ਬੇਟੀ ਵਾਮਿਕਾ ਨਾਲ ਏਅਰਪੋਰਟ 'ਤੇ ਨਜ਼ਰ ਆਏ ਅਨੁਸ਼ਕਾ-ਵਿਰਾਟ, ਦੇਖੋ ਤਸਵੀਰਾਂ

ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਤੇ ਇੰਡੀਅਨ ਕ੍ਰਿਕੇਟਰ ਵਿਰਾਟ ਕੋਹਲੀ ਦੀ ਇੱਕ ਤਸਵੀਰ ਸੋਸ਼ਲ ਮੀਡੀਆ 'ਤੇ ਕਾਫੀ  ਵਾਇਰਲ ਹੋ ਰਹੀ ਹੈ। ਹਾਲ ਹੀ 'ਚ ਇਸ ਕੱਪਲ ਨੂੰ ਏਅਰਪੋਰਟ 'ਤੇ ਸਪਾਟ ਕੀਤਾ ਗਿਆ। ਕਿਸੇ ਫੈਨ ਵੱਲੋਂ ਖਿੱਚੀਆਂ ਗਈਆਂ ਇਨ੍ਹਾਂ ਤਸਵੀਰਾਂ 'ਚ ਅਨੁਸ਼ਕਾ ਆਪਣੀ ਬੇਟੀ ਵਾਮਿਕਾ ਨੂੰ ਆਪਣੀ ਗੋਦ 'ਤੇ ਉਠਾਈ ਦਿਖਾਈ ਦੇ ਰਹੀ ਹੈ ਤੇ ਵਾਮਿਕਾ ਦੇ ਪਿਤਾ ਵਿਰਾਟ ਕੋਹਲੀ ਪਿੱਛੇ ਪਿੱਛੇ ਬੈਗ ਲੈ ਕੇ ਚੱਲ ਰਹੇ ਹਨ।

ਇਸ ਕਪਲ ਦੀ ਸਿੰਪਲੀਸਿਟੀ ਨੂੰ ਵੇਖ ਕੇ ਫੈਨਜ਼ ਬਹੁਤ ਖੁਸ਼ ਹੋ ਰਹੇ ਹਨ ਅਤੇ ਉਨ੍ਹਾਂ ਦੀ ਤਾਰੀਫ ਕਰ ਰਹੇ ਹਨ। ਜਿਵੇਂ ਹੀ ਇਹ ਤਸਵੀਰਾਂ ਇੰਟਰਨੈੱਟ 'ਤੇ ਵਾਇਰਲ ਹੋਈਆਂ ਫੈਨਜ਼ ਨੇ ਸੋਸ਼ਲ ਮੀਡੀਆ ‘ਤੇ ਕੋਮੈਂਟ ਕਰਨੇ ਸ਼ੁਰੂ ਕਰ ਦਿੱਤੇ। ਬਹੁਤ ਸਾਰੇ ਫੈਨਜ਼ ਨੇ ਵਿਰਾਟ ਨੂੰ ਇੰਨੇ ਬੈਗ ਲੈ ਕੇ ਪਿੱਛੇ-ਪਿੱਛੇ ਆਉਂਦੇ ਦੀ ਚੁਟਕੀ ਵੀ ਲਈ।

ਕਿਸੇ ਇਕ ਯੂਜ਼ਰ ਨੇ ਲਿਖਿਆ- 'Life of a typical dad!'..ਅਨੁਸ਼ਕਾ ਸ਼ਰਮਾ ਨੂੰ ਬਿਨਾਂ ਕਿਸੇ ਨੈਨੀ ਜਾਂ ਮਦਦ ਦੇ ਆਪਣੀ ਬੇਟੀ ਨਾਲ ਇਸ ਤਰ੍ਹਾਂ ਦੇਖ ਕੇ ਲੋਕ ਕਾਫ਼ੀ ਹੈਰਾਨ ਹੋਏ ਤੇ ਖੁਸ਼ ਵੀ। ਇਸ ਸਾਲ 11 ਜਨਵਰੀ ਨੂੰ ਵਿਰਾਟ ਅਤੇ ਅਨੁਸ਼ਕਾ ਦੇ ਘਰ ਇੱਕ ਛੋਟੀ ਜੀ ਨੰਨ੍ਹੀ ਪਰੀ ਆਈ ਜਿਸ ਦਾ ਨਾਮ ਉਨ੍ਹਾਂ ਨੇ ਵਾਮਿਕਾ ਰੱਖਿਆ।

ਬੇਟੀ ਦੇ ਜਨਮ ਦੇ ਬਾਅਦ ਹੀ ਵਿਰਾਟ ਕੋਹਲੀ ਅਤੇ ਅਨੁਸ਼ਕਾ ਨੇ ਮੁੰਬਈ ਦੇ ਪੈਪਰਾਜ਼ੀ ਨੂੰ ਰਿਕੁਐਸਟ ਕੀਤੀ ਸੀ ਕਿ ਉਹ ਆਪਣੀ ਪਰਸਨਲ ਲਾਈਫ ਨੂੰ ਪ੍ਰਾਈਵੇਟ ਰੱਖਣਾ ਚਾਹੁੰਦੇ ਹਨ, ਉਨ੍ਹਾਂ ਦੀ ਪ੍ਰਾਈਵਸੀ ਦਾ ਸਨਮਾਨ ਕੀਤਾ ਜਾਏ ਤੇ ਉਨ੍ਹਾਂ ਦੀ ਬੇਟੀ ਦੀ ਫੋਟੋ ਕਲਿੱਕ ਨਾ ਕੀਤੀ ਜਾਏ।

ਹਾਲਾਂਕਿ, ਪੈਪਰਾਜ਼ੀ ਨੇ ਵੀ ਇਸ ਕਪਲ ਦੀ ਰਿਕੁਐਸਟ ਦਾ ਸਨਮਾਨ ਕੀਤਾ, ਜਿਸ ਦਾ ਨਤੀਜਾ ਇਹੀ ਹੈ ਕਿ ਹੁਣ ਤਕ ਵਾਮਿਕਾ ਦੀ ਇੱਕ ਵੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਨਹੀਂ ਹੈ। ਏਅਰਪੋਰਟ ਦੀਆਂ ਇਹ ਫੋਟੋਆਂ ਵੀ ਕਿਸੇ ਫੈਨ ਵੱਲੋਂ ਖਿੱਚੀਆਂ ਗਈਆਂ ਹਨ।