Rash on Skin: ਚਮੜੀ 'ਤੇ ਧੱਫੜ ਹੋਣਾ ਆਮ ਗੱਲ ਹੈ, ਪਰ ਕਈ ਵਾਰ ਇਹ ਧੱਫੜ ਚਿੰਤਾ ਦਾ ਕਾਰਨ ਬਣ ਸਕਦੇ ਹਨ। ਕਈ ਵਾਰ ਲੋਕ ਸੋਚਦੇ ਹਨ ਕਿ ਇਹ ਧੱਫੜ ਆਮ ਹਨ, ਪਰ ਇਹ ਵੀ ਸੰਭਵ ਹੈ ਕਿ ਇਹ ਕਿਸੇ ਗੰਭੀਰ ਬਿਮਾਰੀ, ਜਿਵੇਂ ਕਿ ਕੈਂਸਰ ਦਾ ਸੰਕੇਤ ਵੀ ਹੋ ਸਕਦੇ ਹਨ। ਇਸ ਕਰਕੇ ਇਹ ਪਤਾ ਲਾਉਣਾ ਜ਼ਰੂਰੀ ਹੈ ਕਿ ਇਹ ਲੱਛਣ ਆਮ ਹਨ ਜਾਂ ਕਿਸੇ ਗੰਭੀਰ ਬਿਮਾਰੀ ਦਾ ਸੰਕੇਤ ਹਨ।
ਕਿਵੇਂ ਦੇ ਹੁੰਦੇ ਆਮ ਧੱਫੜ?
ਆਮ ਧੱਫੜ ਅਕਸਰ ਐਲਰਜੀ, ਗਰਮੀ, ਪਸੀਨਾ, ਜਾਂ ਕਿਸੇ ਲਾਗ ਕਾਰਨ ਹੁੰਦੇ ਹਨ। ਇਹ ਧੱਫੜ ਆਮ ਤੌਰ 'ਤੇ ਲਾਲ, ਖਾਰਸ਼ ਵਾਲੇ ਹੁੰਦੇ ਹਨ ਅਤੇ ਕੁਝ ਦਿਨਾਂ ਵਿੱਚ ਆਪਣੇ ਆਪ ਠੀਕ ਹੋ ਜਾਂਦੇ ਹਨ। ਇਨ੍ਹਾਂ ਵਿੱਚ ਕੋਈ ਦਰਦ ਜਾਂ ਕਠੋਰ ਗੰਢ ਨਹੀਂ ਹੁੰਦੀ ਅਤੇ ਇਹ ਸਰੀਰ ਦੇ ਕਿਸੇ ਵੀ ਹਿੱਸੇ ਵਿੱਚ ਹੋ ਸਕਦੇ ਹਨ। ਜੇਕਰ ਇਹ ਧੱਫੜ ਕੁਝ ਹੀ ਦਿਨਾਂ 'ਚ ਠੀਕ ਹੋ ਜਾਂਦੇ ਹਨ ਤਾਂ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੈ।
ਕੈਂਸਰ ਵਾਲੇ ਧੱਫੜ ਕਿਵੇਂ ਦੇ ਹੁੰਦੇ ਹਨ?
ਜੇਕਰ ਚਮੜੀ ਦੇ ਧੱਫੜ ਲੰਬੇ ਸਮੇਂ ਤੱਕ ਬਣੇ ਰਹਿੰਦੇ ਹਨ, ਆਕਾਰ ਵਿੱਚ ਵਾਧਾ ਹੁੰਦਾ ਹੈ, ਅਸਾਧਾਰਨ ਰੰਗ ਦੇ ਹੁੰਦੇ ਹਨ ਜਾਂ ਉਨ੍ਹਾਂ ਵਿੱਚ ਦਰਦ ਅਤੇ ਜਲਨ ਹੁੰਦੀ ਹੈ, ਤਾਂ ਇਹ ਕੈਂਸਰ ਦੀ ਨਿਸ਼ਾਨੀ ਹੋ ਸਕਦੇ ਹਨ। ਖਾਸ ਤੌਰ 'ਤੇ ਜੇਕਰ ਧੱਫੜ ਦੇ ਨਾਲ-ਨਾਲ ਚਮੜੀ 'ਤੇ ਗੰਢ ਵੀ ਮਹਿਸੂਸ ਹੁੰਦੀ ਹੋਵੇ, ਤਾਂ ਇਸ ਨੂੰ ਨਜ਼ਰਅੰਦਾਜ਼ ਨਹੀਂ ਕਰਨਾ ਚਾਹੀਦਾ। ਅਜਿਹੇ ਧੱਫੜ ਆਮ ਤੌਰ 'ਤੇ ਆਪਣੇ ਆਪ ਠੀਕ ਨਹੀਂ ਹੁੰਦੇ ਅਤੇ ਸਮੇਂ ਦੇ ਨਾਲ ਵਿਗੜ ਸਕਦੇ ਹਨ।
ਕਦੋਂ ਕਰਨਾ ਚਾਹੀਦਾ ਡਾਕਟਰ ਨਾਲ ਸੰਪਰਕ
ਜੇਕਰ ਤੁਹਾਡੀ ਚਮੜੀ ਦੇ ਧੱਫੜ ਇੱਕ ਮਹੀਨੇ ਤੋਂ ਵੱਧ ਸਮੇਂ ਤੱਕ ਠੀਕ ਨਹੀਂ ਹੁੰਦੇ, ਉਨ੍ਹਾਂ ਦਾ ਰੰਗ, ਆਕਾਰ, ਜਾਂ ਬਣਤਰ ਬਦਲ ਜਾਂਦੀ ਹੈ, ਜਾਂ ਉਨ੍ਹਾਂ ਤੋਂ ਖੂਨ ਨਿਕਲਣਾ ਸ਼ੁਰੂ ਹੋ ਜਾਂਦਾ ਹੈ, ਤਾਂ ਤੁਹਾਨੂੰ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ। ਅਜਿਹੇ ਮਾਮਲਿਆਂ ਵਿੱਚ, ਇਹ ਪਤਾ ਲਗਾਉਣ ਲਈ ਬਾਇਓਪਸੀ ਵਰਗੇ ਟੈਸਟਾਂ ਦੀ ਲੋੜ ਹੋ ਸਕਦੀ ਹੈ ਕਿ ਕਿਤੇ ਧੱਫੜ ਕੈਂਸਰ ਦੀ ਨਿਸ਼ਾਨੀ ਤਾਂ ਨਹੀਂ।
ਕਦੇ ਵੀ ਆਪਣਾ ਇਲਾਜ ਖੁਦ ਕਰਨ ਦੀ ਕੋਸ਼ਿਸ਼ ਨਾ ਕਰੋ
ਕਦੇ ਵੀ ਚਮੜੀ ਦੇ ਧੱਫੜਾਂ ਦਾ ਆਪਣੇ ਆਪ ਇਲਾਜ ਕਰਨ ਦੀ ਕੋਸ਼ਿਸ਼ ਨਾ ਕਰੋ, ਜਿਵੇਂ ਕਿ ਘਰੇਲੂ ਉਪਚਾਰਾਂ ਦੀ ਵਰਤੋਂ ਕਰਨਾ ਜਾਂ ਡਾਕਟਰ ਦੀ ਸਲਾਹ ਲਏ ਬਿਨਾਂ ਕ੍ਰੀਮ ਲਗਾਉਣਾ। ਇਸ ਨਾਲ ਸਮੱਸਿਆ ਹੋਰ ਵੀ ਗੰਭੀਰ ਹੋ ਸਕਦੀ ਹੈ।
ਧਿਆਨ ਰੱਖਣ ਵਾਲੀਆਂ ਗੱਲਾਂ
ਜ਼ਿਆਦਾਤਰ ਮਾਮਲਿਆਂ ਵਿੱਚ ਚਮੜੀ ਦੇ ਧੱਫੜ ਆਮ ਹੁੰਦੇ ਹਨ, ਪਰ ਜੇਕਰ ਇਹ ਧੱਫੜ ਅਸਾਧਾਰਨ ਦਿਖਾਈ ਦਿੰਦੇ ਹਨ ਜਾਂ ਲੰਬੇ ਸਮੇਂ ਤੱਕ ਬਣੇ ਰਹਿੰਦੇ ਹਨ, ਤਾਂ ਉਨ੍ਹਾਂ ਨੂੰ ਨਜ਼ਰਅੰਦਾਜ਼ ਨਾ ਕਰੋ। ਸਮੇਂ ਸਿਰ ਡਾਕਟਰ ਦੀ ਸਲਾਹ ਲੈਣੀ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਕੈਂਸਰ ਦਾ ਸ਼ੁਰੂਆਤੀ ਪੜਾਅ ਵਿੱਚ ਇਲਾਜ ਕਰਨਾ ਆਸਾਨ ਹੁੰਦਾ ਹੈ। ਇਸ ਲਈ, ਆਪਣੀ ਚਮੜੀ ਵੱਲ ਧਿਆਨ ਦਿਓ ਅਤੇ ਕਿਸੇ ਵੀ ਬਦਲਾਅ ਨੂੰ ਗੰਭੀਰਤਾ ਨਾਲ ਲਓ।
ਬੇਸਲ ਸੈੱਲ ਕਾਰਸੀਨੋਮਾ: ਛੋਟੇ, ਚਮਕਦਾਰ ਚਟਾਕ ਜਾਂ ਗੰਢਾਂ, ਖਾਸ ਕਰਕੇ ਚਿਹਰੇ ਅਤੇ ਗਰਦਨ 'ਤੇ।
ਸਕੈਮਸ ਸੈੱਲ ਕਾਰਸੀਨੋਮਾ: ਖੁਰਦਰੇ, ਪਪੜੀਦਾਰ, ਜਾਂ ਖੂਨ ਵਗਣ ਵਾਲੇ ਧੱਬੇ ਜੋ ਧੁੱਪ ਨਾਲ ਪ੍ਰਭਾਵਿਤ ਹਿੱਸਿਆਂ 'ਤੇ ਹੁੰਦੇ ਹਨ।
ਮੇਲਾਨੋਮਾ: ਕਾਲੇ ਜਾਂ ਭੂਰੇ ਦੇ ਤਿਲ, ਜੋ ਆਕਾਰ ਅਤੇ ਰੰਗ ਬਦਲ ਸਕਦੇ ਹਨ।