Hydrabad Women Starving In Chicago: ਹਰ ਸਾਲ ਹਜ਼ਾਰਾਂ ਬੱਚੇ ਪੜ੍ਹਾਈ ਅਤੇ ਨੌਕਰੀ ਕਰਨ ਲਈ ਵਿਦੇਸ਼ ਜਾਂਦੇ ਹਨ। ਜਿੱਥੇ ਕਈ ਵਾਰ ਉਨ੍ਹਾਂ ਨੂੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਵੀ ਕਰਨਾ ਪੈਂਦਾ ਹੈ। ਅਮਰੀਕਾ ਦੀਆਂ ਸੜਕਾਂ 'ਤੇ ਭੁੱਖੀ-ਪਿਆਸੀ ਭਟਕਦੀ ਭਾਰਤੀ ਕੁੜੀ ਦੀ ਅਜਿਹੀ ਹੀ ਇਕ ਤਸਵੀਰ ਸਾਹਮਣੇ ਆਈ ਹੈ।
ਜਾਣਕਾਰੀ ਅਨੁਸਾਰ ਹੈਦਰਾਬਾਦ ਦੀ ਰਹਿਣ ਵਾਲੀ ਇੱਕ ਕੁੜੀ ਇਨਫੋਰਮੈਟਿਕ ਵਿੱਚ ਮਾਸਟਰਸ ਦੀ ਡਿਗਰੀ ਹਾਸਲ ਕਰਨ ਲਈ ਅਮਰੀਕਾ ਗਈ ਸੀ। ਜਿੱਥੇ ਉਸ ਦਾ ਸਾਰਾ ਸਮਾਨ ਚੋਰੀ ਹੋ ਗਿਆ। ਜਿਸ ਤੋਂ ਬਾਅਦ ਉਹ ਸ਼ਿਕਾਗੋ ਦੀਆਂ ਸੜਕਾਂ 'ਤੇ ਭੁੱਖ ਨਾਲ ਤੜਫ ਰਹੀ ਹੈ।
ਮਹਿਲਾ ਦੀ ਮਾਂ ਸੈਯਦਾ ਵਹਾਜ ਫਾਤਿਮਾ ਨੇ ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੂੰ ਪੱਤਰ ਲਿਖ ਕੇ ਆਪਣੀ ਧੀ ਨੂੰ ਵਾਪਸ ਲਿਆਉਣ ਲਈ ਮਦਦ ਮੰਗੀ ਹੈ। ਇਹ ਪੱਤਰ ਬੀਆਰਐਸ ਨੇਤਾ ਖਲੀਕੁਰ ਰਹਿਮਾਨ ਨੇ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕੀਤਾ ਹੈ। ਕੁੜੀ ਦਾ ਨਾਂ ਸੈਯਦਾ ਲੂਲੂ ਮਿਨਹਾਜ ਜ਼ੈਦੀ ਦੱਸਿਆ ਜਾ ਰਿਹਾ ਹੈ। ਉਹ ਅਮਰੀਕਾ ਦੀ ਜੈਦੀ ਟ੍ਰਾਈਨ ਯੂਨੀਵਰਸਿਟੀ, ਡੇਟ੍ਰੋਇਟ, ਯੂਐਸਏ ਤੋਂ ਐਮਐਸ ਕਰਨ ਲਈ ਗਈ ਸੀ। ਜਿੱਥੇ ਉਹ ਬਹੁਤ ਬੂਰੀ ਹਾਲਤ ਵਿੱਚ ਸ਼ਿਕਾਗੋ ਵਿੱਚ ਭੁੱਖ ਨਾਲ ਤੜਫ ਰਹੀ ਹੈ।
'ਮੈਂ ਤੁਰੰਤ ਮਦਦ ਦੀ ਸ਼ਲਾਘਾ ਕਰਾਂਗਾ'
ਬੀਆਰਐਸ ਨੇਤਾ ਨੇ ਟਵਿੱਟਰ 'ਤੇ ਪੋਸਟ ਕੀਤਾ ਕਿ ਹੈਦਰਾਬਾਦ ਦੀ ਕੁੜੀ ਦੀ ਮਾਂ ਨੇ ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਨੂੰ ਆਪਣੀ ਧੀ ਨੂੰ ਵਾਪਸ ਲਿਆਉਣ ਦੀ ਅਪੀਲ ਕੀਤੀ ਹੈ। ਪੋਸਟ ਦੇ ਕੈਪਸ਼ਨ ਵਿੱਚ ਉਨ੍ਹਾਂ ਨੇ ਲਿਖਿਆ ਕਿ "ਮੈਂ ਤੁਰੰਤ ਮਦਦ ਦੀ ਸ਼ਲਾਘਾ ਕਰਾਂਗਾ।"
ਮਹਿਲਾ ਡਿਪ੍ਰੈਸ਼ਨ ਦਾ ਹੋ ਗਈ ਸ਼ਿਕਾਰ
ਹਿੰਦੁਸਤਾਨ ਟਾਈਮਸ ਮੁਤਾਬਕ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਗਈ ਪੋਸਟ 'ਚ ਕੁੜੀ ਦਾ ਵੀਡੀਓ ਵੀ ਸੀ ਜਿਸ 'ਚ ਉਸ ਨੇ ਆਪਣਾ ਨਾਂ ਮਿਨਹਾਜ ਜੈਦੀ ਦੱਸਿਆ ਸੀ। ਕੁੜੀ ਨੂੰ ਪਹਿਲਾਂ ਆਪਣਾ ਨਾਮ ਯਾਦ ਕਰਨ ਵਿੱਚ ਮੁਸ਼ਕਲ ਆਉਂਦੀ ਲੱਗ ਰਹੀ ਹੈ। ਹਾਲਾਂਕਿ ਬਾਅਦ ਵਿੱਚ ਉਸਨੂੰ ਯਾਦ ਆਉਂਦਾ ਹੈ। ਜਿਸ ਕਾਰਨ ਔਰਤ ਡਿਪ੍ਰੈਸ਼ਨ ਦਾ ਸ਼ਿਕਾਰ ਹੋ ਗਈ ਦੱਸੀ ਜਾ ਰਹੀ ਹੈ।
ਵੀਡੀਓ 'ਚ ਉਹ ਉਦਾਸ ਅਤੇ ਕੁਪੋਸ਼ਿਤ ਵੀ ਨਜ਼ਰ ਆ ਰਹੀ ਹੈ। ਵੀਡੀਓ ਬਣਾਉਣ ਵਾਲਾ ਵਿਅਕਤੀ ਔਰਤ ਨੂੰ ਖਾਣਾ ਦੇਣ ਤੋਂ ਬਾਅਦ ਖਾਣ ਲਈ ਕਹਿ ਰਿਹਾ ਹੈ। ਇਸ ਭਾਰਤੀ ਕੁੜੀ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਇਹ ਵੀ ਪੜ੍ਹੋ: ‘ਪੀਐਮ ਮੋਦੀ ਅੱਤਵਾਦੀ ਸੰਗਠਨ ਨਾਲ ਜੋੜਦੇ ਹਨ ਤੇ ਉਸੇ ਦਿਨ ਅਮਿਤ ਸ਼ਾਹ...’, ਮੱਲਿਕਾਰਜੁਨ ਖੜਗੇ ਦਾ ਤੰਜ