Salsa Satellite: ਯੂਰਪੀਅਨ ਸਪੇਸ ਏਜੰਸੀ (ਈਐਸਏ) ਦਾ ਇੱਕ ਪੁਰਾਣਾ ਉਪਗ੍ਰਹਿ ਧਰਤੀ ਵੱਲ ਵਧ ਰਿਹਾ ਹੈ। ਇਸ ਪੁਰਾਣੇ ਉਪਗ੍ਰਹਿ ਦਾ ਧਰਤੀ ਦੇ ਵਾਯੂਮੰਡਲ ਵਿੱਚ ਮੁੜ ਪ੍ਰਵੇਸ਼ 8 ਸਤੰਬਰ, 2024 ਨੂੰ ਹੋਵੇਗਾ। ਇਹ ਉਪਗ੍ਰਹਿ ਧਰਤੀ ਦੇ ਵਾਯੂਮੰਡਲ ਵਿੱਚ ਦਾਖਲ ਹੁੰਦੇ ਹੀ ਸੜਨਾ ਸ਼ੁਰੂ ਹੋ ਜਾਵੇਗਾ। ਇਸ ਕਾਰਨ ਪੁਲਾੜ ਏਜੰਸੀ ਇਸ ਨੂੰ ਨਿਯੰਤਰਿਤ ਤਰੀਕੇ ਨਾਲ ਸੁੱਟਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਤਾਂ ਜੋ ਇਸ ਕਾਰਨ ਪੁਲਾੜ ਵਿੱਚ ਕਚਰਾ ਨਾ ਫੈਲ ਸਕੇ। ਯੂਰਪੀਅਨ ਸਪੇਸ ਏਜੰਸੀ ਇਸ ਉਪਗ੍ਰਹਿ ਨੂੰ ਦੱਖਣੀ ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਡੇਗਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਜੇਕਰ ਸਭ ਕੁਝ ਠੀਕ ਰਿਹਾ ਤਾਂ ਇਹ ਉਪਗ੍ਰਹਿ ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਡਿੱਗ ਜਾਵੇਗਾ। ਸਾਲਸਾ ਉਪਗ੍ਰਹਿ ਲਗਭਗ 1.30 ਲੱਖ ਕਿਲੋਮੀਟਰ ਦੀ ਦੂਰੀ ਤੈਅ ਕਰਨ ਤੋਂ ਬਾਅਦ ਧਰਤੀ 'ਤੇ ਪਹੁੰਚੇਗਾ। ਪਿਛਲੇ ਸਾਲ ਵੀ ਇਸੇ ਏਜੰਸੀ ਨੇ Aeolus ਵੈਦਰ ਸੈਟੇਲਾਈਟ ਨੂੰ ਨਿਯੰਤਰਿਤ ਤਰੀਕੇ ਨਾਲ ਧਰਤੀ 'ਤੇ ਡੇਗਿਆ ਸੀ। ਇੱਕ ਨਿਯੰਤਰਿਤ ਤਰੀਕੇ ਨਾਲ ਧਰਤੀ 'ਤੇ ਉਪਗ੍ਰਹਿ ਲਿਆਉਣ ਦੀ ਪ੍ਰਕਿਰਿਆ ਨੂੰ ਗਾਈਡਡ ਰੀ-ਐਂਟਰੀ ਕਹਿੰਦੇ ਹਨ, ਤਾਂ ਜੋ ਇਹ ਆਬਾਦੀ ਵਾਲੇ ਖੇਤਰਾਂ 'ਤੇ ਨਾ ਡਿੱਗੇ।
ਚਾਰ ਸੈਟੇਲਾਈਟਸ ਇੱਕੋ ਸਮੇਂ ਪੁਲਾੜ ਵਿੱਚ ਭੇਜੇ ਗਏ ਸਨ
ਯੂਰਪੀਅਨ ਸਪੇਸ ਏਜੰਸੀ ਨੇ 2000 ਤੋਂ ਹੁਣ ਤੱਕ ਚਾਰ ਇੱਕੋ ਜਿਹੇ ਸੈਟੇਲਾਈਟਸ ਪੁਲਾੜ ਵਿੱਚ ਭੇਜੇ ਹਨ। ਇਨ੍ਹਾਂ ਦੇ ਨਾਂ ਸਾਲਸਾ, ਰੰਬਾ, ਟੈਂਗੋ ਅਤੇ ਸਾਂਬਾ ਹਨ। ਇਹ ਨਾਂ ਡਾਂਸ ਫਾਰਮ 'ਤੇ ਰੱਖੇ ਗਏ ਸਨ। ਇਨ੍ਹਾਂ ਉਪਗ੍ਰਹਿਆਂ ਦਾ ਕੰਮ ਧਰਤੀ ਦੇ ਮੈਗਨੇਟਿਕ ਫੀਲਡ ਤੇ ਨਜ਼ਰ ਰੱਖਣਾ ਸੀ। ਪੁਲਾੜ ਵਿੱਚ ਇਨ੍ਹਾਂ ਚਾਰਾਂ ਦਾ ਇੱਕ ਕਲਸਟਰ ਬਣਿਆ ਸੀ।
ਅਜੇ ਵੀ ਭੇਜ ਰਹੇ ਸਨ ਡਾਟਾ
ਇਨ੍ਹਾਂ ਕਲੱਸਟਰਾਂ ਦੀ ਉਮਰ 2 ਸਾਲ ਸੀ, ਪਰ ਸੈਟੇਲਾਈਟ (ਸਾਲਸਾ ਨੂੰ ਛੱਡ ਕੇ) ਅਜੇ ਵੀ ਕੰਮ ਕਰ ਰਹੇ ਹਨ। ਇਨ੍ਹਾਂ ਚਾਰਾਂ ਨੇ ਕਰੀਬ 24 ਸਾਲਾਂ ਤਕ ਡਾਟਾ ਭੇਜਿਆ। ਪੁਲਾੜ ਏਜੰਸੀ ਨੇ ਅਧਿਕਾਰਤ ਤੌਰ 'ਤੇ ਚਾਰ ਸੈਟੇਲਾਈਟ ਕਲੱਸਟਰਾਂ ਨੂੰ 2002 ਵਿੱਚ ਰਿਟਾਇਰ ਘੋਸ਼ਿਤ ਕੀਤਾ। ਇਸ ਤੋਂ ਬਾਅਦ ਚਾਰਾਂ ਨੂੰ ਪੁਲਾੜ ਵਿੱਚ ਘੁੰਮਣ ਲਈ ਛੱਡ ਦਿੱਤਾ ਗਿਆ। ਤੁਹਾਨੂੰ ਦੱਸ ਦੇਈਏ ਕਿ ਈਐਸਏ ਨੇ ਸਪੇਸ ਵਿੱਚ ਕਚਰੇ ਦੀ ਵਧਦੀ ਮਾਤਰਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸਾਲਸਾ ਦੀ ਗਾਈਡਡ ਰੀ-ਐਂਟਰੀ ਕਰਵਾਉਣ ਦੀ ਯੋਜਨਾ ਬਣਾਈ ਸੀ।