Ann Coulter on Nikki Haley: ਭਾਰਤੀ-ਅਮਰੀਕੀ ਨੇਤਾ ਨਿੱਕੀ ਹੇਲੀ ਅਮਰੀਕਾ 'ਚ ਅਗਲੇ ਸਾਲ ਹੋਣ ਵਾਲੀਆਂ ਰਾਸ਼ਟਰਪਤੀ ਚੋਣਾਂ 'ਚ ਰਿਪਬਲਿਕਨ ਪਾਰਟੀ ਦੀ ਉਮੀਦਵਾਰ ਵਜੋਂ ਚੋਣ ਮੈਦਾਨ 'ਚ ਉਤਰੇਗੀ। ਉਹ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨਾਲ ਮੁਕਾਬਲਾ ਕਰ ਸਕਦੇ ਹਨ। ਰਾਸ਼ਟਰਪਤੀ ਚੋਣ ਵਿੱਚ ਉਨ੍ਹਾਂ ਦੀ ਉਮੀਦਵਾਰੀ ਦਾ ਵਿਰੋਧ ਵੀ ਸ਼ੁਰੂ ਹੋ ਗਿਆ ਹੈ। ਅਮਰੀਕੀ ਲੇਖਿਕਾ ਐਨ ਕੋਲਟਰ ਨੇ ਕਈ ਨਸਲਵਾਦੀ ਟਿੱਪਣੀਆਂ ਕੀਤੀਆਂ ਹਨ।
ਇੱਕ ਪੋਡਕਾਸਟ ਦੇ ਦੌਰਾਨ, ਕੋਲਟਰ ਨੇ ਨਿੱਕੀ ਹੇਲੀ 'ਤੇ ਨਸਲੀ ਟਿੱਪਣੀ ਕਰਦਿਆਂ ਕਿਹਾ, "ਤੁਸੀਂ ਆਪਣੇ ਦੇਸ਼ ਭਾਰਤ ਕਿਉਂ ਨਹੀਂ ਚਲੇ ਜਾਂਦੇ?" ਐਨ ਕੋਲਟਰ ਨੇ ਹੇਲੀ ਦੇ ਕਿਰਦਾਰ ਨੂੰ ਹਾਸੋਹੀਣਾ ਦੱਸਿਆ ਹੈ। ਉਨ੍ਹਾਂ ਕਿਹਾ, "ਹੇਲੀ ਦਾ ਸਮਰਥਨ ਕਰਨ ਵਾਲੇ ਲੋਕ ਔਰਤਾਂ ਨਾਲ ਨਫ਼ਰਤ ਕਰਦੇ ਹਨ।" ਕੋਲਟਰ ਨੇ ਦਾਅਵਾ ਕੀਤਾ ਕਿ ਨਿੱਕੀ ਹੈਲੀ ਨੂੰ 2% ਤੋਂ ਵੱਧ ਵੋਟ ਨਹੀਂ ਮਿਲਣਗੇ।
ਭਾਰਤ 'ਤੇ ਕੀਤੀ ਵਿਵਾਦਿਤ ਟਿੱਪਣੀ
ਨਿੱਕੀ ਦੇ ਪ੍ਰਤੀ ਕੋਲਟਰ ਦੀ ਨਫ਼ਰਤ ਹੌਲੀ-ਹੌਲੀ ਭਾਰਤ ਅਤੇ ਭਾਰਤੀਆਂ ਦੇ ਵਿਰੋਧ ਵਿੱਚ ਬਦਲ ਗਈ ਹੈ। ਨਿੱਕੀ ਦਾ ਵਿਰੋਧ ਕਰਦੇ ਹੋਏ ਕੋਲਟਰ ਨੇ ਭਾਰਤ 'ਤੇ ਵੀ ਵਿਵਾਦਿਤ ਟਿੱਪਣੀਆਂ ਕੀਤੀਆਂ। ਉਨ੍ਹਾਂ ਕਿਹਾ, "ਭਾਰਤ ਵਿੱਚ ਗਾਵਾਂ ਅਤੇ ਚੂਹਿਆਂ ਦੀ ਪੂਜਾ ਕੀਤੀ ਜਾਂਦੀ ਹੈ।" ਇਸ ਦਾ ਮਜ਼ਾਕ ਉਡਾਉਂਦੇ ਹੋਏ ਕੋਲਟਰ ਨੇ ਕਿਹਾ, "ਗਾਂ ਦੀ ਪੂਜਾ ਕਰਨ ਦਾ ਕੀ ਮਤਲਬ ਹੈ? ਬਾਹਰ ਲੋਕ ਭੁੱਖੇ ਮਰ ਰਹੇ ਹਨ। ਕੀ ਤੁਹਾਨੂੰ ਪਤਾ ਹੈ ਕਿ ਉਨ੍ਹਾਂ ਕੋਲ ਚੂਹੇ ਦਾ ਮੰਦਰ ਵੀ ਹੈ, ਜਿੱਥੇ ਉਹ ਚੂਹਿਆਂ ਦੀ ਪੂਜਾ ਕਰਦੇ ਹਨ?"
ਇਹ ਵੀ ਪੜ੍ਹੋ:China Russia Relations: ਜੰਗ 'ਚ ਰੂਸ ਦੀ ਗੁਪਤ ਮਦਦ ਕਰ ਰਿਹਾ ਚੀਨ, ਅਮਰੀਕਾ ਨੇ ਦਿੱਤੀ ਚੇਤਾਵਨੀ, ਜਾਣੋ!
ਅੰਮ੍ਰਿਤਸਰ ਨਾਲ ਹੈ ਨਿੱਕੀ ਦਾ ਸਬੰਧ
1972 ਵਿੱਚ ਅਮਰੀਕਾ ਵਿੱਚ ਜਨਮੀ ਨਿੱਕੀ ਹੇਲੀ ਦਾ ਅਸਲੀ ਨਾਮ ਨਮ੍ਰਤਾ ਨਿੱਕੀ ਰੰਧਾਵਾ ਹੈ। ਇਨ੍ਹਾਂ ਦੇ ਪਿਤਾ ਦਾ ਨਾਮ ਅਜੀਤ ਸਿੰਘ ਰੰਧਾਵਾ ਅਤੇ ਮਾਤਾ ਦਾ ਨਾਮ ਰਾਜ ਕੌਰ ਹੈ। 1960 ਦੇ ਦਹਾਕੇ ਵਿੱਚ ਅਜੀਤ ਸਿੰਘ ਆਪਣੀ ਪਤਨੀ ਨਾਲ ਪੀਐਚਡੀ ਕਰਨ ਲਈ ਅੰਮ੍ਰਿਤਸਰ ਤੋਂ ਅਮਰੀਕਾ ਆ ਗਏ ਸਨ। ਨਿੱਕੀ ਦੇ ਦੋ ਭਰਾ ਮਿੱਠੀ ਅਤੇ ਸਿਮੀ ਅਤੇ ਇੱਕ ਭੈਣ ਸਿਮਰਨ ਹੈ।
ਹਿਲੇਰੀ ਕਲਿੰਟਨ ਦੀ ਕਰੀਬੀ ਹੈ ਨਿੱਕੀ
ਨਿੱਕੀ ਨੂੰ ਸਾਬਕਾ ਵਿਦੇਸ਼ ਮੰਤਰੀ ਹਿਲੇਰੀ ਕਲਿੰਟਨ ਦਾ ਕਰੀਬੀ ਮੰਨਿਆ ਜਾਂਦਾ ਹੈ। ਹਿਲੇਰੀ ਨੇ ਹੀ ਉਸ ਨੂੰ ਰਾਜਨੀਤੀ ਵਿੱਚ ਲਿਆਂਦਾ ਸੀ। ਰਾਜਨੀਤੀ ਵਿੱਚ ਆਉਣ ਤੋਂ ਪਹਿਲਾਂ ਨਿੱਕੀ ਨੇ ਕਾਰਪੋਰੇਟ ਜਗਤ ਵਿੱਚ ਨਾਮ ਕਮਾਇਆ ਸੀ। ਪਰਿਵਾਰਕ ਕੰਪਨੀਆਂ ਚਲਾਉਣ ਤੋਂ ਬਾਅਦ, ਉਹ 1998 ਵਿੱਚ ਔਰੇਂਜਬਰਗ ਕਾਉਂਟੀ ਚੈਂਬਰ ਆਫ਼ ਕਾਮਰਸ ਦੇ ਬੋਰਡ ਆਫ਼ ਡਾਇਰੈਕਟਰਜ਼ ਵਿੱਚ ਸ਼ਾਮਲ ਹੋਈ। 2004 ਵਿੱਚ ਨੈਸ਼ਨਲ ਐਸੋਸੀਏਸ਼ਨ ਆਫ ਵੂਮੈਨ ਬਿਜ਼ਨਸ ਆਨਰ ਦੀ ਪ੍ਰਧਾਨ ਬਣੀ।
ਇਹ ਵੀ ਪੜ੍ਹੋ: Facebook Blue Badge: ਟਵਿਟਰ ਦੇ ਰਾਹ 'ਤੇ ਚੱਲਿਆ ਫੇਸਬੁੱਕ, ਯੂਜ਼ਰਸ ਨੂੰ ਬਲੂ ਟਿਕ ਲਈ ਦੇਣੇ ਪੈਣਗੇ ਪੈਸੇ