ISRO Chandrayaan 3 Mission: ਅਮਰੀਕਾ ਦੀ ਪੁਲਾੜ ਏਜੰਸੀ ਨਾਸਾ ਨੇ ਬੁੱਧਵਾਰ (6 ਸਤੰਬਰ) ਨੂੰ ਚੰਦਰਯਾਨ-3 ਦੇ ਵਿਕਰਮ ਲੈਂਡਰ ਦੀ ਚੰਦਰਮਾ ਦੀ ਸਤ੍ਹਾ 'ਤੇ ਤਸਵੀਰ ਜਾਰੀ ਕੀਤੀ ਹੈ। ਇਹ ਫੋਟੋ NASA ਦੇ Lunar Reconnaissance Orbiter (LRO) ਪੁਲਾੜ ਯਾਨ ਦੁਆਰਾ ਲਈ ਗਈ ਸੀ।
ਇਸ ਫੋਟੋ ਦੇ ਵਿਚਕਾਰ ਚੰਦਰਯਾਨ-3 ਦਾ ਲੈਂਡਰ ਦੇਖਿਆ ਜਾ ਸਕਦਾ ਹੈ। ਵਿਕਰਮ ਦੇ ਚਾਰੇ ਪਾਸੇ ਚਮਕ ਦੇ ਨਾਲ ਉਸ ਦੀ ਕਾਲੀ ਛਾਇਆ ਨੂੰ ਵੀ ਦੇਖਿਆ ਜਾ ਸਕਦਾ ਹੈ। ਇਸ ਫੋਟੋ ਨੂੰ ਐਕਸ 'ਤੇ ਸ਼ੇਅਰ ਕਰਦੇ ਹੋਏ ਨਾਸਾ ਨੇ ਲਿਖਿਆ, "ਨਾਸਾ ਦੇ LRO ਪੁਲਾੜ ਯਾਨ ਨੇ ਹਾਲ ਹੀ ਵਿੱਚ ਚੰਦਰਮਾ ਦੀ ਸਤ੍ਹਾ 'ਤੇ ਚੰਦਰਯਾਨ-3 ਲੈਂਡਰ ਦੀ ਤਸਵੀਰ ਲਈ ਹੈ।"
ਇਹ ਵੀ ਪੜ੍ਹੋ: Punjab news: ਸਾਡਾ ਟੀਚਾ ਸੜਕੀ ਹਾਦਸਿਆਂ ਵਿੱਚ ਹੁੰਦੀਆਂ ਮੌਤਾਂ ਦੀ ਦਰ ਨੂੰ ਵੱਧ ਤੋਂ ਵੱਧ ਹੱਦ ਤੱਕ ਘਟਾਉਣਾ - ਲਾਲਜੀਤ ਸਿੰਘ ਭੁੱਲਰ
ਨਾਸਾ ਨੇ ਹੋਰ ਕੀ ਕਿਹਾ?
ਨਾਸਾ ਨੇ ਅੱਗੇ ਕਿਹਾ, "23 ਅਗਸਤ, 2023 ਨੂੰ ਇਸਰੋ ਦਾ ਚੰਦਰਯਾਨ-3 ਚੰਦਰਮਾ ਦੇ ਦੱਖਣੀ ਧਰੁਵ ਤੋਂ ਲਗਭਗ 600 ਕਿਲੋਮੀਟਰ ਦੂਰ ਉਤਰਿਆ।" ਤੁਹਾਨੂੰ ਦੱਸ ਦਈਏ ਕਿ ਭਾਰਤ ਦੇ ਚੰਦਰਯਾਨ-3 ਮਿਸ਼ਨ ਨੇ 23 ਅਗਸਤ ਨੂੰ ਚੰਦਰਮਾ ਦੇ ਦੱਖਣੀ ਧਰੁਵ 'ਤੇ ਸਾਫਟ ਲੈਂਡਿੰਗ ਕਰਕੇ ਇਤਿਹਾਸ ਰਚ ਦਿੱਤਾ ਸੀ। ਇਸ ਤੋਂ ਪਹਿਲਾਂ ਕੋਈ ਵੀ ਦੇਸ਼ ਚੰਦਰਮਾ ਦੇ ਦੱਖਣੀ ਹਿੱਸੇ ਤੱਕ ਨਹੀਂ ਪਹੁੰਚ ਸਕਿਆ ਸੀ।
ਯੂਐਸ ਸਪੇਸ ਏਜੰਸੀ ਨੇ ਕਿਹਾ ਕਿ ਉਸ ਦੇ ਐਲਆਰਓਸੀ ਨੇ ਚਾਰ ਦਿਨ ਬਾਅਦ ਲੈਂਡਰ ਦਾ ਇੱਕ ਓਬਲਿਕ ਵਿਊ ਕੈਪਚਰ ਕੀਤਾ। ਵਾਹਨ ਦੇ ਆਲੇ ਦੁਆਲੇ ਚਮਕੀਲਾ ਪ੍ਰਭਾਮੰਡਲ ਰਾਕੇਟ ਪਲਮ ਦੇ ਬਾਰੀਕ-ਦਾਣੇਦਾਰ ਰੇਗੋਲਿਥ (ਮਿੱਟੀ) ਨਾਲ ਪਰਸਪਰ ਸੰਪਰਕ ਕਾਰਨ ਹੋਇਆ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ: Lok Sabha Elections: ਕਾਂਗਰਸ ਨਾਲ ਗੱਠਜੋੜ ਦੇ ਸਵਾਲ 'ਤੇ ਬੋਲੇ ਸੀਐਮ ਭਗਵੰਤ ਮਾਨ- 'ਸਾਨੂੰ ਇਕੱਲਿਆਂ ਲੜਨਾ...'