Indian Air Force:: ਭਾਰਤੀ ਹਵਾਈ ਸੈਨਾ ਅੱਜ ਆਪਣੀ 90ਵੀਂ ਵਰ੍ਹੇਗੰਢ ਮਨਾ ਰਹੀ ਹੈ। ਇਸ ਮੌਕੇ 8 ਅਕਤੂਬਰ ਨੂੰ ਚੰਡੀਗੜ੍ਹ ਸਥਿਤ ਏਅਰ ਫੋਰਸ ਸਟੇਸ਼ਨ ਵਿਖੇ ਰਸਮੀ ਪਰੇਡ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਏਅਰ ਚੀਫ ਮਾਰਸ਼ਲ ਵੀ.ਆਰ.ਚੌਧਰੀ ਨੇ ਪਰੇਡ ਦਾ ਨਿਰੀਖਣ ਕੀਤਾ। ਇਸ ਉਪਰੰਤ ਮਾਰਚ ਪਾਸਟ ਕੀਤਾ ਗਿਆ। ਪ੍ਰੋਗਰਾਮ ਵਿੱਚ ਏਅਰ ਚੀਫ ਮਾਰਸ਼ਲ ਨੇ ਕਿਹਾ ਕਿ ਕੇਂਦਰ ਸਰਕਾਰ ਨੇ ਭਾਰਤੀ ਹਵਾਈ ਸੈਨਾ ਵਿੱਚ ਅਧਿਕਾਰੀਆਂ ਲਈ ਹਥਿਆਰ ਪ੍ਰਣਾਲੀ ਵਿੰਗ ਦੀ ਸਥਾਪਨਾ ਨੂੰ ਵੀ ਪ੍ਰਵਾਨਗੀ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਆਜ਼ਾਦੀ ਤੋਂ ਬਾਅਦ ਪਹਿਲੀ ਵਾਰ ਹਵਾਈ ਸੈਨਾ ਵਿੱਚ ਨਵਾਂ ਬਜਟ ਵਿੰਗ ਬਣਾਇਆ ਜਾ ਰਿਹਾ ਹੈ।
3400 ਕਰੋੜ ਦੀ ਹੋਵੇਗੀ ਬਚਤ
ਏਅਰ ਚੀਫ ਮਾਰਸ਼ਲ ਨੇ ਦਾਅਵਾ ਕੀਤਾ ਕਿ ਹਵਾਈ ਸੈਨਾ ਦੇ ਬਜਟ ਵਿੰਗ ਦੇ ਗਠਨ ਨਾਲ ਸਰਕਾਰ ਨੂੰ ਫਲਾਈਟ ਸਿਖਲਾਈ ਦੇ ਖ਼ਰਚਿਆਂ ਵਿੱਚ ਕਟੌਤੀ ਕਰਕੇ 3400 ਕਰੋੜ ਰੁਪਏ ਤੋਂ ਵੱਧ ਦੀ ਬਚਤ ਕਰਨ ਵਿੱਚ ਮਦਦ ਮਿਲੇਗੀ। ਵੈਸਟਰਨ ਏਅਰ ਕਮਾਂਡ ਦੇ ਏਅਰ-ਆਫੀਸਰ ਕਮਾਂਡਿੰਗ-ਇਨ-ਚੀਫ, ਏਅਰ ਮਾਰਸ਼ਲ ਸ਼੍ਰੀਕੁਮਾਰ ਪ੍ਰਭਾਕਰ ਅਤੇ ਕਈ ਹੋਰ ਸੀਨੀਅਰ ਏਅਰਫੋਰਸ ਅਧਿਕਾਰੀ ਇਸ ਸਮਾਰੋਹ ਵਿੱਚ ਮੌਜੂਦ ਸਨ।
ਸੁਖਨਾ ਝੀਲ ਕੰਪਲੈਕਸ ਵਿੱਚ ਫਲਾਈ-ਪਾਸਟ
ਹਵਾਈ ਸੈਨਾ ਦੇ ਮੁਖੀ ਜਦੋਂ ਪ੍ਰੋਗਰਾਮ ਵਾਲੀ ਸਥਾਨ 'ਤੇ ਪਹੁੰਚੇ ਤਾਂ ਵਿੰਗ ਕਮਾਂਡਰ ਵਿਸ਼ਾਲ ਜੈਨ ਦੀ ਅਗਵਾਈ 'ਚ ਤਿੰਨ ਐਮਆਈ-17ਵੀ5 ਹੈਲੀਕਾਪਟਰਾਂ ਨੇ ਫਲਾਈ-ਪਾਸਟ ਕਰਦੇ ਹੋਏ ਭਾਰਤੀ ਝੰਡਾ ਦਿਖਾਇਆ। ਸੁਖਨਾ ਝੀਲ ਕੰਪਲੈਕਸ ਵਿਖੇ ਲਗਭਗ 80 ਫ਼ੌਜੀ ਜਹਾਜ਼ ਅਤੇ ਹੈਲੀਕਾਪਟਰ ਏਅਰ ਫੋਰਸ ਡੇ ਫਲਾਈ-ਪਾਸਟ ਵਿੱਚ ਹਿੱਸਾ ਲੈਣਗੇ। ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਭਾਰਤੀ ਹਵਾਈ ਸੈਨਾ ਦਿੱਲੀ-ਐਨਸੀਆਰ ਦੇ ਬਾਹਰ ਆਪਣੀ ਸਾਲਾਨਾ ਏਅਰ ਫੋਰਸ ਡੇ ਪਰੇਡ ਅਤੇ ਫਲਾਈ-ਪਾਸਟ ਦਾ ਆਯੋਜਨ ਕਰ ਰਹੀ ਹੈ। ਸੁਖਨਾ ਝੀਲ ਕੰਪਲੈਕਸ 'ਚ ਹੋਣ ਵਾਲੇ ਫਲਾਈ-ਪਾਸਟ 'ਚ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਅਤੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਹਿੱਸਾ ਲੈਣਗੇ।
ਨੋਟ- ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।