ਜੇਕਰ ਸਫਰ ਨੂੰ ਬਣਾਉਣਾ ਚਾਹੁੰਦੇ ਹੋ ਸੁਹਾਵਣਾ ਤਾਂ ਇਨ੍ਹਾਂ ਗੱਲਾਂ ਦਾ ਰੱਖੋ ਖ਼ਾਸ ਧਿਆਨ

ਤੁਸੀਂ ਜੋ ਵੀ ਜਗ੍ਹਾ ਚੁਣੋ, ਉੱਥੇ ਮੌਸਮ ਦੇ ਅਨੁਕੂਲ ਕੱਪੜੇ ਲੈ ਕੇ ਜਾਓ ਅਤੇ ਜਾਣ ਤੋਂ ਪਹਿਲਾਂ ਤਾਪਮਾਨ ਬਾਰੇ ਪੂਰੀ ਜਾਣਕਾਰੀ ਪ੍ਰਾਪਤ ਕਰੋ।

ਘਰੋਂ ਨਿਕਲਣ ਤੋਂ ਪਹਿਲਾਂ ਸਾਰੀਆਂ ਜ਼ਰੂਰੀ ਚੀਜ਼ਾਂ ਦੀ ਚੈਕਲਿਸਟ ਬਣਾ ਲਓ ਤਾਂ ਕਿ ਕੋਈ ਵੀ ਚੀਜ਼ ਬਚੀ ਨਾ ਰਹੇ।

ਜਿਸ ਸਥਾਨ 'ਤੇ ਤੁਸੀਂ ਜਾ ਰਹੇ ਹੋ, ਉਸ ਦੇ ਹੋਟਲ ਨੰਬਰਾਂ ਦੇ ਨਾਲ, ਤੁਹਾਡੇ ਕੋਲ ਡਾਕਟਰਾਂ, ਹਸਪਤਾਲਾਂ, ਪੁਲਿਸ ਆਦਿ ਦੇ ਨੰਬਰ ਵੀ ਹੋਣੇ ਚਾਹੀਦੇ ਹਨ। ਇਨ੍ਹਾਂ ਨੰਬਰਾਂ ਬਾਰੇ ਬੱਚਿਆਂ ਨੂੰ ਵੀ ਸੂਚਿਤ ਕਰਨਾ ਜ਼ਰੂਰੀ ਹੈ।

ਯਾਤਰਾ ਦੌਰਾਨ, ਤੁਹਾਨੂੰ ਆਪਣੇ ਨਾਲ ਹਲਕਾ ਭੋਜਨ ਜਿਵੇਂ ਬਿਸਕੁਟ, ਚਿਪਸ, ਫਰੂਟ ਕੇਕ, ਪਾਣੀ ਦੀ ਬੋਤਲ ਲੈ ਕੇ ਜਾਣਾ ਚਾਹੀਦਾ ਹੈ। ਨਾਲ ਹੀ ਇਸ ਨੂੰ ਰੱਖਣ ਲਈ ਕਾਗਜ਼ ਦੀ ਪਲੇਟ ਵੀ ਲੈਣੀ ਚਾਹੀਦੀ ਹੈ।

ਆਪਣੇ ਸਾਰੇ ਜ਼ਰੂਰੀ ਕਾਗਜ਼ਾਤ ਇਕ ਬੈਗ ਵਿਚ ਰੱਖੋ, ਤਾਂ ਜੋ ਲੋੜ ਪੈਣ 'ਤੇ ਤੁਹਾਨੂੰ ਕੋਈ ਮੁਸ਼ਕਲ ਨਾ ਆਵੇ। ਆਪਣੇ ਪਾਸਪੋਰਟ, ਵੀਜ਼ਾ ਆਦਿ ਵਰਗੇ ਜ਼ਰੂਰੀ ਦਸਤਾਵੇਜ਼ ਸੁਰੱਖਿਅਤ ਰੱਖੋ। ਜ਼ਰੂਰੀ ਦਵਾਈਆਂ, ਸਨਸਕ੍ਰੀਨ, ਸੈਨੀਟਾਈਜ਼ਰ, ਤੌਲੀਆ ਵੀ ਆਪਣੇ ਬੈਗ ਵਿੱਚ ਰੱਖੋ।