ਨਵੀਂ ਦਿੱਲੀ: ਸਮੇਂ-ਸਮੇਂ 'ਤੇ ਧਰਤੀ 'ਤੇ ਪਰਲੋ ਦੇ ਆਉਣ ਦੀਆਂ ਖਬਰਾਂ ਆਉਂਦੀਆਂ ਰਹਿੰਦੀਆਂ ਹਨ। ਹੁਣ ਇੱਕ ਵਾਰ ਫਿਰ ਦੁਨੀਆ ਦੇ ਵੱਡੇ ਵਿਗਿਆਨੀਆਂ ਨੇ ਪਰਲੋ ਨੂੰ ਲੈ ਕੇ ਚੇਤਾਵਨੀ ਦਿੱਤੀ ਹੈ। ਵਿਗਿਆਨੀਆਂ ਨੇ ਆਪਣੀ ਰਿਪੋਰਟ 'ਚ ਅਜਿਹੀਆਂ ਗੱਲਾਂ ਕਹੀਆਂ ਹਨ, ਜਿਸ ਬਾਰੇ ਜਾਣ ਕੇ ਤੁਸੀਂ ਵੀ ਹੈਰਾਨ ਹੋ ਜਾਓਗੇ।
ਵਿਗਿਆਨੀ ਧਰਤੀ 'ਤੇ ਆਉਣ ਵਾਲੀਆਂ ਆਫ਼ਤਾਂ ਤੋਂ ਚਿੰਤਤ ਹਨ। ਦੁਨੀਆ ਦੀ ਸਭ ਤੋਂ ਵੱਡੀ ਮੈਗਜ਼ੀਨ 'ਨੇਚਰ' ਨੇ ਵਿਗਿਆਨੀਆਂ ਦਾ ਸਰਵੇਖਣ ਕੀਤਾ ਹੈ। ਆਈਪੀਸੀ ਦੀ ਜਲਵਾਯੂ ਰਿਪੋਰਟ ਤਿਆਰ ਕਰਨ ਵਾਲਿਆਂ ਨੂੰ ਮੈਗਜ਼ੀਨ ਦੇ ਸਰਵੇਖਣ ਵਿੱਚ ਸ਼ਾਮਲ ਕੀਤਾ ਗਿਆ ਸੀ। ਇਸ ਸਰਵੇ 'ਚ ਵਿਗਿਆਨੀਆਂ ਨੇ ਧਰਤੀ 'ਤੇ ਹੋ ਰਹੇ ਜਲਵਾਯੂ ਪਰਿਵਰਤਨ ਨੂੰ ਲੈ ਕੇ ਕਈ ਵੱਡੀਆਂ ਗੱਲਾਂ ਦੱਸੀਆਂ ਹਨ।
ਵਿਗਿਆਨੀਆਂ ਨੇ ਧਰਤੀ 'ਤੇ ਪਰਲੋ ਦੇ ਆਉਣ ਨੂੰ ਲੈ ਕੇ ਵੱਡੀ ਚੇਤਾਵਨੀ ਦਿੱਤੀ ਹੈ। ਉਨ੍ਹਾਂ ਨੇ ਇਸ ਸਰਵੇ 'ਚ ਦੱਸਿਆ ਹੈ ਕਿ ਧਰਤੀ 'ਤੇ ਪਰਲੋ ਕਦੋਂ ਆਵੇਗੀ। ਲੋਕ ਬੱਚੇ ਪੈਦਾ ਕਰਨ ਜਾਂ ਨਾ ਕਰਨ, ਇਸ ਬਾਰੇ ਵੱਡੀਆਂ ਗੱਲਾਂ ਵੀ ਕਹੀਆਂ ਹਨ। ਆਓ ਜਾਣਦੇ ਹਾਂ ਵਿਗਿਆਨੀਆਂ ਦੀ ਉਸ ਰਿਪੋਰਟ ਬਾਰੇ ਜਿਸ ਨੇ ਪੂਰੀ ਦੁਨੀਆ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ।
ਵਿਗਿਆਨੀ ਨੇ ਚਿਤਾਵਨੀ ਦਿੱਤੀ ਹੈ ਕਿ ਇਸ ਸਦੀ ਦੇ ਅੰਤ 'ਚ ਧਰਤੀ 'ਤੇ ਭਿਆਨਕ ਤਬਦੀਲੀਆਂ ਹੋਣਗੀਆਂ। 2100 ਤੱਕ, ਧਰਤੀ 'ਤੇ ਹੋਣ ਵਾਲੇ ਭਿਆਨਕ ਬਦਲਾਅ ਇੱਕ ਤਬਾਹੀ ਵਾਂਗ ਹੋਣਗੇ। ਦੁਨੀਆ ਭਰ ਦੇ 233 ਵਿਗਿਆਨੀਆਂ ਨੇ ਆਈਪੀਸੀ ਦੀ ਜਲਵਾਯੂ ਰਿਪੋਰਟ ਤਿਆਰ ਕੀਤੀ ਹੈ। ਇਨ੍ਹਾਂ ਵਿਗਿਆਨੀਆਂ ਵਿੱਚ ਕੋਲੰਬੀਆ ਵਿੱਚ ਸਥਿਤ ਯੂਨੀਵਰਸਿਟੀ ਆਫ ਐਂਟੀਓਆ ਦੀ ਖੋਜਕਰਤਾ ਪਾਓਲਾ ਅਰਿਆਸ ਵੀ ਸ਼ਾਮਲ ਸੀ।
ਉਨ੍ਹਾਂ ਕਿਹਾ ਕਿ ਦੁਨੀਆਂ ਵਿੱਚ ਜਿਸ ਤਰ੍ਹਾਂ ਨਾਲ ਬਦਲਾਅ ਆ ਰਿਹਾ ਹੈ। ਸਰੋਤਾਂ ਦਾ ਸ਼ੋਸ਼ਣ ਕੀਤਾ ਜਾ ਰਿਹਾ ਹੈ। ਪ੍ਰਦੂਸ਼ਣ ਤੇ ਗਰਮੀ ਦਾ ਖਤਰਾ ਵਧ ਰਿਹਾ ਹੈ। ਇਸ ਸਭ ਦੇ ਵਿਚਕਾਰ ਜਿਉਣਾ ਮੁਸ਼ਕਲ ਹੋ ਰਿਹਾ ਹੈ। ਬਰਸਾਤ ਦੇ ਪੈਟਰਨ ਵਿੱਚ ਤਬਦੀਲੀ ਕਾਰਨ ਪਾਣੀ ਦੀ ਸਮੱਸਿਆ ਪੈਦਾ ਹੋਵੇਗੀ। ਉਸ ਦਾ ਕਹਿਣਾ ਹੈ ਕਿ ਅੱਗੇ ਜਾ ਕੇ ਭਿਆਨਕ ਸਥਿਤੀ ਪੈਦਾ ਹੋਵੇਗੀ।
ਪਾਓਲਾ ਏਰਿਆਸ ਨੇ ਚਿਤਾਵਨੀ ਦਿੱਤੀ ਹੈ ਕਿ ਜਿਵੇਂ-ਜਿਵੇਂ ਗਲੋਬਲ ਵਾਰਮਿੰਗ ਵਧ ਰਹੀ ਹੈ, ਸਮੁੰਦਰ ਦਾ ਪੱਧਰ ਵੀ ਵਧ ਰਿਹਾ ਹੈ। ਮੈਨੂੰ ਨਹੀਂ ਲੱਗਦਾ ਕਿ ਵਿਸ਼ਵ ਨੇਤਾ ਗਲੋਬਲ ਵਾਰਮਿੰਗ ਬਾਰੇ ਸਰਗਰਮ ਹਨ। ਉਹ ਬਹੁਤ ਹੌਲੀ-ਹੌਲੀ ਕੰਮ ਕਰ ਰਹੇ ਹਨ। ਇਸ ਤਰ੍ਹਾਂ ਧਰਤੀ ਨੂੰ ਬਚਾਇਆ ਨਹੀਂ ਜਾ ਸਕਦਾ। ਕੁਦਰਤੀ ਆਫਤਾਂ ਕਾਰਨ ਵੱਡੀ ਗਿਣਤੀ ਵਿੱਚ ਲੋਕ ਇੱਕੋ ਸਮੇਂ ਬੇਘਰ ਹੋ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਰਿਪੋਰਟ ਦਰਸਾਉਂਦੀ ਹੈ ਕਿ ਹੁਣ ਮਨੁੱਖ ਕੋਲ ਧਰਤੀ ਨੂੰ ਬਚਾਉਣ ਲਈ ਬਹੁਤ ਘੱਟ ਸਮਾਂ ਹੈ।
ਵਿਸ਼ਵ ਦੇ ਕਈ ਵਿਗਿਆਨੀ ਐਂਟੀਓਚੀਆ ਯੂਨੀਵਰਸਿਟੀ ਦੇ ਖੋਜਕਰਤਾ ਦੀ ਇਸ ਗੱਲ ਨਾਲ ਸਹਿਮਤ ਹਨ। ਨੇਚਰ ਜਰਨਲ ਦੇ ਸਰਵੇਖਣ ਵਿੱਚ 233 ਵਿਗਿਆਨੀਆਂ ਨੂੰ ਸ਼ਾਮਲ ਕੀਤਾ ਗਿਆ ਜਿਨ੍ਹਾਂ ਨੇ ਜਲਵਾਯੂ ਰਿਪੋਰਟ ਤਿਆਰ ਕੀਤੀ। ਇਨ੍ਹਾਂ ਵਿੱਚ 92 ਵਿਗਿਆਨੀਆਂ ਨੇ ਜਵਾਬ ਦਿੱਤੇ ਹਨ। 40 ਫੀਸਦੀ ਵਿਗਿਆਨੀਆਂ ਨੇ ਸਪੱਸ਼ਟ ਕਿਹਾ ਕਿ 2100 ਤੱਕ ਧਰਤੀ 'ਤੇ ਇੰਨੀਆਂ ਤਬਾਹੀਆਂ ਹੋਣਗੀਆਂ, ਜਿਸ ਕਾਰਨ ਕਈ ਦੇਸ਼ ਪੂਰੀ ਤਰ੍ਹਾਂ ਤਬਾਹ ਹੋ ਜਾਣਗੇ। ਬੇਮੌਸਮੀ ਬਰਸਾਤ, ਬੱਦਲ ਫਟਣ ਦੀਆਂ ਘਟਨਾਵਾਂ, ਸੁਨਾਮੀ, ਸੋਕਾ ਤੇ ਹੜ੍ਹ ਵਰਗੀਆਂ ਆਫ਼ਤਾਂ ਪੈਦਾ ਹੋਣਗੀਆਂ, ਜਿਸ ਕਾਰਨ ਮਨੁੱਖ ਪ੍ਰੇਸ਼ਾਨ ਹੋਵੇਗਾ।
88 ਫ਼ੀਸਦੀ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਜਲਵਾਯੂ ਤਬਦੀਲੀ ਸਰਬਨਾਸ਼ ਵਰਗੀਆਂ ਆਫ਼ਤਾਂ ਦਾ ਕਾਰਨ ਬਣੇਗੀ। ਕਈ ਪੀੜ੍ਹੀਆਂ ਜਲਵਾਯੂ ਤਬਦੀਲੀ ਤੋਂ ਪ੍ਰੇਸ਼ਾਨ ਹੋਣਗੀਆਂ। ਵਿਗਿਆਨੀਆਂ ਨੇ ਜਲਵਾਯੂ ਪਰਿਵਰਤਨ ਕਾਰਨ ਆਪਣੀ ਜੀਵਨ ਸ਼ੈਲੀ ਨੂੰ ਬਦਲਿਆ ਹੈ। ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਮਨ 'ਚ ਸਵਾਲ ਉੱਠਦਾ ਹੈ ਕਿ ਬੱਚੇ ਪੈਦਾ ਕਰਨੇ ਹਨ ਜਾਂ ਨਹੀਂ ਕਿਉਂਕਿ ਉਨ੍ਹਾਂ ਨੂੰ ਤਬਾਹ ਹੋਈ ਦੁਨੀਆ 'ਚ ਲਿਆਉਣ ਦੀ ਕੀ ਲੋੜ ਹੈ। ਅਸੀਂ ਉਨ੍ਹਾਂ ਨੂੰ ਚੰਗਾ ਭਵਿੱਖ ਨਹੀਂ ਦੇ ਸਕਦੇ। ਉਹ ਕਹਿੰਦੇ ਹੈ ਕਿ ਜਦੋਂ ਉਹ ਜਲਵਾਯੂ ਤਬਦੀਲੀ ਬਾਰੇ ਸੋਚ ਕੇ ਉਹ ਬੇਚੈਨ ਹੋ ਜਾਂਦੇ ਹਨ।
ਇਹ ਵੀ ਪੜ੍ਹੋ: Accident on Highway: ਧੂੰਏਂ ਦੇ ਕਹਿਰ 'ਚ ਕੁਝ ਵੀ ਨਾ ਦਿੱਸਿਆ, ਅੱਧੀ ਦਰਜਨ ਵਾਹਨ ਆਪਸ 'ਚ ਠੁਕਰਾਏ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/