Faridkot news: ਕਹਿੰਦੇ ਹਨ ਕਿ ਸ਼ੌਂਕ ਦਾ ਕੋਈ ਮੁੱਲ ਨਹੀਂ ਹੁੰਦਾ, ਇਹ ਕਹਾਵਤ ਹੀ ਨਹੀਂ ਕਿਤੇ ਨਾ ਕਿਤੇ ਸੱਚਾਈ ਵੀ ਹੈ, ਕਿਉਂਕਿ ਪੰਜਾਬੀਆਂ ਦਾ ਇੱਕ ਸ਼ੌਂਕ ਘੋੜਾ ਪਾਲਨਾ ਵੀ ਹੈ।
ਇਹ ਰਿਵਾਜ ਰਾਜਾ ਮਹਾਰਾਜਿਆਂ ਦੇ ਸਮੇਂ ਤੋਂ ਚੱਲਿਆ ਆ ਰਿਹਾ ਹੈ। ਹੁਣ ਪੰਜਾਬ ਵਿੱਚ ਇਹ ਘੋੜਾ ਪਾਲਨ ਦੇ ਸ਼ੌਂਕ ਦੇ ਨਾਲ-ਨਾਲ ਇਹ ਧੰਧਾ ਵੀ ਬਣਦਾ ਜਾ ਰਿਹਾ ਹੈ। ਇਨ੍ਹਾਂ ਘੋੜਿਆਂ ਦੀ ਕੀਮਤ ਲੱਖਾਂ ਤੋਂ ਲੈ ਕੇ ਕਰੋੜਾਂ ਤੱਕ ਚਲੀ ਜਾਂਦੀ ਹੈ। ਇਹੀ ਵਜ੍ਹਾ ਹੈ ਕਿ ਇਨ੍ਹਾਂ ਘੋੜਿਆਂ ਨੂੰ ਸਹਾਇਕ ਧੰਧੇ ਦੇ ਤੌਰ ‘ਤੇ ਵੀ ਲੋਕ ਅਪਣਾ ਰਹੇ ਹਨ।
ਹੋਰਸ ਸ਼ੋਅ 'ਚ ਆਏ ਕਰੋੜਾਂ ਦੀ ਕੀਮਤ ਵਾਲੇ ਘੋੜੇ
ਉੱਥੇ ਹੀ ਫ਼ਰੀਦਕੋਟ ਵਿੱਚ ਛੇਵਾਂ ਹੋਰਸ ਸ਼ੋਅ ਕਰਵਾਇਆ ਗਿਆ ਜਿਸ ਵਿੱਚ ਪੰਜਾਬ ਤੋਂ ਇਲਾਵਾ ਹੋਰ ਕਈ ਸੂਬਿਆਂ ਦੇ ਲਗਭਗ 200 ਤੋਂ ਵੱਧ ਘੋੜੇ-ਘੋੜੀਆਂ ਨੇ ਹਿੱਸਾ ਲਿਆ, ਜਿਸ ਵਿੱਚ ਪੰਜਾਬ ਤੋਂ ਇਲਾਵਾ ਨੁਕਰਾ ਅਤੇ ਮਾਰਵਾੜੀ ਘੋੜਿਆਂ ਸਮੇਤ ਹੋਰਨਾਂ ਸੂਬਿਆਂ ਦੇ 200 ਤੋਂ ਵੱਧ ਘੋੜਿਆਂ ਅਤੇ ਘੋੜੀਆਂ ਨੇ ਹਿੱਸਾ ਲਿਆ।
ਇਹ ਵੀ ਪੜ੍ਹੋ: Faridkot news: IG ਦੇ ਨਾਮ 'ਤੇ 20 ਲੱਖ ਰੁਪਏ ਰਿਸ਼ਵਤ ਲੈਣ ਦੇ ਮਾਮਲੇ 'ਚ ਹੋਈ ਸੁਣਵਾਈ, ਪੁਲਿਸ ਨੇ 2 ਦਿਨ ਦਾ ਰਿਮਾਂਡ ਕੀਤਾ ਹਾਸਲ
ਜੇਕਰ ਇਸ ਮੇਲੇ ਵਿੱਚ ਆਏ ਘੋੜਿਆਂ ਦੀ ਕੀਮਤ ਦੀ ਗੱਲ ਕਰੀਏ ਤਾਂ ਇੱਥੇ 3 ਲੱਖ ਤੋਂ 3 ਕਰੋੜ ਰੁਪਏ ਦੇ ਘੋੜੇ ਦੇਖਣ ਨੂੰ ਮਿਲੇ। ਇਸ ਮੇਲੇ ਵਿੱਚ ਕਾਲਾ ਕਾਂਟਾ, ਬਾਹੂਬਲੀ, ਰੁਸਤਮ ਅਤੇ ਪਦਮ ਵਰਗੇ ਮਸ਼ਹੂਰ ਘੋੜੇ ਦੇਖੇ ਗਏ, ਜਿਨ੍ਹਾਂ ਦੀ ਕੀਮਤ ਕਰੋੜਾਂ ਵਿੱਚ ਹੈ। 4 ਦਿਨ ਤੱਕ ਚੱਲਣ ਵਾਲੇ ਇਸ ਹੋਰਸ ਸ਼ੋਅ ਵਿੱਚ ਜੇਤੂ ਘੋੜਿਆਂ ਦੇ ਮਾਲਕਾਂ ਨੂੰ ਕਾਰ ਅਤੇ ਇੱਕ ਮੋਟਰਸਾਈਕਲ ਦੇ ਕੇ ਜੇਤੂ ਐਲਾਨਿਆ ਗਿਆ।
ਘੋੜੇ ਦੇ ਮਾਲਕ ਨੇ ਦੱਸੀਆਂ ਜ਼ਰੂਰੀ ਗੱਲਾਂ
ਸਾਡੀ ਟੀਮ ਨਾਲ ਗੱਲਬਾਤ ਕਰਦਿਆਂ ਪਦਮ ਘੋੜੇ ਦੇ ਮਾਲਕ ਜਸਪਾਲ ਸਿੰਘ ਨੇ ਦੱਸਿਆ ਕਿ ਪਦਮ ਘੋੜੇ ਦੀ ਕੀਮਤ 3 ਕਰੋੜ ਰੁਪਏ ਦੇ ਕਰੀਬ ਸੀ ਪਰ ਉਸ ਨੇ ਇਸ ਨੂੰ ਨਹੀਂ ਵੇਚਿਆ। ਇਸ ਘੋੜੇ ਦੀ ਵਿਸ਼ੇਸ਼ਤਾ ਬਾਰੇ ਦੱਸਦਿਆਂ ਹੋਇਆਂ ਕਿਹਾ ਕਿ ਇਹ ਘੋੜਾ ਬਹੁਤ ਕੀਮਤੀ ਹੈ ਅਤੇ ਇਸ ਘੋੜੇ 'ਤੇ ਇਕ ਵੀ ਦਾਗ ਨਹੀਂ ਹੈ।
ਪਦਮ ਦੀ ਉਮਰ 4 ਸਾਲ ਦੇ ਕਰੀਬ ਹੈ ਅਤੇ ਉਸਦਾ ਕੱਦ ਪੰਜਾਬ ਦੇ ਸਾਰੇ ਘੋੜਿਆਂ ਨਾਲੋਂ ਵੱਧ ਹੈ। ਬਾਲੀਵੁੱਡ ਸਟਾਰ ਸਲਮਾਨ ਖਾਨ ਨੇ ਵੀ ਇਸ ਬੇਤਾਬ ਘੋੜੇ ਨੂੰ ਖਰੀਦਿਆ ਹੈ। ਜਸਪਾਲ ਸਿੰਘ ਨੇ ਦੱਸਿਆ ਕਿ ਇਹ ਸਾਡਾ ਕਮਾਊ ਪੁੱਤਰ ਹੈ ਅਤੇ ਇਸ ਦੀ ਖੁਰਾਕ ਵੀ ਸਪੈਸ਼ਲ ਅਤੇ ਖ਼ਾਸ ਹੁੰਦੀ ਹੈ। ਮਲਿਕ ਨੇ ਦੱਸਿਆ ਕਿ ਖੇਤੀ ਦੇ ਨਾਲ-ਨਾਲ ਇਹ ਸਹਾਇਕ ਧੰਦਾ ਵੀ ਹੈ ਅਤੇ ਬਹੁਤ ਹੀ ਲਾਹੇਵੰਦ ਹੈ।
ਇਹ ਵੀ ਪੜ੍ਹੋ: Punjab news: ਪੁਲਿਸ ਨੇ 24 ਘੰਟਿਆਂ 'ਚ ਸੁਲਝਾਈ NRI ਦੇ ਅੰਨ੍ਹੇ ਕਤਲ ਦੀ ਗੁੱਥੀ, ਦੋਸ਼ੀ ਦੀ ਭਾਲ ਕਰੀ ਪੁਲਿਸ