Parineeti Chopra: ਰਾਘਵ ਚੱਢਾ ਨਾਲ ਪਹਿਲੀ ਮੁਲਾਕਾਤ ਤੋਂ ਬਾਅਦ ਪਰਿਣੀਤੀ ਚੋਪੜਾ ਨੇ ਤੁਰੰਤ ਕੀਤਾ ਸੀ ਇਹ ਕੰਮ, ਅਦਾਕਾਰਾ ਨੇ ਕੀਤਾ ਖੁਲਾਸਾ
ਪਰਿਣੀਤੀ ਚੋਪੜਾ ਨੇ ਹਾਲ ਹੀ ਵਿੱਚ ਆਪਣੀ ਗਾਇਕੀ ਦੀ ਸ਼ੁਰੂਆਤ ਕੀਤੀ ਹੈ। ਅਦਾਕਾਰਾ ਨੇ ਮੁੰਬਈ ਫਿਲਮ ਫੈਸਟੀਵਲ ਵਿੱਚ ਆਪਣਾ ਪਹਿਲਾ ਲਾਈਵ ਪਰਫਾਰਮੈਂਸ ਦਿੱਤਾ ਅਤੇ ਇਸ ਦੌਰਾਨ ਗਾਇਕੀ ਵਿੱਚ ਕਰੀਅਰ ਬਣਾਉਣ ਦੀ ਗੱਲ ਕਰਦੇ ਹੋਏ ਅਦਾਕਾਰਾ ਨੇ ਸਾਰਾ ਕਰੈਡਿਟ ਰਾਘਵ ਚੱਢਾ ਨੂੰ ਦਿੱਤਾ। ਹੁਣ ਪਰਿਣੀਤੀ ਨੇ ਰਾਘਵ ਚੱਢਾ ਨਾਲ ਆਪਣੀ ਪਹਿਲੀ ਮੁਲਾਕਾਤ ਅਤੇ ਪ੍ਰੇਮ ਕਹਾਣੀ ਬਾਰੇ ਗੱਲ ਕੀਤੀ ਹੈ।
Download ABP Live App and Watch All Latest Videos
View In Appਪਰਿਣੀਤੀ ਚੋਪੜਾ ਨੇ ਆਈਸੀਸੀ ਯੰਗ ਲੀਡਰਜ਼ ਫੋਰਮ ਵਿੱਚ ਬੋਲਦੇ ਹੋਏ ਖੁਲਾਸਾ ਕੀਤਾ ਕਿ ਉਸਨੇ ਪਹਿਲੀ ਵਾਰ ਰਾਘਵ ਚੱਢਾ ਨੂੰ ਮਿਲਣ ਤੋਂ ਬਾਅਦ ਹੀ ਗੂਗਲ 'ਤੇ 'ਆਪ' ਨੇਤਾ ਦਾ ਮੈਰਿਟਲ ਸਟੇਟਸ ਚੈੱਕ ਕੀਤਾ ਸੀ, ਜਿਸ ਦਾ ਮਤਲਬ ਕਿ ਪਰਿਣੀਤੀ ਨੇ ਗੂਗਲ 'ਤੇ ਇਹ ਚੈੱਕ ਕੀਤਾ ਸੀ ਕਿ ਰਾਘਣ ਮੈਰਿਡ ਹੈ ਜਾਂ ਨਹੀਂ।
ਉਸ ਨੇ ਕਿਹਾ- 'ਮੈਨੂੰ ਯਾਦ ਹੈ, ਗਣਤੰਤਰ ਦਿਵਸ 'ਤੇ ਅਸੀਂ ਸਵੇਰੇ ਸਵੇਰੇ ਨਾਸ਼ਤੇ ਲਈ ਮਿਲੇ ਸੀ। ਮੈਂ ਸ਼ਾਇਦ ਅੱਧਾ ਘੰਟਾ ਉਸਦੇ ਨਾਲ ਬੈਠੀ ਰਹੀ ਅਤੇ ਮੈਨੂੰ ਮਹਿਸੂਸ ਹੋਇਆ ਕਿ ਇਹ ਉਹ ਆਦਮੀ ਹੈ ਜਿਸ ਨਾਲ ਮੈਂ ਵਿਆਹ ਕਰਨ ਜਾ ਰਹੀ ਹਾਂ।
ਪਰਿਣੀਤੀ ਨੇ ਅੱਗੇ ਕਿਹਾ- 'ਮੈਨੂੰ ਉਸ ਬਾਰੇ ਕੋਈ ਜਾਣਕਾਰੀ ਨਹੀਂ ਸੀ। ਮੈਨੂੰ ਨਹੀਂ ਪਤਾ ਕਿ ਉਹ ਕਿੰਨੀ ਉਮਰ ਦਾ ਸੀ, ਮੈਨੂੰ ਨਹੀਂ ਪਤਾ ਸੀ ਕਿ ਉਹ ਵਿਆਹਿਆ ਹੋਇਆ ਸੀ ਜਾਂ ਨਹੀਂ, ਕਿਉਂਕਿ ਮੈਂ ਕਦੇ ਵੀ ਰਾਜਨੀਤੀ 'ਚ ਦਿਲਚਸਪੀ ਨਹੀਂ ਲਈ ਸੀ।
ਇਸ ਲਈ ਮੈਨੂੰ ਉਸ ਬਾਰੇ ਨਿੱਜੀ ਗੱਲਾਂ ਦਾ ਪਤਾ ਨਹੀਂ ਸੀ। ਜਦੋਂ ਮੈਂ ਵਾਪਸ ਆਪਣੇ ਹੋਟਲ ਦੇ ਕਮਰੇ ਵਿੱਚ ਗਈ, ਮੈਂ ਉਸਨੂੰ ਗੂਗਲ 'ਤੇ ਖੋਜਣਾ ਸ਼ੁਰੂ ਕੀਤਾ ਜਿਵੇਂ ਕਿ 'ਰਾਘਵ ਚੱਢਾ ਦੀ ਉਮਰ, ਕੀ ਰਾਘਵ ਚੱਢਾ ਦਾ ਵਿਆਹ ਹੋ ਗਿਆ ਹੈ?'
'ਮਿਸ਼ਨ ਰਾਣੀਗੰਜ' ਦੀ ਅਦਾਕਾਰਾ ਰਾਘਵ ਚੱਢਾ ਬਾਰੇ ਅੱਗੇ ਕਹਿੰਦੀ ਹੈ, 'ਮੈਂ ਆਪਣੇ ਮਨ 'ਚ ਮਹਿਸੂਸ ਕਰ ਰਹੀ ਸੀ ਕਿ ਇਹ ਉਹ ਮੁੰਡਾ ਸੀ, ਇਹੀ ਉਹ ਆਦਮੀ ਸੀ ਜਿਸ ਦੀ ਮੈਂ ਉਡੀਕ ਕਰ ਰਹੀ ਸੀ।
ਸ਼ੁਕਰ ਹੈ ਕਿ ਉਹ ਕੁਆਰਾ ਸੀ ਅਤੇ ਸ਼ੁਕਰ ਹੈ ਕਿ ਸਭ ਕੁਝ ਠੀਕ ਹੋ ਗਿਆ ਅਤੇ ਅਸੀਂ ਗੱਲ ਕਰਨੀ ਸ਼ੁਰੂ ਕਰ ਦਿੱਤੀ।
ਤੁਹਾਨੂੰ ਦੱਸ ਦੇਈਏ ਕਿ ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ ਪਹਿਲੀ ਵਾਰ ਲੰਡਨ ਵਿੱਚ ਇੱਕ ਐਵਾਰਡ ਸਮਾਰੋਹ ਦੌਰਾਨ ਮਿਲੇ ਸਨ। ਇਸ ਤੋਂ ਬਾਅਦ ਜੋੜੇ ਨੇ ਪਿਛਲੇ ਸਾਲ ਸਤੰਬਰ ਵਿੱਚ ਇੱਕ ਦੂਜੇ ਨਾਲ ਵਿਆਹ ਕਰ ਲਿਆ।