Raj Babbar: ਕਦੇ ਰੇਖਾ ਨਾਲ ਚੱਕਰ, ਤਾਂ ਕਦੇ ਸਮਿਤਾ ਪਾਟਿਲ ਨਾਲ ਲਿਵ ਇਨ ਰਿਲੇਸ਼ਨ, ਰਾਜ ਬੱਬਰ ਦੀ ਜ਼ਿੰਦਗੀ ਦੀ ਫਿਲਮੀ ਕਹਾਣੀ

ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਰਹਿ ਚੁੱਕੇ ਰਾਜ ਬੱਬਰ ਇਨ੍ਹੀਂ ਦਿਨੀਂ ਇੰਡਸਟਰੀ ਤੋਂ ਦੂਰ ਰਾਜਨੀਤੀ ਵਿੱਚ ਆਪਣੀ ਕਿਸਮਤ ਚਮਕਾ ਰਹੇ ਹਨ। ਆਪਣੇ ਫਿਲਮੀ ਕਰੀਅਰ ਦੌਰਾਨ, ਅਭਿਨੇਤਾ ਨਾ ਸਿਰਫ ਆਪਣੀਆਂ ਫਿਲਮਾਂ ਬਲਕਿ ਆਪਣੀ ਨਿੱਜੀ ਜ਼ਿੰਦਗੀ ਲਈ ਵੀ ਕਾਫੀ ਸੁਰਖੀਆਂ ਵਿੱਚ ਰਹੇ ਹਨ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੀ ਜ਼ਿੰਦਗੀ ਦੇ ਉਸ ਪਹਿਲੂ ਤੋਂ ਜਾਣੂ ਕਰਵਾ ਰਹੇ ਹਾਂ। ਜੋ ਸ਼ਾਇਦ ਤੁਸੀਂ ਪਹਿਲਾਂ ਕਦੇ ਨਹੀਂ ਸੁਣਿਆ ਹੋਵੇਗਾ..

ਰਾਜ ਬੱਬਰ ਨੇ ਆਪਣੇ ਲੰਬੇ ਕਰੀਅਰ ਵਿੱਚ ਹਿੰਦੀ ਸਿਨੇਮਾ ਨੂੰ ਕਈ ਸੁਪਰਹਿੱਟ ਅਤੇ ਯਾਦਗਾਰ ਫਿਲਮਾਂ ਦਿੱਤੀਆਂ ਹਨ। ਖੂਬਸੂਰਤ ਅਭਿਨੇਤਰੀ ਸਮਿਤਾ ਪਾਟਿਲ ਨਾਲ ਉਨ੍ਹਾਂ ਦੀ ਜੋੜੀ ਪ੍ਰਸ਼ੰਸਕਾਂ ਨੂੰ ਸਭ ਤੋਂ ਵੱਧ ਪਸੰਦ ਹੈ। ਇਕੱਠੇ ਕੰਮ ਕਰਦੇ ਹੋਏ ਰਾਜ ਬੱਬਰ ਨੂੰ ਵੀ ਸਮਿਤਾ ਦੀ ਖੂਬਸੂਰਤੀ ਨਾਲ ਪਿਆਰ ਹੋ ਗਿਆ ਅਤੇ ਰਾਜਨੇ ਸਮਿਤਾ ਨੂੰ ਆਪਣਾ ਦਿਲ ਦੇ ਦਿੱਤਾ।

ਪਰ ਰਾਜ ਦਾ ਪਹਿਲਾ ਵਿਆਹ ਉਨ੍ਹਾਂ ਦੇ ਪਿਆਰ ਵਿੱਚ ਰੁਕਾਵਟ ਬਣ ਗਿਆ। ਇਸ ਕਾਰਨ ਦੋਵੇਂ ਕਾਫੀ ਸਮੇਂ ਤੱਕ ਲਿਵ-ਇਨ 'ਚ ਰਹੇ, ਫਿਰ ਅਦਾਕਾਰ ਨੇ ਆਪਣੀ ਪਤਨੀ ਨੂੰ ਤਲਾਕ ਦੇ ਕੇ ਸਮਿਤਾ ਪਾਟਿਲ ਨਾਲ ਵਿਆਹ ਕਰਵਾ ਲਿਆ ਸੀ।

ਪਰ ਦੋਹਾਂ ਦੀ ਪ੍ਰੇਮ ਕਹਾਣੀ ਵਿਆਹ ਤੋਂ ਬਾਅਦ ਵੀ ਪੂਰੀ ਨਹੀਂ ਹੋ ਸਕੀ ਸੀ। ਖਬਰਾਂ ਮੁਤਾਬਕ ਸਮਿਤਾ ਪਾਟਿਲ ਨੇ ਆਪਣੇ ਪਹਿਲੇ ਬੱਚੇ ਨੂੰ ਜਨਮ ਦਿੰਦੇ ਹੋਏ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ ਸੀ।

ਸਮਿਤਾ ਦੀ ਮੌਤ ਨਾਲ ਰਾਜ ਬੱਬਰ ਪੂਰੀ ਤਰ੍ਹਾਂ ਹਿੱਲ ਗਿਆ ਸੀ। ਅਜਿਹੇ 'ਚ ਅਭਿਨੇਤਰੀ ਰੇਖਾ ਉਨ੍ਹਾਂ ਦੀ ਜ਼ਿੰਦਗੀ 'ਚ ਸਹਾਰਾ ਬਣ ਗਈ, ਜਿਸ ਨੇ ਰਾਜ ਨੂੰ ਜਿਉਣ ਦੀ ਨਵੀਂ ਉਮੀਦ ਦਿੱਤੀ। ਰਾਜ ਬੱਬਰ ਨੇ ਰੇਖਾ ਨਾਲ ਆਪਣੇ ਅਫੇਅਰ ਬਾਰੇ IBTimes ਨਾਲ ਖੁੱਲ੍ਹ ਕੇ ਗੱਲ ਕੀਤੀ।

ਅਦਾਕਾਰ ਨੇ ਕਿਹਾ ਸੀ, 'ਹਾਂ ਇਸ ਰਿਸ਼ਤੇ ਨੇ ਮੇਰੀ ਬਹੁਤ ਮਦਦ ਕੀਤੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਦਾ ਰਿਸ਼ਤਾ ਬਹੁਤ ਡੂੰਘਾ ਨਹੀਂ ਹੈ, ਪਰ ਇਹ ਦੋਸਤੀ ਤੋਂ ਵੱਧ ਹੈ।

ਟਾਈਮਜ਼ ਆਫ ਇੰਡੀਆ ਨੂੰ ਦਿੱਤੇ ਇੰਟਰਵਿਊ 'ਚ ਸਮਿਤਾ ਬਾਰੇ ਗੱਲ ਕਰਦੇ ਹੋਏ ਰਾਜ ਬੱਬਰ ਨੇ ਕਿਹਾ ਸੀ, 'ਮੈਂ ਉਸ ਦੀ ਮੌਤ ਤੋਂ ਸਦਮੇ 'ਚ ਹਾਂ। ਪਰ ਮੈਂ ਹਿੰਮਤ ਨਹੀਂ ਹਾਰੀ ਅਤੇ ਆਪਣਾ ਦਿਲ ਆਪਣੇ ਕੰਮ ਵਿਚ ਲਾਇਆ। ਹਾਲਾਂਕਿ, ਮੇਰੇ ਜ਼ਖ਼ਮਾਂ ਨੂੰ ਭਰਨ ਵਿੱਚ ਬਹੁਤ ਸਮਾਂ ਲੱਗਾ।