ABP Cvoter Opinion Poll 2024: ਲੋਕ ਸਭਾ ਚੋਣਾਂ ਤੋਂ ਠੀਕ ਪਹਿਲਾਂ ਪੰਜਾਬ ਦੀ ਸਿਆਸਤ ਭੱਖ ਗਈ ਹੈ। ਇੱਥੇ ਆਮ ਆਦਮੀ ਪਾਰਟੀ ਦੀ ਭਗਵੰਤ ਮਾਨ ਦੀ ਸਰਕਾਰ ਹੈ। ਲੋਕ ਸਭਾ ਚੋਣਾਂ ਆਉਣ ਵਾਲੀਆਂ ਹਨ ਅਤੇ ਇਸ ਤੋਂ ਪਹਿਲਾਂ ਲੋਕਾਂ ਨੂੰ ਇਹ ਗੱਲ ਜਾਣਨ ਦੀ ਕਾਹਲੀ ਹੈ ਕਿ ਇਸ ਬਾਰੇ ਪੰਜਾਬ ਦੇ ਰਾਜ ਭਾਗ ਕਿਸ ਦੇ ਹੱਥਾਂ ਵਿੱਚ ਆਵੇਗਾ।
ਇਸ ਕਰਕੇ ਏਬੀਪੀ ਸੀ-ਵੋਟਰ ਨੇ ਇਸ ਗੱਲ ਦਾ ਜਵਾਬ ਜਾਣਨ ਲਈ ਲੋਕਾਂ ਦੇ ਦਿਲਾਂ ਵਿੱਚ ਝਾਤੀ ਮਾਰਨ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਆਖਿਰ ਲੋਕ ਇਸ ਵਾਰ ਕਿਸ ਨੂੰ ਪੰਜਾਬ ਦੀ ਸੱਤਾ ਦੇਣਾ ਚਾਹੁੰਦੇ ਹਨ। ਤੁਹਾਨੂੰ ਦੱਸ ਦਈਏ ਕਿ ਇਹ ਅੰਕੜੇ ਕਾਫ਼ੀ ਦਿਲਚਸਪ ਹਨ, ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।
ਸਰਵੇ ਵਿੱਚ ਪੰਜਾਬ ਲੋਕ ਸਭਾ ਚੋਣਾਂ ਵਿੱਚ ਭਾਜਪਾ ਸਿਰਫ਼ ਇੱਕ ਸੀਟ ‘ਤੇ ਜਿੱਤਦੀ ਨਜ਼ਰ ਆ ਰਹੀ ਹੈ। ਇਸ ਦੇ ਨਾਲ ਹੀ ਕਾਂਗਰਸ ਨੂੰ ਪੰਜ, ਆਮ ਆਦਮੀ ਪਾਰਟੀ ਨੂੰ 6 ਅਤੇ ਅਕਾਲੀ ਦਲ ਨੂੰ ਇੱਕ ਸੀਟ ਮਿਲ ਰਹੀ ਹੈ।
ਪੰਜਾਬ ਦੀਆਂ ਕੁੱਲ ਲੋਕ ਸਭਾ ਸੀਟਾਂ - 13
ਭਾਜਪਾ - 1 ਸੀਟ
ਕਾਂਗਰਸ- 5 ਸੀਟ
ਆਪ- 6 ਸੀਟ
ਅਕਾਲੀ ਦਲ- 1 ਸੀਟ
ਹੋਰ - 0 ਸੀਟ
ਕਾਂਗਰਸ ਨੂੰ ਸਭ ਤੋਂ ਵੱਧ ਤਾਂ ਭਾਜਪਾ ਨੂੰ ਸਭ ਤੋਂ ਘੱਟ ਵੋਟ ਸ਼ੇਅਰ
ਉੱਥੇ ਹੀ ਜੇਕਰ ਵੋਟ ਸ਼ੇਅਰ ਦੀ ਗੱਲ ਕਰੀਏ ਤਾਂ ਸਰਵੇ ਮੁਤਾਬਕ ਸਭ ਤੋਂ ਵੱਧ 30 ਫੀਸਦੀ ਵੋਟਾਂ ਕਾਂਗਰਸ ਦੇ ਖਾਤੇ 'ਚ ਜਾਂਦੀਆਂ ਨਜ਼ਰ ਆ ਰਹੀਆਂ ਹਨ। ਇਸ ਦੇ ਨਾਲ ਹੀ ਆਮ ਆਦਮੀ ਪਾਰਟੀ ਨੂੰ 27 ਫੀਸਦੀ ਵੋਟਾਂ ਮਿਲਣ ਦੀ ਸੰਭਾਵਨਾ ਹੈ। ਇਸ ਤੋਂ ਇਲਾਵਾ ਅਕਾਲੀ ਦਲ ਨੂੰ 17 ਫੀਸਦੀ ਵੋਟ ਸ਼ੇਅਰ ਮਿਲ ਸਕਦੇ ਹਨ ਜਦਕਿ ਭਾਜਪਾ ਨੂੰ ਸਿਰਫ 16 ਫੀਸਦੀ ਵੋਟ ਸ਼ੇਅਰ ਮਿਲ ਸਕਦੇ ਹਨ। ਹੋਰਾਂ ਨੂੰ ਵੀ 10 ਫੀਸਦੀ ਵੋਟਾਂ ਮਿਲ ਸਕਦੀਆਂ ਹਨ।
ਸਰੋਤ ਸੀ ਵੋਟਰ
ਪੰਜਾਬ ਦੀਆਂ 13 ਸੀਟਾਂ
ਭਾਜਪਾ - 16%
ਕਾਂਗਰਸ- 30%
ਆਪ- 27%
ਅਕਾਲੀ ਦਲ- 17%
ਹੋਰ - 10%