Tips to Block Credit Card: ਪਿਛਲੇ ਕੁਝ ਸਾਲਾਂ ਵਿੱਚ, ਬੈਂਕਿੰਗ ਖੇਤਰ (Banking Sector) ਵਿੱਚ ਤੇਜ਼ੀ ਨਾਲ ਬਦਲਾਅ ਆਇਆ ਹੈ। ਅਜਿਹੇ 'ਚ ATM ਕਾਰਡ, ਕ੍ਰੈਡਿਟ ਕਾਰਡ (Credit Card) ਤੇ ਡੈਬਿਟ ਕਾਰਡ (Debit Card) ਦੀ ਵਰਤੋਂ ਤੇਜ਼ੀ ਨਾਲ ਵਧੀ ਹੈ। ਕੋਰੋਨਾ ਮਹਾਮਾਰੀ ਤੋਂ ਬਾਅਦ ਇਸ ਵਿੱਚ ਸਭ ਤੋਂ ਵੱਡਾ ਉਛਾਲ ਵੇਖਿਆ ਗਿਆ ਹੈ।

ਡਿਜੀਟਲਾਈਜ਼ੇਸ਼ਨ (Digitalisation) ਦੇ ਇਸ ਯੁੱਗ ਵਿੱਚ, ਹਰ ਕੋਈ ਆਨਲਾਈਨ ਭੁਗਤਾਨ (Online Payment) ਕਰਨ ਨੂੰ ਤਰਜੀਹ ਦੇ ਰਿਹਾ ਹੈ। ਅਜਿਹੇ 'ਚ ਪਿਛਲੇ ਕੁਝ ਸਾਲਾਂ 'ਚ ਕ੍ਰੈਡਿਟ ਕਾਰਡ ਦੀ ਵਰਤੋਂ ਤੇਜ਼ੀ ਨਾਲ ਵਧੀ ਹੈ। ਅੱਜ-ਕੱਲ੍ਹ ਲੋਕ ਵੀ ਕ੍ਰੈਡਿਟ ਕਾਰਡਾਂ ਦੀ ਜ਼ੋਰਦਾਰ ਵਰਤੋਂ ਕਰ ਰਹੇ ਹਨ ਕਿਉਂਕਿ ਬੈਂਕ ਕਈ ਤਰ੍ਹਾਂ ਦੇ ਆਫਰ ਦਿੰਦੇ ਰਹਿੰਦੇ ਹਨ। ਇਸ ਕਾਰਡ ਤੋਂ ਕਈ ਤਰ੍ਹਾਂ ਦੇ ਰਿਵਾਰਡ ਪੁਆਇੰਟਸ ਵੀ ਉਪਲਬਧ ਹਨ।

ਕ੍ਰੈਡਿਟ ਕਾਰਡ ਦੀ ਵਧਦੀ ਉਪਯੋਗਤਾ ਦੇ ਵਿਚਕਾਰ ਜੇਕਰ ਇਹ ਕਿਤੇ ਗੁੰਮ ਹੋ ਜਾਂਦਾ ਹੈ ਤਾਂ ਇਹ ਵੱਡੀ ਮੁਸੀਬਤ ਪੈਦਾ ਕਰ ਸਕਦਾ ਹੈ। ਇਸ ਕਾਰਡ ਦੀ ਬਹੁਤ ਆਸਾਨੀ ਨਾਲ ਦੁਰਵਰਤੋਂ ਕੀਤੀ ਜਾ ਸਕਦੀ ਹੈ। ਅਜਿਹੇ 'ਚ ਜੇਕਰ ਤੁਹਾਡਾ ਕ੍ਰੈਡਿਟ ਕਾਰਡ ਕਿਤੇ ਗਾਇਬ ਹੋ ਗਿਆ ਹੈ ਤਾਂ ਉਸ ਨੂੰ ਤੁਰੰਤ ਬਲੌਕ ਕਰ ਦਿਓ। ਜੇਕਰ ਤੁਸੀਂ ਨਹੀਂ ਜਾਣਦੇ ਕਿ ਕ੍ਰੈਡਿਟ ਕਾਰਡ ਨੂੰ ਕਿਵੇਂ ਬਲੌਕ ਕਰਨਾ ਹੈ, ਤਾਂ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ। ਅੱਜ ਅਸੀਂ ਤੁਹਾਨੂੰ ਘਰ ਬੈਠੇ ਹੀ ਕ੍ਰੈਡਿਟ ਕਾਰਡ ਨੂੰ ਬਲੌਕ ਕਰਨ ਦੇ ਤਰੀਕੇ ਦੱਸਣ ਜਾ ਰਹੇ ਹਾਂ-

ਮੋਬਾਈਲ ਰਾਹੀਂ ਬਲੌਕ ਕਰੋ
ਜੇਕਰ ਤੁਹਾਡਾ ਕ੍ਰੈਡਿਟ ਕਾਰਡ ਚੋਰੀ ਜਾਂ ਗੁੰਮ ਹੋ ਜਾਂਦਾ ਹੈ ਤਾਂ ਤੁਹਾਨੂੰ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੈ। ਤੁਸੀਂ ਘਰ ਬੈਠੇ ਹੀ ਆਪਣੇ ਮੋਬਾਈਲ ਫੋਨ ਦੀ ਮਦਦ ਨਾਲ ਕਾਰਡ ਨੂੰ ਬਲੌਕ ਕਰ ਸਕਦੇ ਹੋ। ਇਸ ਦੇ ਲਈ ਤੁਸੀਂ ਬੈਂਕ ਦੇ ਕਸਟਮਰ ਕੇਅਰ (Customer Care) ਨੰਬਰ 'ਤੇ ਕਾਲ ਕਰਕੇ ਕਾਰਡ ਨੂੰ ਬਲੌਕ (Credit Card Block) ਕਰਨ ਦੀ ਬੇਨਤੀ ਕਰ ਸਕਦੇ ਹੋ। ਇਸ ਤੋਂ ਬਾਅਦ ਬੈਂਕ ਵੱਲੋਂ ਕਾਰਡ ਨੂੰ ਬਲੌਕ ਕਰ ਦਿੱਤਾ ਜਾਵੇਗਾ।

ਵੈੱਬਸਾਈਟ ਰਾਹੀਂ ਬਲਾਕ ਕਰੋ
ਮੋਬਾਈਲ ਤੋਂ ਇਲਾਵਾ ਤੁਸੀਂ ਬੈਂਕ ਦੀ ਵੈੱਬਸਾਈਟ (Bank Website) 'ਤੇ ਜਾ ਕੇ ਵੀ ਕਾਰਡ ਨੂੰ ਬਲੌਕ ਕਰ ਸਕਦੇ ਹੋ। ਸਭ ਤੋਂ ਪਹਿਲਾਂ ਵੈੱਬਸਾਈਟ 'ਤੇ ਜਾ ਕੇ ਆਪਣੇ ਖਾਤੇ 'ਚ ਲੌਗਇਨ ਕਰੋ। ਇਸ ਤੋਂ ਬਾਅਦ ਤੁਸੀਂ ਆਸਾਨੀ ਨਾਲ ਆਪਣੇ ਕਾਰਡ ਨੂੰ ਬਲੌਕ ਕਰ ਸਕਦੇ ਹੋ। ਇਸ ਦੇ ਲਈ ਤੁਸੀਂ ਆਪਣੀ ਯੂਜ਼ਰ ਆਈਡੀ (User ID) ਤੇ ਪਾਸਵਰਡ (Password) ਦਰਜ ਕਰ ਸਕਦੇ ਹੋ। ਇੱਥੇ ਤੁਹਾਨੂੰ ਕ੍ਰੈਡਿਟ ਕਾਰਡ ਨੂੰ ਬਲੌਕ ਕਰਨ ਦਾ ਵਿਕਲਪ ਦਿਖਾਈ ਦੇਵੇਗਾ, ਇਸ ਨੂੰ ਚੁਣੋ। ਇਸ ਤੋਂ ਬਾਅਦ ਤੁਸੀਂ ਆਸਾਨੀ ਨਾਲ ਕਾਰਡ ਨੂੰ ਬਲੌਕ ਕਰ ਸਕਦੇ ਹੋ।