ਸੰਯੁਕਤ ਰਾਸ਼ਟਰ ਦੀ ਵਰਲਡ ਹੈਪੀਨੈਸ ਰਿਪੋਰਟ 2023 ਨੇ ਖੁਲਾਸਾ ਕੀਤਾ ਹੈ ਕਿ ਫਿਨਲੈਂਡ 'ਚ ਰਹਿਣ ਵਾਲੇ ਲੋਕ ਸਭ ਤੋਂ ਖੁਸ਼ ਹਨ। ਖ਼ਾਸ ਗੱਲ ਇਹ ਹੈ ਕਿ ਪਿਛਲੇ 6 ਸਾਲਾਂ ਤੋਂ ਫਿਨਲੈਂਡ ਸਭ ਤੋਂ ਖੁਸ਼ਹਾਲ ਦੇਸ਼ ਹੈ। 2023 ਦੀ ਹੈਪੀਨੈਸ ਰਿਪੋਰਟ 'ਚ ਵੀ ਫਿਨਲੈਂਡ ਨੇ ਇਸ ਸੂਚੀ 'ਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਇਸ ਤੋਂ ਪਤਾ ਲੱਗਦਾ ਹੈ ਕਿ ਉੱਥੇ ਰਹਿਣ ਵਾਲੇ ਲੋਕ ਆਪਣੀ ਜ਼ਿੰਦਗੀ ਤੋਂ ਸੰਤੁਸ਼ਟ ਹਨ। ਪਰ ਸਵਾਲ ਇਹ ਹੈ ਕਿ ਇਹ ਕਿਵੇਂ ਜਾਣਿਆ ਜਾਵੇ ਕਿ ਕੋਈ ਖੁਸ਼ ਹੈ ਜਾਂ ਨਹੀਂ?
ਇਸ ਤੋਂ ਇਲਾਵਾ ਅਕਸਰ ਕਿਹਾ ਜਾਂਦਾ ਹੈ ਕਿ ਖੁਸ਼ੀ ਦਾ ਕੋਈ ਮਾਪਦੰਡ ਨਹੀਂ ਹੁੰਦਾ ਹੈ ਅਤੇ ਖੁਸ਼ੀ ਨੂੰ ਕਿਸੇ ਕ੍ਰਾਈਟੇਰੀਆ 'ਚ ਨਹੀਂ ਬੰਨ੍ਹਿਆ ਜਾ ਸਕਦਾ। ਤਾਂ ਆਓ ਅੱਜ ਜਾਣਦੇ ਹਾਂ ਕਿ ਉੱਥੇ ਦੇ ਲੋਕ ਖੁਸ਼ ਹਨ ਜਾਂ ਨਹੀਂ ਅਤੇ ਇਸ ਨਾਲ ਅਸੀਂ ਜਾਣਦੇ ਹਾਂ ਕਿ ਕੀ ਸੱਚਮੁੱਚ ਕਿਸੇ ਦੀ ਖੁਸ਼ੀ ਲਈ ਕੋਈ ਪੈਮਾਨਾ ਤੈਅ ਜਾਂ ਮਾਪਿਆ ਜਾ ਸਕਦਾ ਹੈ।
ਤੁਸੀਂ ਕਿਵੇਂ ਜਾਣਦੇ ਹੋ ਕਿ ਕਿਹੜਾ ਦੇਸ਼ ਇੰਨਾ ਖੁਸ਼ ਹੈ?
ਜਦੋਂ ਵੀ ਹੈਪੀਨੈੱਸ ਇੰਡੈਕਸ ਦੀ ਰਿਪੋਰਟ ਬਣਦੀ ਹੈ ਤਾਂ ਉਸ ਸਮੇਂ ਉੱਥੇ ਦੇ ਲੋਕਾਂ ਤੋਂ ਪੁੱਛਿਆ ਜਾਂਦਾ ਹੈ ਕਿ ਉਹ ਕਿੰਨੇ ਖੁਸ਼ ਹਨ? ਉਨ੍ਹਾਂ ਦੇ ਜੀਵਨ ਨਾਲ ਜੁੜੇ ਕੁਝ ਸਵਾਲਾਂ ਲਈ ਰੇਟਿੰਗਾਂ ਲਈਆਂ ਜਾਂਦੀਆਂ ਹਨ ਅਤੇ ਉਨ੍ਹਾਂ ਰੇਟਿੰਗਾਂ ਰਾਹੀਂ ਇਸ ਦਾ ਅੰਦਾਜ਼ਾ ਲਗਾਇਆ ਜਾਂਦਾ ਹੈ। ਇਹ ਇੱਕ ਸਰਵੇਖਣ 'ਤੇ ਨਿਰਭਰ ਕਰਦਾ ਹੈ ਅਤੇ ਉੱਥੇ ਦੇ ਲੋਕਾਂ ਦੀ ਖੁਸ਼ੀ, ਵਿਵਹਾਰ ਆਦਿ ਰਾਹੀਂ ਅੰਦਾਜ਼ਾ ਲਗਾਇਆ ਜਾਂਦਾ ਹੈ ਕਿ ਉਹ ਕਿੰਨੇ ਖੁਸ਼ ਹਨ। ਲੋਕਾਂ ਦੀ ਰਾਇ ਦੇ ਆਧਾਰ 'ਤੇ ਇਹ ਜਾਣਨ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ ਕਿ ਕਿਸ ਦੇਸ਼ 'ਚ ਕਿੰਨੀ ਖੁਸ਼ਹਾਲੀ ਹੈ?
ਕੀ ਖੁਸ਼ੀ ਨੂੰ ਮਾਪਿਆ ਜਾ ਸਕਦਾ ਹੈ?
ਅਸਲ 'ਚ ਖੁਸ਼ੀ ਇੱਕ ਅਜਿਹੀ ਚੀਜ਼ ਹੈ, ਜਿਸ ਦਾ ਪੈਮਾਨਾ ਨਹੀਂ ਮੰਨਿਆ ਜਾਂਦਾ। ਦਰਅਸਲ, ਜੇਕਰ ਕਿਸੇ ਬੱਚੇ ਨੂੰ ਟੈਡੀ ਬੀਅਰ ਮਿਲ ਜਾਵੇ ਤਾਂ ਉਹ ਖੁਸ਼ ਹੋ ਜਾਂਦਾ ਹੈ। ਕਿਸੇ ਨੂੰ ਪੈਸੇ ਨਾਲ ਅਤੇ ਕੁਝ ਨੂੰ ਕਿਤੇ ਘੁੰਮਣ ਤੋਂ ਖੁਸ਼ੀ ਮਿਲਦੀ ਹੈ। ਕੋਈ ਕੁਝ ਖਾ ਕੇ, ਕੋਈ ਪੋਸਟ ਪਾ ਕੇ ਜਾਂ ਕਿਸੇ ਨਾਲ ਵਿਆਹ ਕਰਵਾ ਕੇ। ਅਜਿਹੀ ਸਥਿਤੀ 'ਚ ਖੁਸ਼ੀ ਦੇ ਕਈ ਮਤਲਬ ਹਨ ਅਤੇ ਇਸ ਦਾ ਪੈਮਾਨਾ ਤੈਅ ਨਹੀਂ ਕੀਤਾ ਜਾ ਸਕਦਾ। ਜੇਕਰ ਖੁਸ਼ੀ ਨੂੰ ਮਾਪਣ ਦੀ ਗੱਲ ਕਰੀਏ ਤਾਂ ਇਸ ਨੂੰ ਮਾਪਿਆ ਜਾ ਸਕਦਾ ਹੈ, ਪਰ ਇਸ ਦਾ ਪਤਾ ਸਿਰਫ਼ ਉਹੀ ਵਿਅਕਤੀ ਹੀ ਲਗਾ ਸਕਦਾ ਹੈ। ਉਹ ਆਪਣੀ ਖੁਸ਼ੀ ਦਾ ਅੰਦਾਜ਼ਾ ਲਗਾ ਸਕਦਾ ਹੈ ਕਿ ਉਹ ਕਿਸੇ ਨਾਲ ਖੁਸ਼ ਹੈ ਜਾਂ ਨਹੀਂ।
ਜੇਕਰ ਅਸੀਂ ਵਿਗਿਆਨ ਦੇ ਅਨੁਸਾਰ ਵੇਖੀਏ ਤਾਂ ਕਿਸੇ ਦੀ ਖੁਸ਼ੀ ਦਾ ਪੈਮਾਨਾ ਤੈਅ ਨਹੀਂ ਕੀਤਾ ਜਾ ਸਕਦਾ, ਪਰ ਕੁਝ ਮਨੋਵਿਗਿਆਨਕ ਮੇਜਰਸ ਜ਼ਰੀਏ ਖੁਸ਼ੀ ਦਾ ਪਤਾ ਲਗਾਇਆ ਜਾ ਸਕਦਾ ਹੈ। ਵਿਗਿਆਨਕ ਤਰੀਕਿਆਂ 'ਚ ਖੁਸ਼ੀ ਦਾ ਪਤਾ ਇਲੈਕਟ੍ਰੋਐਂਸੈਫਲੋਗ੍ਰਾਫੀ (EEG), ਫੰਕਸ਼ਨਲ ਮੈਗਨੈਟਿਕ ਰੈਜ਼ੋਨੈਂਸ ਇਮੇਜਿੰਗ (FMRI) ਅਤੇ ਹਾਰਟ ਰੇਟ ਵੈਰੀਬਿਲਟੀ (HRV) ਰਾਹੀਂ ਪਤਾ ਲਗਾਇਆ ਜਾ ਸਕਦਾ ਹੈ।