Teacher beaten small kid: 'ਪੜ੍ਹਾਈ ਤੋਂ ਵਧੀਆ ਕੋਈ ਦੋਸਤ ਨਹੀਂ ਹੈ।' ਦੀਵਾਰ ਦੀ ਕੰਧ ਉਤੇ ਅਜਿਹਾ ਹੀ ਕੁਝ ਲਿਖਿਆ ਇਸ ਵੀਡੀਓ 'ਚ ਦਿਖਾਈ ਦੇ ਰਿਹਾ ਹੈ। ਪਰ ਅਧਿਆਪਕ ਬਾਰੇ ਕੀ? ਇਹ ਸਵਾਲ ਉਨਾਵ ਦਾ ਇੱਕ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਉੱਠ ਰਿਹਾ ਹੈ।
ਵੀਡੀਓ ਵਿੱਚ ਇੱਕ ਅਧਿਆਪਕ ਤੀਜੀ ਜਮਾਤ ਦੀ ਇੱਕ ਮਾਸੂਮ ਬੱਚੀ ਨੂੰ ਬੇਰਹਿਮੀ ਨਾਲ ਕੁੱਟਦੀ ਨਜ਼ਰ ਆ ਰਹੀ ਹੈ। ਵੀਡੀਓ ਸਰਕਾਰੀ ਸਕੂਲ ਦੀ ਅਤੇ 11 ਜੁਲਾਈ ਦੀ ਦੱਸੀ ਜਾ ਰਹੀ ਹੈ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਬੱਚੀ ਨੂੰ ਸਹੀ ਅਤੇ ਗਲਤ ਦਾ ਫਰਕ ਦੱਸਣ ਦੀ ਬਜਾਏ ਇੱਕ ਮਹਿਲਾ ਸਿੱਖਿਆ ਮਿੱਤਰ ਖੁਦ ਗਲਤੀ ਕਰ ਰਹੀ ਹੈ। 30 ਸੈਕਿੰਡ ਦੇ ਵੀਡੀਓ 'ਚ ਸਿੱਖਿਆਮਿੱਤਰ ਨੇ ਬੱਚੀ ਨੂੰ 10 ਵਾਰ ਥੱਪੜ ਮਾਰੇ।
ਕੀ ਹੈ ਪੂਰਾ ਮਾਮਲਾ?
ਦੱਸ ਦਈਏ ਕਿ ਉਨਾਵ ਦੇ ਅਸੋਹਾ ਬਲਾਕ ਦੇ ਇਸਲਾਮਨਗਰ ਪ੍ਰਾਇਮਰੀ ਸਕੂਲ 'ਚ ਪੜ੍ਹਾਉਣ ਵਾਲੀ ਮਹਿਲਾ ਸਿੱਖਿਆ ਮਿੱਤਰ ਸੁਸ਼ੀਲ ਕੁਮਾਰੀ ਨੇ ਇਸਲਾਮ ਨਗਰ ਵਾਸੀ ਰਮੇਸ਼ ਕੁਮਾਰ ਦੀ ਬੇਟੀ ਤੰਨੂ ਨੂੰ ਹੋਮਵਰਕ ਦਿੱਤਾ, ਜਿਸ ਨੂੰ ਲੜਕੀ ਪੂਰਾ ਨਹੀਂ ਕਰ ਸਕੀ। ਇਸ ਕਾਰਨ ਗੁੱਸੇ 'ਚ ਆਏ ਅਧਿਆਪਕ ਨੇ ਵਿਦਿਆਰਥਣ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕੀਤੀ। ਅਧਿਆਪਕ ਨੇ ਬੱਚੀ ਦੇ ਵਾਲਾਂ ਤੋਂ ਖਿੱਚ ਕੇ ਬੇਰਹਿਮੀ ਘਸੀਟਿਆ।
ਪਹਿਲਾ ਮਾਮਲਾ ਸ਼ਾਂਤ ਹੋ ਗਿਆ ਸੀ
ਜਦੋਂ ਬੱਚੀ ਸਕੂਲ ਛੁੱਟੀ ਤੋਂ ਬਾਅਦ ਘਰ ਪਹੁੰਚੀ ਤਾਂ ਉਸ ਦੇ ਮਾਪਿਆਂ ਨੇ ਉਸ ਦੇ ਚਿਹਰੇ 'ਤੇ ਸੱਟਾਂ ਦੇ ਨਿਸ਼ਾਨ ਦੇਖੇ। ਇਸ ਤੋਂ ਬਾਅਦ ਗੁੱਸੇ 'ਚ ਆਏ ਪਰਿਵਾਰਕ ਮੈਂਬਰਾਂ ਨੇ ਸਕੂਲ ਜਾ ਕੇ ਅਧਿਆਪਕ ਦੀ ਸ਼ਿਕਾਇਤ ਕੀਤੀ। ਹਾਲਾਂਕਿ ਮਾਮਲਾ ਇੱਥੇ ਹੀ ਦੱਬ ਗਿਆ। ਅਧਿਆਪਕਾ ਨੇ ਪਰਿਵਾਰਕ ਮੈਂਬਰਾਂ ਨੂੰ ਲਿਖਤੀ ਰੂਪ ਵਿੱਚ ਦਿੱਤਾ ਕਿ ਉਹ ਭਵਿੱਖ ਵਿੱਚ ਅਜਿਹੀ ਗਲਤੀ ਦੁਬਾਰਾ ਨਹੀਂ ਕਰੇਗੀ।
ਸੋਸ਼ਲ ਮੀਡੀਆ ਰਾਹੀਂ ਫਿਰ ਗਰਮਾਇਆ ਮੁੱਦਾ
ਸੋਸ਼ਲ ਮੀਡੀਆ 'ਤੇ ਇਹ ਵੀਡੀਓ ਵਾਇਰਲ ਹੋ ਗਿਆ ਅਤੇ ਮਾਮਲੇ ਨੇ ਫਿਰ ਜ਼ੋਰ ਫੜ ਲਿਆ। ਫਿਰ CDO ਦਿਵਯਾਂਸ਼ੂ ਪਟੇਲ ਨੇ ਮੁੱਢਲੀ ਸਿੱਖਿਆ ਅਧਿਕਾਰੀ ਨੂੰ ਜਾਂਚ ਕਰਕੇ ਕਾਰਵਾਈ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਸਿੱਖਿਆਮਿੱਤਰ ਖ਼ਿਲਾਫ਼ SC/ST, ਕੁੱਟਮਾਰ ਦੀਆਂ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਦੂਜੇ ਪਾਸੇ ਲਾਪਰਵਾਹੀ ਦੇ ਦੋਸ਼ ਹੇਠ ਹੈੱਡ ਮਾਸਟਰ ਨੂੰ ਮੁਅੱਤਲ ਕਰਕੇ ਵਿਭਾਗੀ ਜਾਂਚ ਦੇ ਹੁਕਮ ਦਿੱਤੇ ਗਏ ਹਨ।
ਹੈੱਡ ਮਾਸਟਰ ਸਸਪੈਂਡ
BSA ਸੰਜੇ ਤਿਵਾਰੀ ਨੇ ਦੱਸਿਆ ਕਿ ਜਾਂਚ ਵਿੱਚ ਵੀਡੀਓ ਦੀ ਪੁਸ਼ਟੀ ਹੋਈ ਹੈ। ਸਿੱਖਿਆਮਿੱਤਰ ਖ਼ਿਲਾਫ਼ ਐਫਆਈਆਰ ਦਰਜ ਕੀਤੀ ਗਈ ਹੈ। ਠੇਕਾ (contract) ਖਤਮ ਕਰਨ ਦੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਮਾਰਕੁੱਟ ਦੀ ਸੂਚਨਾ ਮਿਲਣ ਤੋਂ ਬਾਅਦ ਵੀ ਹੈੱਡ ਮਾਸਟਰ ਈਸ਼ਾ ਯਾਦਵ ਵੱਲੋਂ ਜਾਣਕਾਰੀ ਨਹੀਂ ਦਿੱਤੀ ਗਈ। ਹੈੱਡ ਮਾਸਟਰ ਨੂੰ ਲਾਪਰਵਾਹੀ ਲਈ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਵਿਭਾਗੀ ਜਾਂਚ ਕੀਤੀ ਜਾ ਰਹੀ ਹੈ।