Best Mileage Cars: ਚੰਗੀ ਮਾਈਲੇਜ ਵਾਲੀ ਖ਼ਰੀਦਣਾ ਚਾਹੁੰਦੇ ਹੋ ਕਾਰ ਤਾਂ ਇਨ੍ਹਾਂ 5 ਮਾਡਲਾਂ 'ਤੇ ਕਰੋ ਗ਼ੌਰ

ਹੌਂਡਾ ਸਿਟੀ ਹਾਈਬ੍ਰਿਡ, ਇਸ ਸੇਡਾਨ ਨੂੰ ਇੱਕ 1.5-ਲੀਟਰ ਪੈਟਰੋਲ ਯੂਨਿਟ (98PS/127Nm) ਇੱਕ ਇਲੈਕਟ੍ਰਿਕ ਮੋਟਰ ਨਾਲ ਜੋੜਿਆ ਗਿਆ ਹੈ, ਜੋ ਕਿ ਇੰਜਣ ਦੇ ਨਾਲ ਮਿਲ ਕੇ 126PS/253Nm ਦਾ ਆਉਟਪੁੱਟ ਪੈਦਾ ਕਰਦੀ ਹੈ। ਇਸ ਵਿੱਚ E-CVT ਆਟੋਮੈਟਿਕ ਗਿਅਰਬਾਕਸ ਹੈ। ਇਸ ਦੀ ਮਾਈਲੇਜ 27.13kmpl ਹੈ। ਇਸ ਦੀ ਪਾਵਰਟ੍ਰੇਨ ਨੂੰ ਨਵੇਂ RDE ਮਾਪਦੰਡਾਂ ਨੂੰ ਪੂਰਾ ਕਰਨ ਲਈ ਅਪਡੇਟ ਕੀਤਾ ਗਿਆ ਹੈ।

ਮਾਰੂਤੀ ਸੁਜ਼ੂਕੀ ਸੇਲੇਰੀਓ ਕੋਲ ਦੋ ਪਾਵਰਟ੍ਰੇਨ ਵਿਕਲਪ ਹਨ, ਜਿਸ ਵਿੱਚ 67PS/89Nm 1-ਲੀਟਰ ਡੁਅਲਜੈੱਟ ਪੈਟਰੋਲ ਅਤੇ 56PS/82Nm 1-ਲੀਟਰ CNG ਸ਼ਾਮਲ ਹਨ। ਟ੍ਰਾਂਸਮਿਸ਼ਨ ਵਿਕਲਪਾਂ ਵਿੱਚ ਇੱਕ ਮਿਆਰੀ 5-ਸਪੀਡ ਮੈਨੂਅਲ ਅਤੇ ਇੱਕ ਵਿਕਲਪਿਕ AMT ਸ਼ਾਮਲ ਹੁੰਦਾ ਹੈ। ਇਹ ਪੈਟਰੋਲ ਨਾਲ 26.68 ਕਿਲੋਮੀਟਰ ਪ੍ਰਤੀ ਲੀਟਰ ਅਤੇ ਸੀਐਨਜੀ ਨਾਲ 35.50 ਕਿਲੋਮੀਟਰ ਪ੍ਰਤੀ ਕਿਲੋਗ੍ਰਾਮ ਦੀ ਮਾਈਲੇਜ ਦਿੰਦੀ ਹੈ।

ਮਾਰੂਤੀ ਵੈਗਨ ਆਰ ਵਿੱਚ ਇੱਕ 998cc ਅਤੇ ਇੱਕ 1197cc ਇੰਜਣ ਹੈ, ਛੋਟਾ ਇੰਜਣ 5300rpm 'ਤੇ 55.92bhp ਦੀ ਵੱਧ ਤੋਂ ਵੱਧ ਪਾਵਰ ਪੈਦਾ ਕਰਦਾ ਹੈ। ਪੈਟਰੋਲ ਅਤੇ CNG ਦੋਵਾਂ ਵਿਕਲਪਾਂ ਨਾਲ ਉਪਲਬਧ ਹੈ। ਇਸ ਵਿੱਚ ਮੈਨੂਅਲ ਅਤੇ ਆਟੋਮੈਟਿਕ ਟਰਾਂਸਮਿਸ਼ਨ ਦੋਨੋਂ ਵਿਕਲਪ ਉਪਲਬਧ ਹਨ। ਇਹ ਪੈਟਰੋਲ ਨਾਲ 25.4 ਕਿਲੋਮੀਟਰ ਪ੍ਰਤੀ ਲੀਟਰ ਅਤੇ ਸੀਐਨਜੀ ਨਾਲ 34.73 ਕਿਲੋਮੀਟਰ ਪ੍ਰਤੀ ਕਿਲੋਗ੍ਰਾਮ ਦੀ ਮਾਈਲੇਜ ਦਿੰਦੀ ਹੈ।

ਮਾਰੂਤੀ S-Presso 1.0-ਲੀਟਰ K10B BS6-ਪੈਟਰੋਲ ਇੰਜਣ ਨਾਲ ਲੈਸ ਹੈ, ਜੋ 68PS ਦੀ ਪਾਵਰ ਜਨਰੇਟ ਕਰਦਾ ਹੈ। CNG ਦੇ ਨਾਲ, ਇਹ ਇੰਜਣ 57PS ਅਤੇ 82Nm ਆਉਟਪੁੱਟ ਜਨਰੇਟ ਕਰਦਾ ਹੈ। ਨਵੇਂ 1-ਲੀਟਰ, ਡਿਊਲ ਜੈਟ ਪੈਟਰੋਲ ਇੰਜਣ ਦੇ ਨਾਲ ਇੱਕ CNG ਕਿੱਟ ਵੀ ਪੇਸ਼ ਕੀਤੀ ਗਈ ਹੈ। CNG S-Presso ਨੂੰ ਸਿਰਫ 5-ਸਪੀਡ ਮੈਨੂਅਲ ਟ੍ਰਾਂਸਮਿਸ਼ਨ ਮਿਲਦਾ ਹੈ, ਸਿਰਫ ਪੈਟਰੋਲ ਮਾਡਲ ਨੂੰ AMT ਦਾ ਵਿਕਲਪ ਮਿਲਦਾ ਹੈ। CNG S-Presso 32.73 km/gram ਦੀ ਮਾਈਲੇਜ ਦਿੰਦਾ ਹੈ ਅਤੇ ਪੈਟਰੋਲ ਮਾਡਲ 21.7 km/liter ਦੀ ਮਾਈਲੇਜ ਦਿੰਦੀ ਹੈ।

ਮਾਰੂਤੀ ਆਲਟੋ K10 ਇੱਕ 67PS/89Nm 1-ਲੀਟਰ ਡਿਊਲਜੈੱਟ ਪੈਟਰੋਲ ਇੰਜਣ ਦੁਆਰਾ ਸੰਚਾਲਿਤ ਹੈ, ਜਿਸ ਵਿੱਚ 5-ਸਪੀਡ ਮੈਨੂਅਲ ਅਤੇ 5-ਸਪੀਡ AMT ਦੀ ਚੋਣ ਹੈ। ਇਹ ਮੈਨੂਅਲ ਨਾਲ 24.39 ਕਿਲੋਮੀਟਰ ਪ੍ਰਤੀ ਲੀਟਰ, AMT ਨਾਲ 24.90 ਕਿਲੋਮੀਟਰ ਪ੍ਰਤੀ ਲੀਟਰ ਅਤੇ CNG ਨਾਲ 33.85 ਕਿਲੋਮੀਟਰ ਪ੍ਰਤੀ ਕਿਲੋਗ੍ਰਾਮ ਦੀ ਮਾਈਲੇਜ ਦਿੰਦੀ ਹੈ।