7th Pay Commission: ਕੇਂਦਰ ਸਰਕਾਰ ਦੇ ਲਗਪਗ 52 ਲੱਖ ਕਰਮਚਾਰੀ ਤੇ ਲਗਪਗ 60 ਲੱਖ ਪੈਨਸ਼ਨਰ 1 ਜੁਲਾਈ 2021 ਦੇ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਮਹਿੰਗਾਈ ਭੱਤਾ (DA) ਤੇ ਮਹਿੰਗਾਈ ਰਾਹਤ (DR) 1 ਜੁਲਾਈ ਤੋਂ ਮਿਲਣ ਦੀ ਉਮੀਦ ਹੈ। 7ਵੇਂ ਤਨਖਾਹ ਕਮਿਸ਼ਨ ਨੇ ਇਸ ਵਿੱਚ ਵਾਧਾ ਕਰਨ ਦੀ ਸਿਫਾਰਸ਼ ਕੀਤੀ ਹੈ ਤੇ ਇਸ ਸੰਬੰਧੀ 26 ਜੂਨ ਨੂੰ ਇੱਕ ਬੈਠਕ ਕੀਤੀ ਜਾਵੇਗੀ।

ਨੈਸ਼ਨਲ ਕੌਂਸਲ ਆਫ ਜੇਸੀਐਮ ਦੇ ਸਕੱਤਰ (ਸਟਾਫ ਸਾਈਡ) ਸ਼ਿਵ ਗੋਪਾਲ ਮਿਸ਼ਰਾ ਅਨੁਸਾਰ, ਕੇਂਦਰ ਸਰਕਾਰ ਦੇ ਕਰਮਚਾਰੀਆਂ ਨੂੰ 7ਵੀਂ ਸੀਪੀਸੀ ਤਨਖਾਹ ਕੈਲਕੁਲੇਟਰ ਦੀ ਵਰਤੋਂ ਕਰਦਿਆਂ ਆਪਣੇ 7ਵੇਂ ਸੀਪੀਸੀ ਸੈਲਰੀ ਮੈਟ੍ਰਿਕਸ ਦੀ ਸੰਭਾਲ ਕਰਨੀ ਚਾਹੀਦੀ ਹੈ।

ਮਿਸ਼ਰਾ ਨੇ ਕਿਹਾ ਕਿ ਡੀਏ ਬਹਾਲੀ ਤੋਂ ਬਾਅਦ ਮਹੀਨਾਵਾਰ ਤਨਖਾਹ ਕਿੰਨੀ ਵਧੇਗੀ, ਇਸ ਨੂੰ ਜਾਣਨ ਲਈ ਇੱਕ ਕੇਂਦਰੀ ਸਰਕਾਰੀ ਕਰਮਚਾਰੀ ਨੂੰ ਆਪਣੀ ਮਹੀਨਾਵਾਰ ਮੁਢਲੀ ਤਨਖਾਹ ਦੀ ਜਾਂਚ ਕਰਨੀ ਚਾਹੀਦੀ ਹੈ। ਇਸ ਤੋਂ ਬਾਅਦ ਮੌਜੂਦਾ ਡੀਏ ਦੀ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ। ਇਸ ਵੇਲੇ ਇਹ 17 ਪ੍ਰਤੀਸ਼ਤ ਹੈ। ਡੀਏ ਬਹਾਲੀ ਤੋਂ 28 ਪ੍ਰਤੀਸ਼ਤ ਤੱਕ ਜਾਵੇਗਾ।

ਅਜਿਹੀ ਸਥਿਤੀ ਵਿੱਚ ਮਹੀਨਾਵਾਰ ਡੀਏ ਵਿੱਚ 11 ਪ੍ਰਤੀਸ਼ਤ ਵਾਧਾ ਹੋਵੇਗਾ। ਇਸ ਲਈ ਇੱਕ ਕੇਂਦਰੀ ਸਰਕਾਰ ਦੇ ਕਰਮਚਾਰੀ ਦਾ ਡੀਏ ਭੱਤਾ ਜੁਲਾਈ 2021 ਤੋਂ ਉਨ੍ਹਾਂ ਦੀ ਮੁੱਢਲੀ ਤਨਖਾਹ ਦਾ 11 ਪ੍ਰਤੀਸ਼ਤ ਤੱਕ ਵਧ ਜਾਵੇਗਾ।

ਕਿੰਨਾ ਡੀਏ ਵਿੱਚ ਵਾਧਾ ਹੋਵੇਗਾ, ਇੰਜ ਸਮਝੋ
7ਵੇਂ ਤਨਖਾਹ ਕਮਿਸ਼ਨ ਅਧੀਨ ਤਨਖਾਹ ਦੀ ਗਣਨਾ ਲਈ, ਮੰਨ ਲਓ ਕਿ ਕੇਂਦਰੀ ਸਰਕਾਰ ਦੇ ਕਰਮਚਾਰੀ ਦੀ ਮੁੱਢਲੀ ਤਨਖਾਹ 20,000 ਰੁਪਏ ਪ੍ਰਤੀ ਮਹੀਨਾ ਹੈ ਤਾਂ ਉਸ ਦਾ ਮਹੀਨਾਵਾਰ ਡੀਏ 20,000 ਦੇ 28 ਪ੍ਰਤੀਸ਼ਤ ਵਧੇਗਾ। ਇਸ ਦਾ ਮਤਲਬ ਹੈ ਕਿ ਮਹੀਨੇਵਾਰ ਡੀਏ ਵਿਚ ਵਾਧਾ 20,000 ਦੇ 11% ਭਾਵ 2200 ਰੁਪਏ ਹੋਵੇਗਾ।

ਇਸੇ ਤਰ੍ਹਾਂ ਹੋਰ ਕੇਂਦਰੀ ਸਰਕਾਰ ਦੇ ਕਰਮਚਾਰੀ ਜਿਨ੍ਹਾਂ ਦੀ 7ਵੀਂ ਸੀਪੀਸੀ ਤਨਖਾਹ ਮੈਟ੍ਰਿਕਸ ਵਿੱਚ ਵੱਖਰੀ ਮਾਸਿਕ ਬੇਸਿਕ ਤਨਖਾਹ ਹੈ, ਉਹ ਇਹ ਜਾਂਚ ਕਰ ਸਕਦੇ ਹਨ ਕਿ ਡੀਏ ਬਹਾਲੀ ਤੋਂ ਬਾਅਦ ਉਨ੍ਹਾਂ ਦੀ ਤਨਖਾਹ ਕਿੰਨੀ ਵਧੇਗੀ। ਡੀਏ ਦੇ ਵਾਧੇ ਨਾਲ ਕੁਝ ਸਥਿਤੀਆਂ ਵਿੱਚ ਟੀਏ ਵਿੱਚ ਵਾਧਾ ਹੁੰਦਾ ਹੈ, ਕੀ 1 ਜੁਲਾਈ ਤੋਂ ਕੇਂਦਰੀ ਸਰਕਾਰ ਦੇ ਕਰਮਚਾਰੀਆਂ ਲਈ ਟੀਏ ਵਾਧਾ ਹੋਵੇਗਾ।

ਇਸ ਲਈ ਗੋਪਾਲ ਮਿਸ਼ਰਾ ਨੇ ਕਿਹਾ, "ਡੀਏ ਵਾਧੇ ਦੇ ਨਾਲ ਟੀਏ ਵਾਧੇ ਲਈ, ਕੇਂਦਰੀ ਸਰਕਾਰ ਦੇ ਕਰਮਚਾਰੀਆਂ ਦਾ ਮੌਜੂਦਾ ਡੀਏ 25 ਪ੍ਰਤੀਸ਼ਤ ਤੋਂ ਵੱਧ ਹੋਣਾ ਚਾਹੀਦਾ ਹੈ। ਕਿਉਂਕਿ ਇਸ ਸਮੇਂ ਇਹ 17 ਪ੍ਰਤੀਸ਼ਤ ਹੈ। ਇਸ ਲਈ ਇਸ ਵਾਰ ਕੇਂਦਰ ਸਰਕਾਰ ਲਈ ਟੀਏ ਵਿੱਚ ਕੋਈ ਵਾਧਾ ਨਹੀਂ ਹੋਵੇਗਾ।