ਘੱਗਰ ਨਹਿਰ ਦੇ ਅਧੂਰੇ ਪੁੱਲ ਨੂੰ ਲੈ ਕੇ ਕਿਸਾਨਾਂ ਕੀਤਾ ਮੁੱਖ ਮਾਰਗ ਜਾਮ, ਅਧਿਕਾਰੀਆਂ ਤੋਂ ਮੰਗਣਗੇ ਪੈਸੇ-ਪੈਸੇ ਦਾ ਹਿਸਾਬ 

ਲਹਿਰਾਗਾਗਾ ਸ਼ਹਿਰ ਕੋਲੋਂ ਦੀ ਲੰਘਦੀ ਘੱਗਰ ਬਰਾਂਚ ਨਹਿਰ ਦੇ ਨਵ ਨਿਰਮਾਣ ਅਧੂਰੇ ਪੁੱਲ ਨੂੰ ਲੈ ਕੇ ਅੱਜ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਬਲਾਕ ਲਹਿਰਾ ਦੇ ਕਿਸਾਨਾਂ ਨੇ ਵੱਡੀ ਗਿਣਤੀ ਵਿਚ ਇਕੱਠੇ ਹੋ ਕੇ ਨਹਿਰ 'ਤੇ ਆਵਾਜਾਈ ਰੋਕ ਕੇ ਧਰਨਾ ਦਿੱਤਾ। 

ਇਸ ਮੌਕੇ ਵੱਖ-ਵੱਖ ਕਿਸਾਨ ਆਗੂਆਂ ਨੇ ਕਿਹਾ ਕਿ ਇਸ ਪੁੱਲ ਨੂੰ ਬਣਦਿਆਂ ਬਹੁਤ ਲੰਬਾ ਸਮਾਂ ਹੋ ਗਿਆ ਹੈ ਅਤੇ ਅਜੇ ਤੱਕ ਇਸ ਦਾ ਕੰਮ ਮੁਕੰਮਲ ਨਹੀਂ ਕੀਤਾ ਗਿਆ। 

ਇਸ ਕਰਕੇ ਇਸ ਥਾਂ ਉੱਪਰ ਦੀ ਲੰਘਣ ਵਾਲੇ ਹਰ ਵਿਅਕਤੀ ਅਤੇ ਪਸ਼ੂਆਂ ਨੂੰ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। 

ਪਰ ਸਬੰਧਤ ਵਿਭਾਗ ਅਤੇ ਠੇਕੇਦਾਰ ਇਸ ਪੁੱਲ ਦੀ ਜ਼ਿਆਦਾਤਰ ਰਕਮ 'ਚ ਘਪਲਾ ਕਰ ਗਏ ਹਨ। 

ਉਨ੍ਹਾਂ ਕਿਹਾ ਕਿ ਜੇਕਰ ਸਬੰਧਤ ਵਿਭਾਗ ਨੇ ਅਜੇ ਵੀ ਆਪਣੀ ਨੀਂਦ ਤੋੜਕੇ ਇਸ ਪੁੱਲ ਦਾ ਕੰਮ ਮੁਕੰਮਲ ਨਾ ਕੀਤਾ ਤਾਂ ਸਾਡੀ ਜਥੇਬੰਦੀ ਵੱਲੋਂ ਉਨ੍ਹਾਂ ਦਾ ਘਿਰਾਓ ਕਰਕੇ ਪੈਸੇ-ਪੈਸੇ ਦਾ ਹਿਸਾਬ ਲਿਆ ਜਾਵੇਗਾ।