In Pics: ਫ਼ਿਲਮ RRR ਦੀ ਕਾਮਯਾਬੀ ਮਗਰੋਂ ਨੰਗੇ ਪੈਰੀਂ ਘੁੰਮ ਰਹੇ ਰਾਮ ਚਰਨ, ਇਹ ਹੈ ਇਸ ਪਿੱਛੇ ਕਾਰਨ

'RRR' ਅਦਾਕਾਰ ਰਾਮ ਚਰਨ ਜਿੱਥੇ ਵੀ ਜਾ ਰਹੇ ਹਨ, ਉਹ ਕਾਲੇ ਕੱਪੜੇ ਪਾ ਕੇ ਨੰਗੇ ਪੈਰੀਂ ਜਾ ਰਹੇ ਹਨ।

ਫਿਲਮ ਦੀ ਸਕਸੈਸ ਪਾਰਟੀ 'ਚ ਵੀ ਰਾਮ ਚਰਨ ਨੰਗੇ ਪੈਰ ਤੇ ਕਾਲੇ ਕੁੜਤੇ ਪਜਾਮੇ 'ਚ ਪਹੁੰਚੇ ਸਨ। ਹੁਣ ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਰਾਮ ਚਰਨ ਅਜਿਹਾ ਕਿਉਂ ਕਰ ਰਿਹਾ ਹੈ, ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ।

ਦਰਅਸਲ, ਰਾਮ ਚਰਨ ਅਯੱਪਾ ਸਵਾਮੀ ਦੇ ਸ਼ਰਧਾਲੂ ਹਨ ਤੇ ਸਾਲਾਂ ਤੋਂ ਉਨ੍ਹਾਂ ਦੀ ਸਾਧਨਾ ਕਰ ਰਹੇ ਹਨ। ਇਸ ਸਾਧਨਾ ਦੇ ਚਲਦੇ ਰਾਮ ਚਰਨ ਇਨ੍ਹੀਂ ਦਿਨੀਂ 41 ਦਿਨਾਂ ਤੋਂ ਵਰਤ ਰੱਖ ਰਹੇ ਹਨ।

ਇਸ 41 ਦਿਨਾਂ ਦੇ ਵਰਤ ਵਿੱਚ ਰਾਮ ਚਰਨ ਕੇਵਲ ਕਾਲੇ ਕੱਪੜੇ ਪਹਿਨਣਗੇ, ਨੰਗੇ ਪੈਰੀਂ ਰਹਿਣਗੇ, ਸਿਰਫ਼ ਸ਼ਾਕਾਹਾਰੀ ਭੋਜਨ ਖਾਣਗੇ ਤੇ ਜ਼ਮੀਨ 'ਤੇ ਸੌਣਗੇ। ਇੱਥੋਂ ਤੱਕ ਕਿ ਇਨ੍ਹਾਂ 41 ਦਿਨਾਂ ਵਿੱਚ ਰਾਮ ਚਰਨ ਆਪਣੇ ਵਾਲ ਵੀ ਨਹੀਂ ਕੱਟ ਸਕੇ ਤੇ ਨਾ ਹੀ ਕਟਵਾ ਸਕੇ।

41 ਦਿਨਾਂ ਦੀ ਸਾਧਨਾ ਪੂਰੀ ਹੋਣ ਤੋਂ ਬਾਅਦ ਅਭਿਨੇਤਾ ਸਬਰੀਮਾਲਾ ਮੰਦਰ ਜਾਣਗੇ ਤੇ ਰਸਮਾਂ ਨਿਭਾਉਣਗੇ। ਇਹੀ ਕਾਰਨ ਹੈ ਕਿ ਅੱਜਕਲ ਰਾਮ ਚਰਨ ਹਰ ਪਾਸੇ ਨੰਗੇ ਪੈਰੀਂ ਜਾ ਰਹੇ ਹਨ।