RFID Service: ਦਿੱਲੀ ਹਵਾਈ ਅੱਡੇ ਨੇ ਮੁਸਾਫਰਾਂ ਲਈ ਆਰਐਫਆਈਡੀ (RFID) ਤਕਨਾਲੋਜੀ ਆਧਾਰਿਤ ਟੈਗਸ ਦੀ ਸ਼ੁਰੂਆਤ ਕੀਤੀ ਹੈ, ਜਿਸ ਨਾਲ ਯਾਤਰੀਆਂ ਨੂੰ ਆਪਣੇ ਸਮਾਨ ਦੀ ਨਿਗਰਾਨੀ ਕਰਨਾ ਆਸਾਨ ਹੋ ਜਾਵੇਗਾ। ਕਈ ਵਾਰ ਯਾਤਰੀਆਂ ਨੂੰ ਇਹ ਜਾਣਨ 'ਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਕਿ ਕਿਸ ਬੈਲਟ 'ਤੇ ਸਾਮਾਨ ਆ ਰਿਹਾ ਹੈ ਅਤੇ ਸਾਮਾਨ ਦੇ ਗੁੰਮ ਹੋਣ ਦਾ ਵੀ ਖਦਸ਼ਾ ਰਹਿੰਦਾ ਹੈ, ਇਸ ਲਈ ਯਾਤਰੀਆਂ ਦੀ ਸਹੂਲਤ ਲਈ ਇਹ ਸੇਵਾ ਸ਼ੁਰੂ ਕੀਤੀ ਗਈ ਹੈ।
ਸਹੂਲਤ ਪ੍ਰਦਾਨ ਕਰਨ ਵਾਲਾ ਦਿੱਲੀ ਹਵਾਈ ਅੱਡਾ ਭਾਰਤ ਦਾ ਪਹਿਲਾ ਹਵਾਈ ਅੱਡਾ
ਬੁੱਧਵਾਰ ਨੂੰ ਜਾਰੀ ਇਕ ਬਿਆਨ ਮੁਤਾਬਕ ਰੇਡੀਓ ਫ੍ਰੀਕੁਐਂਸੀ ਆਈਡੈਂਟੀਫਿਕੇਸ਼ਨ (RFID) ਤਕਨੀਕ 'ਤੇ ਆਧਾਰਿਤ ਟੈਗ ਦੀ ਮਦਦ ਨਾਲ ਯਾਤਰੀ ਇਹ ਜਾਣ ਸਕਣਗੇ ਕਿ ਉਨ੍ਹਾਂ ਦਾ ਸਾਮਾਨ ਕਦੋਂ ਅਤੇ ਕਿਸ ਬੈਲਟ 'ਤੇ ਟਰਮੀਨਲ 'ਤੇ ਆ ਰਿਹਾ ਹੈ। GMR ਸਮੂਹ ਦੀ ਅਗਵਾਈ ਵਾਲੀ DIAL ਨੇ ਕਿਹਾ ਕਿ ਦਿੱਲੀ ਹਵਾਈ ਅੱਡਾ ਭਾਰਤ ਦਾ ਪਹਿਲਾ ਹਵਾਈ ਅੱਡਾ ਹੈ ਜੋ ਇਹ ਸਹੂਲਤ ਪ੍ਰਦਾਨ ਕਰਦਾ ਹੈ।
ਦਿੱਲੀ ਏਅਰਪੋਰਟ ਨੇ ਸ਼ੁਰੂ ਕੀਤੀ RFID ਟੈਗ ਸਹੂਲਤ, ਅਜਿਹੇ ਸਮਾਨ ਦੀ ਆਸਾਨ ਨਿਗਰਾਨੀ
ਬਿਆਨ 'ਚ ਕਿਹਾ ਗਿਆ ਹੈ ਕਿ ਯਾਤਰੀ ਦਿੱਲੀ ਹਵਾਈ ਅੱਡੇ 'ਤੇ ਇਸ ਟੈਗ ਨੂੰ ਖਰੀਦ ਸਕਣਗੇ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਇਸ 'ਤੇ ਦਿੱਤੇ ਗਏ QR ਕੋਡ ਨੂੰ ਸਕੈਨ ਕਰਨਾ ਹੋਵੇਗਾ ਅਤੇ 'bag.hoi.in' ਵੈੱਬਸਾਈਟ 'ਤੇ ਰਜਿਸਟਰ ਕਰਨਾ ਹੋਵੇਗਾ। ਟੈਗ ਰਜਿਸਟਰ ਹੋਣ ਤੋਂ ਬਾਅਦ, ਯਾਤਰੀਆਂ ਨੂੰ ਇਸਨੂੰ ਆਪਣੇ ਬੈਗ ਵਿੱਚ ਬੰਨ੍ਹਣਾ ਹੋਵੇਗਾ ਜਾਂ ਉਹ ਇਸਨੂੰ ਬੈਗ ਦੇ ਅੰਦਰ ਵੀ ਰੱਖ ਸਕਦੇ ਹਨ।
ਫਿਲਹਾਲ ਦਿੱਲੀ ਏਅਰਪੋਰਟ ਦੇ ਟਰਮੀਨਲ 3 'ਤੇ ਸ਼ੁਰੂ ਹੋਈ ਸਰਵਿਸ
ਜਦੋਂ ਸਮਾਨ ਦਿੱਲੀ ਹਵਾਈ ਅੱਡੇ 'ਤੇ ਪਹੁੰਚੇਗਾ, ਯਾਤਰੀਆਂ ਨੂੰ ਰਜਿਸਟਰਡ ਮੋਬਾਈਲ ਨੰਬਰ 'ਤੇ ਐਸਐਮਐਸ ਰਾਹੀਂ ਇਸ ਬਾਰੇ ਜਾਣਕਾਰੀ ਮਿਲਣੀ ਸ਼ੁਰੂ ਹੋ ਜਾਵੇਗੀ। ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਇਹ ਸਹੂਲਤ ਪਾਇਲਟ ਆਧਾਰ 'ਤੇ ਟਰਮੀਨਲ 3 'ਤੇ ਸ਼ੁਰੂ ਕੀਤੀ ਗਈ ਹੈ ਅਤੇ ਜਲਦੀ ਹੀ ਕਮਰਸ਼ੀਅਲ ਸ਼ੁਰੂਆਤ ਕੀਤੀ ਜਾਵੇਗੀ।