ਅੰਮ੍ਰਿਤਸਰ : ਗੁਰੂ ਨਗਰੀ ਅੰਮ੍ਰਿਤਸਰ ਤੋਂ ਮੈਂਬਰ ਪਾਰਲੀਮੈਂਟ ਗੁਰਜੀਤ ਸਿੰਘ ਔਜਲਾ ਵੱਲੋਂ ਅੰਮ੍ਰਿਤਸਰ ਸ਼ਹਿਰ ਦੇ ਵਿਕਾਸ ਲਈ ਲਗਾਤਾਰ ਵਿਕਾਸ ਕਾਰਜ ਪਹਿਲ ਦੇ ਆਧਾਰ 'ਤੇ ਕਰਵਾਏ ਜਾ ਰਹੇ ਹਨ। ਗੁਰਜੀਤ ਸਿੰਘ ਔਜਲਾ ਦੀਆਂ ਅਣਥੱਕ ਕੋਸ਼ਿਸ਼ਾਂ ਰਾਹੀਂ ਗੁਰੂ ਨਗਰੀ ਦੇ ਵਿਕਾਸ ਕਰਦਿਆਂ ਤੇ ਸ਼ਰਧਾਲੂਆਂ ਦੀ ਸਹੂਲਤ ਲਈ ਰਾਸ਼ਟਰੀ ਮਾਰਗ 'ਤੇ ਬਾਈਪਾਸ ਉਪਰ ਬਣਾਏ ਜਾ ਰਹੇ ਪੁੱਲ ਤੇ ਪਿੱਲਰਾਂ ਵਾਲੇ ਬਣਾਏ ਜਾਣ ਵਾਲੇ ਪੁੱਲ ਜਿਸ ਵਿਚ ਦਬੁਰਜੀ ਵਿਖੇ ਹਾਈਵੇ ਪੁੱਲ, ਡ੍ਰੀਮ ਸਿਟੀ ਦੇ ਬਾਹਰ ਹਾਈਵੇ ਪੁੱਲ, ਮਾਨਾਵਲਾਂ ਐਕਸਪ੍ਰੈਸ ਵੇਅ, ਹਾਈਵੇ 54 ਤੇ ਰਿੰਗ ਰੋਡ ਇੰਟਰਚੇਂਜ਼ ਆਦਿ ਸ਼ਾਮਿਲ ਹਨ।
ਜਿਸ ਲਈ ਗੁਰਜੀਤ ਔਜਲਾ ਨੇ ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਜੀ ਦਾ ਪੱਤਰ ਲਿਖ ਕੇ ਧੰਨਵਾਦ ਕਰਦਿਆਂ ਕਿਹਾ ਕਿ ਪਿਛਲੇ ਦਿਨੀਂ ਆਪ ਜੀ ਨਾਲ ਵਿਅਕਤੀਗਤ ਮੁਲਾਕਤ ਕੀਤੀ ਗਈ ਸੀ ,ਜਿਸ ਰਾਹੀਂ ਆਪ ਜੀ ਧਿਆਨ ਰੀਇਨਫੋਰਸਡ ਅਰਥ ਪੈਨਲ/ਵਾਲ ਤੋਂ ਪਿੱਲਰ ਕਿਸਮ ਦੀਆਂ ਬਣਤਰਾਂ ਵਿਚ ਬਦਲਣ ਦੇ ਮਾਮਲੇ ਵਿੱਚ ਨਿੱਜੀ ਤੌਰ ਤੇ ਧਿਆਨ ਦੇਣ ਦੀ ਮੰਗ ਕੀਤੀ ਸੀ। ਉਨ੍ਹਾਂ ਪੱਤਰ ਰਾਹੀਂ ਸ੍ਰੀ ਨਿਤਿਨ ਗਡਕਰੀ ਜੀ ਨੂੰ ਦੱਸਿਆ ਕਿ ਪਾਰਲੀਮੈਂਟ ਸ਼ੈਸ਼ਨ ਤੋਂ ਬਾਅਦ ਇਹ ਤੀਸਰਾ ਰਿਮਾਂਈਂਡਰ ਆਪ ਜੀ ਨੂੰ ਭੇਜਿਆ ਗਿਆ ਹੈ।
ਗੁਰਜੀਤ ਸਿੰਘ ਔਜਲਾ ਨੇ ਕਿਹਾ ਕਿ ਐਲੀਵੇਟਿਡ ਸੜਕਾਂ ਅਨੁਸਾਰ ਲੋਹਾਰਾਕਾ ਰੋਡ ਤੇ ਵੀ.ਯੂ.ਪੀ. ਦਾ ਨਿਰਮਾਣ, ਅਤੇ ਰਣਜੀਤ ਐਵੀਨਿਊ ਕਰਾਸਿੰਗ, ਮਾਈਨਰ ਪੁੱਲ ਨੂੰ ਚੌੜਾ ਕਰਨਾ ਅਤੇ ਅੰਮ੍ਰਿਤਸਰ ਵਾਘਾ ਬਾਰਡਰ ਸੈਕਸ਼ਨ ਐਨ.ਐਚ.1 ਤੇ ਕਿਲੋਮੀਟਰ 462.339 ’ਤੇ ਡਰੇਨ ਸਰਵਿਸ ਰੋਡ, ਮੌਜੂਦਾ ਤਰਨਤਾਰਨ ਫਲਾਈਓਵਰ ਨੂੰ ਜਲੰਧਰ ਅੰਮ੍ਰਿਤਸਰ ਸੈਕਸ਼ਨ ਦੇ ਗੋਲਡਨ ਗੇਟ ਤੱਕ ਛੇ ਮਾਰਗੀ ਕਰਨਾ, ਦਬੁਰਜੀ ਹਾਈਵੇ ਪੁੱਲ ਆਦਿ ਸ਼ਾਮਿਲ ਸਨ।
ਗੁਰਜੀਤ ਸਿੰਘ ਔਜਲਾ ਨੇ ਕਿਹਾ ਕਿ ਐਲੀਵੇਟਿਡ ਸੜਕਾਂ ਅਨੁਸਾਰ ਲੋਹਾਰਾਕਾ ਰੋਡ ਤੇ ਵੀ.ਯੂ.ਪੀ. ਦਾ ਨਿਰਮਾਣ, ਅਤੇ ਰਣਜੀਤ ਐਵੀਨਿਊ ਕਰਾਸਿੰਗ, ਮਾਈਨਰ ਪੁੱਲ ਨੂੰ ਚੌੜਾ ਕਰਨਾ ਅਤੇ ਅੰਮ੍ਰਿਤਸਰ ਵਾਘਾ ਬਾਰਡਰ ਸੈਕਸ਼ਨ ਐਨ.ਐਚ.1 ਤੇ ਕਿਲੋਮੀਟਰ 462.339 ’ਤੇ ਡਰੇਨ ਸਰਵਿਸ ਰੋਡ, ਮੌਜੂਦਾ ਤਰਨਤਾਰਨ ਫਲਾਈਓਵਰ ਨੂੰ ਜਲੰਧਰ ਅੰਮ੍ਰਿਤਸਰ ਸੈਕਸ਼ਨ ਦੇ ਗੋਲਡਨ ਗੇਟ ਤੱਕ ਛੇ ਮਾਰਗੀ ਕਰਨਾ, ਦਬੁਰਜੀ ਹਾਈਵੇ ਪੁੱਲ ਆਦਿ ਸ਼ਾਮਿਲ ਸਨ।
ਉਨ੍ਹਾਂ ਕਿਹਾ ਕਿ ਇਸ ਮੰਗ ਦੇ ਲਈ ਆਪ ਜੀ ਵੱਲੋਂ ਬਜਟ ਸਤਰ ਤੇ ਇਕ ਕਮੇਟੀ ਦਾ ਗਠਨ ਕੀਤਾ ਗਿਆ ਸੀ, ਜਿਸ ਦੇ ਤਹਿਤ ਕਮੇਟੀ ਦੀ ਰਿਪੋਰਟ ਮੁਤਾਬਿਕ ਆਰ.ਈ.ਵਾਲ ਪੁੱਲਾਂ ਦੇ ਨਿਰਮਾਣ ਦੀ ਸਿਫਾਰਿਸ਼ ਕੀਤੀ ਹੈ ਜਿਸ ਵਿਚ ਖਰਚੇ ਦਾ 10000 ਕਰੋੜ ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ ਪਰ ਨਿਰਧਾਰਿਤ 200 ਕਰੋੜ ਵਿਚ ਇਹ ਸਾਰੇ ਪ੍ਰੋਜੈਕਟ ਸਿਰਫ ਭਵਿੱਖਮੁਖੀ ਸੁਭਾਅ ਦੇ ਹਨ ਜੋ ਕਿ ਰਾਸ਼ਟਰੀ ਮਾਰਗਾਂ ਦੇ ਵਿਕਾਸ ਲਈ ਨਾਕਾਫੀ ਹੈ।
ਉਨ੍ਹਾਂ ਕਿਹਾ ਕਿ ਅੰਮ੍ਰਿਤਸਰ ਸ਼ਹਿਰ ਧਾਰਮਿਕ ਸ਼ਹਿਰ ਵਜੋਂ ਪੂਰੇ ਵਿਸ਼ਵ ਵਿਚ ਜਾਣਿਆ ਜਾਂਦਾ ਹੈ ਅਤੇ ਹਰ ਰੋਜ਼ 1.5 ਲੱਖ ਤੋਂ ਵਧੇਰੇ ਸ਼ਰਧਾਲੂ ਇਸ ਸ਼ਹਿਰ ’ਚ ਪਹੁੰਚਦੇ ਹਨ, ਜਿਸ ਲਈ ਉਹ ਇਹੋ ਸੜਕ ਮਾਰਗ ਦਾ ਇਸਤੇਮਾਲ ਕਰਦੇ ਹਨ ਅਤੇ ਸ਼ਹਿਰ ਦੇ ਪ੍ਰਵੇਸ਼ ਦੁਆਰ ਦਾ ਬਿਹਤਰ ਦ੍ਰਿਸ਼ ਪ੍ਰਦਾਨ ਕਰਨਾ ਬਹੁਤ ਮਹੱਤਵਪੂਰਨ ਹੈ ਅਤੇ ਸ਼ਹਿਰ ਦੀ ਦਿੱਖ ਨੂੰ ਖੂਬਸੂਰਤ ਬਣਾਈ ਰੱਖਣ ਲਈ ਰਾਸ਼ਟਰੀ ਮਾਰਗਾਂ ਦੀ ਦਿੱਖ ਨੂੰ ਸੰਵਾਰਨਾ ਬੇਹੱਦ ਜ਼ਰੂਰੀ ਹੈ।
ਗੁਰਜੀਤ ਸਿੰਘ ਔਜਲਾ ਨੇ ਪੱਤਰ ਰਾਹੀਂ ਬੇਨਤੀ ਕਰਦਿਆਂ ਕਿਹਾ ਕਿ ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਇਸ ਮਾਮਲੇ ਵਿਚ ਨਿੱਜੀ ਤੌਰ ਤੇ ਦਖਲ ਦੇਣ ਤੇ ਪਵਿੱਤਰ ਸ਼ਹਿਰ ਅੰਮ੍ਰਿਤਸਰ ਨੂੰ ਲਾਲ ਫੀਤਾਸ਼ਾਹੀ ਤੋਂ ਬਚਾਉਣ ਵਿਚ ਸਹਾਈ ਹੋਣ ਤੇ ਬਜਟ ਵਿਚ ਦੱਸੀ ਗਈ ਰਕਮ ਵਿਚ ਵਾਧਾ ਕਰਨ ਤਾਂ ਜੋ ਕਿ ਸ਼ਹਿਰ ਦੀ ਨੁਹਾਰ ਬਦਲ ਸਕੇ।