5ਵੇਂ ਵਿਆਹ ਮਗਰੋਂ ਘਰ ਵੇਚਣਾ ਚਾਹੁੰਦੀ ਪਾਮੇਲਾ ਐਂਡਰਸਨ, 100 ਕਰੋੜ ਤੋਂ ਵੀ ਵੱਧ ਸ਼ਾਨਦਾਰ ਘਰ ਦੀ ਕੀਮਤ

ਹਾਲੀਵੁੱਡ ਸਟਾਰ ਪਾਮੇਲਾ ਐਂਡਰਸਨ ਇਸ ਸਾਲ ਜਨਵਰੀ 'ਚ ਕਾਫ਼ੀ ਚਰਚਾ 'ਚ ਰਹੀ। ਉਸ ਨੇ ਇਸ ਸਾਲ ਦੇ ਸ਼ੁਰੂ 'ਚ 5ਵੀਂ ਵਾਰ ਵਿਆਹ ਕਰਵਾ ਲਿਆ।

ਡੇਲੀ ਮੇਲ ਨੂੰ ਦਿੱਤੀ ਇੰਟਰਵਿਊ 'ਚ, ਉਸ ਨੇ ਖੁਲਾਸਾ ਕੀਤਾ ਕਿ ਉਹ ਕ੍ਰਿਸਮਸ ਦੀ ਸ਼ਾਮ ਨੂੰ ਇੱਕ ਵੈਨਕੂਵਰ ਆਈਲੈਂਡ ਦੇ ਘਰ 'ਤੇ ਆਪਣੇ ਬਾਡੀਗਾਰਡ ਡੈਨ ਹੇਹਰਸਟ ਨਾਲ ਵਿਆਹ ਕੀਤਾ ਸੀ। ਇਹ ਘਰ ਉਸ ਦੇ ਦਾਦਾ-ਦਾਦੀ ਨੇ ਬਹੁਤ ਸਾਲ ਪਹਿਲਾਂ ਖਰੀਦਿਆ ਸੀ।

ਪਾਮੇਲਾ ਆਪਣੇ ਪਤੀ ਨੂੰ ਪਿਆਰ ਕਰਦੀ ਹੈ ਤੇ ਹੁਣ ਉਹ ਕੈਨੇਡਾ ਸ਼ਿਫਟ ਹੋਣਾ ਚਾਹੁੰਦੀ ਹੈ। ਪੀਪੂਲ ਦੀ ਰਿਪੋਰਟ ਦੇ ਅਨੁਸਾਰ, ਪਾਮੇਲਾ ਮਾਲੀਬੂ ਸ਼ਹਿਰ ਵਿੱਚ ਆਪਣਾ ਲਗਜ਼ਰੀ ਘਰ ਵੇਚਣ ਜਾ ਰਹੀ ਹੈ ਤੇ ਤੁਸੀਂ ਇਸ ਕੀਮਤ ਨੂੰ ਸੁਣਕੇ ਹੈਰਾਨ ਹੋਵੋਗੇ।

ਰਿਪੋਰਟ ਅਨੁਸਾਰ, ਪਾਮੇਲਾ ਦੇ ਮਾਲੀਬੂ ਘਰ ਨੂੰ ਅਧਿਕਾਰਤ ਤੌਰ 'ਤੇ ਸੋਮਵਾਰ ਨੂੰ ਵੇਚਿਆ ਜਾਵੇਗਾ ਤੇ ਇਸ ਦੀ ਕੀਮਤ 14.9 ਮਿਲੀਅਨ ਡਾਲਰ ਹੈ।

ਇਹ ਬਹੁਤ ਵੱਡੀ ਕੀਮਤ ਹੈ। ਜੇ ਅਸੀਂ ਇਸ ਨੂੰ ਰੁਪਈਆਂ ਵਿੱਚ ਬਦਲਦੇ ਹਾਂ, ਤਾਂ ਇਸ ਦੀ ਕੀਮਤ 100 ਕਰੋੜ ਰੁਪਏ ਤੋਂ ਵੱਧ ਹੈ। ਰਿਪੋਰਟ ਅਨੁਸਾਰ, ਇਹ ਇੱਕ ਚਾਰ-ਕਮਰਿਆਂ ਵਾਲਾ ਘਰ ਹੈ ਤੇ ਇਸ ਨੂੰ ਫਿਲਿਪ ਵ੍ਰੋਚ ਨੇ ਡਿਜ਼ਾਇਨ ਕੀਤਾ ਸੀ।

ਪਾਮੇਲਾ ਇਸ ਘਰ ਨੂੰ ਵੇਚਣਾ ਚਾਹੁੰਦੀ ਹੈ ਅਤੇ ਕੈਨੇਡਾ ਸ਼ਿਫਟ ਕਰਨਾ ਚਾਹੁੰਦੀ ਹੈ। ਉਸਦੀ ਦਾਦੀ ਦਾ ਕੈਨੇਡਾ ਵਿੱਚ ਇੱਕ ਪੁਰਾਣਾ ਘਰ ਹੈ। ਪਾਮੇਲਾ ਤੇ ਉਸ ਦਾ ਪਤੀ ਕੋਰੋਨਾ ਵਾਇਰਲ ਮਹਾਂਮਾਰੀ ਦੌਰਾਨ ਇਕੱਠੇ ਰਹੇ।

ਪਾਮੇਲਾ ਨੇ ਪੀਪੂਲ ਨੂੰ ਕਿਹਾ, ਇਹ ਸਮਾਂ ਆਪਣੀਆਂ ਜੜ੍ਹਾਂ ਵੱਲ ਪਰਤਣ ਦਾ ਹੈ। ਮੈਂ ਪਿਆਰ 'ਚ ਹਾਂ ਅਤੇ ਹਾਲ ਹੀ 'ਚ ਮੈਂ 'ਐਵਰੇਜ ਜੋ' ਨਾਲ ਵਿਆਹ ਕੀਤਾ ਹੈ। ਪਾਮੇਲਾ ਨੇ ਖੁਲਾਸਾ ਕੀਤਾ ਕਿ ਉਹ ਆਪਣਾ ਜੀਵਨ ਬਣਾ ਰਹੀ ਹੈ ਜਿੱਥੋਂ ਉਸ ਨੇ ਸ਼ੁਰੂ ਕੀਤਾ ਸੀ।