹਨ। ਕੀ ਦਿਮਾਗ ਨਾਲ ਇਸ ਦਾ ਕੋਈ ਲੈਣਾ-ਦੇਣਾ ਹੈ ਜਾਂ ਫ਼ਿਰ ਮਾੜੇ ਸੁਪਨੇ ਇਸ ਤਰ੍ਹਾਂ ਹੀ ਆਉਂਦੇ ਹਨ ? ਮਾਹਿਰਾਂ ਦਾ ਕਹਿਣਾ ਹੈ ਕਿ ਅਸੀਂ ਦਿਨ ਭਰ ਜੋ ਵੀ ਸੋਚਦੇ ਹਾਂ ਜਾਂ ਜੋ ਕੁਝ ਸਾਡੇ ਆਲੇ-ਦੁਆਲੇ ਵਾਪਰਦਾ ਹੈ, ਉਹ ਸੁਪਨਿਆਂ ਵਿੱਚ ਦਿਖਾਈ ਦਿੰਦਾ ਹੈ। ਭਾਵ ਸੁਪਨੇ ਦਿਮਾਗ ਦੀ ਐਕਟੀਵਿਧੀ ਦਾ ਇੱਕ ਹਿੱਸਾ ਹਨ। ਜਿਸ ਵਿੱਚ ਜਜ਼ਬਾਤਾਂ ਅਤੇ ਯਾਦਾਂ ਦਾ ਸੁਮੇਲ ਹੈ। ਯਾਨੀ ਇਹ ਦਿਮਾਗ ਦੀ ਇੱਕ ਆਮ ਪ੍ਰਕਿਰਿਆ ਹੈ। ਆਓ ਜਾਣਦੇ ਹਾਂ ਡਰਾਉਣੇ ਸੁਪਨੇ ਆਉਣ ਦਾ ਕੀ ਕਾਰਨ ਹੈ (Scary Dreams Reason) ਹੁੰਦਾ ਹੈ…
ਕਿਉਂ ਆਉਂਦੇ ਹਨ ਡਰਾਉਣੇ ਸੁਪਨੇ
ਵਿਗਿਆਨ ਦੇ ਅਨੁਸਾਰ ਡਰਾਉਣੇ ਜਾਂ ਭੈੜੇ ਸੁਪਨੇ ਆਉਣ ਦਾ ਕਾਰਨ ਅਜੇ ਵੀ ਇੱਕ ਰਹੱਸ ਹੈ। ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਉਨ੍ਹਾਂ ਦੇ ਆਉਣ ਦਾ ਕਾਰਨ ਕੀ ਹੈ ਪਰ ਦਿਮਾਗ 'ਤੇ ਕੀਤੇ ਗਏ ਅਧਿਐਨਾਂ ਤੋਂ ਅਜਿਹੀਆਂ ਕਈ ਗੱਲਾਂ ਸਾਹਮਣੇ ਆਈਆਂ ਹਨ ,ਜੋ ਭੈੜੇ ਸੁਪਨੇ ਦਾ ਕਾਰਨ ਬਣ ਸਕਦੀਆਂ ਹਨ। ਅਜਿਹੇ ਸੁਪਨਿਆਂ ਦਾ ਕਾਰਨ ਮਾਨਸਿਕ ਤਣਾਅ ਵੀ ਹੋ ਸਕਦਾ ਹੈ। ਜਿਹੜੇ ਲੋਕ ਸਕੂਲ ਜਾਂ ਕੰਮ ਬਾਰੇ ਜ਼ਿਆਦਾ ਚਿੰਤਾ ਕਰਦੇ ਹਨ, ਉਨ੍ਹਾਂ ਨੂੰ ਦੂਜਿਆਂ ਨਾਲੋਂ ਜ਼ਿਆਦਾ ਡਰਾਉਣੇ ਸੁਪਨੇ ਆਉਂਦੇ ਹਨ। ਜਿਵੇਂ ਕਿ ਜ਼ਿੰਦਗੀ ਵਿਚ ਕਈ ਵੱਡੀਆਂ ਤਬਦੀਲੀਆਂ, ਕਿਸੇ ਅਜ਼ੀਜ਼ ਦੀ ਮੌਤ ਵਰਗੇ ਭੈੜੇ ਸੁਪਨੇ ਆ ਸਕਦੇ ਹਨ।
ਬੁਰੇ ਸੁਪਨਿਆਂ ਨਾਲ ਰੈਪਿਡ ਆਈ ਮੂਵਮੈਂਟ ਨੀਂਦ ਦਾ ਸਬੰਧ
ਰੈਪਿਡ ਆਈ ਮੂਵਮੈਂਟ (REM), ਨੀਂਦ ਦਾ ਇੱਕ ਪੜਾਅ ਹੈ , ਜੋ ਤੇਜ਼ੀ ਨਾਲ ਅੱਖਾਂ ਦੀ ਮੂਵਮੈਂਟ ,ਦਿਲ ਦੀ ਧੜਕਣ 'ਚ ਅਨਿਯਮਿਤਤਾ ਅਤੇ ਸਾਹਾਂ ਨੂੰ ਵਧਾਉਣ ਦਾ ਕਾਰਨ ਹੋ ਸਕਦੀ ਹੈ। ਹਾਰਵਰਡ ਦੇ ਖੋਜਕਰਤਾਵਾਂ ਨੇ ਕਿਹਾ ਕਿ ਬੁਰੇ ਸੁਪਨੇ ਓਦੋਂ ਆਉਂਦੇ ਹਨ ,ਜਦੋਂ REM ਦੀ ਮਿਆਦ ਲੰਮੀ ਹੁੰਦੀ ਹੈ। ਇਸ ਦੇ ਹੋਰ ਵੀ ਕਈ ਕਾਰਨ ਹੋ ਸਕਦੇ ਹਨ। ਤਣਾਅ, ਚਿੰਤਾ, ਅਨਿਯਮਿਤ ਨੀਂਦ, ਦਵਾਈਆਂ ਦਾ ਸੇਵਨ, ਮਾਨਸਿਕ ਵਿਕਾਰ ਵੀ ਭੈੜੇ ਸੁਪਨੇ ਦਾ ਕਾਰਨ ਹੋ ਸਕਦੇ ਹਨ। ਪੋਸਟ ਟਰੌਮੈਟਿਕ ਸਟ੍ਰੈਸ ਡਿਸਆਰਡਰ (PTSD) ਨੂੰ ਵੀ ਇਸ ਦਾ ਕਾਰਨ ਪਾਇਆ ਗਿਆ ਹੈ।
PTSD ਨਾਲ ਵੱਧ ਸਕਦਾ ਹੈ ਰਿਸ੍ਕ
ਸਰੀਰਕ ਸ਼ੋਸ਼ਣ, ਜਿਨਸੀ ਸ਼ੋਸ਼ਣ ਜਾਂ ਕਿਸੇ ਐਕਸੀਡੈਂਟ ਤੋਂ ਬਾਅਦ ਭੈੜੇ ਸੁਪਨੇ ਆਉਣਾ ਆਮ ਗੱਲ ਹੈ। ਇਸ ਦਾ ਖਤਰਾ PTSD ਵਾਲੇ ਲੋਕਾਂ ਵਿੱਚ ਜ਼ਿਆਦਾ ਦੇਖਿਆ ਗਿਆ ਹੈ। ਇਹ ਮਾਨਸਿਕ ਸਿਹਤ 'ਤੇ ਵੀ ਨਿਰਭਰ ਕਰਦਾ ਹੈ। ਬਾਈਪੋਲਰ ਡਿਸਆਰਡਰ, ਡਿਪਰੈਸ਼ਨ ਜਾਂ ਸਿਜ਼ੋਫਰੀਨੀਆ ਵਰਗੀਆਂ ਸਮੱਸਿਆਵਾਂ ਤੋਂ ਪੀੜਤ ਲੋਕਾਂ ਨੂੰ ਡਰਾਉਣੇ ਸੁਪਨੇ ਆਉਣ ਦੀ ਜ਼ਿਆਦਾ ਸੰਭਾਵਨਾ ਹੁੰਦੀ ਹੈ। ਤਣਾਅ ਘਟਾਉਣ ਵਾਲੀਆਂ ਤਕਨੀਕਾਂ ਅਤੇ ਥੇਰਪੀ ਨਾਲ ਬੁਰੇ ਸੁਪਨਿਆਂ ਦਾ ਰਿਸਕ ਘੱਟ ਸਕਦਾ ਹੈ।