Asia Cup 2023: ਸ਼੍ਰੀਲੰਕਾ ਖਿਲਾਫ ਮੈਚ ਤੋਂ ਪਹਿਲਾਂ ਪਾਕਿਸਤਾਨ ਨੂੰ ਵੱਡਾ ਝਟਕਾ, ਇਹ ਸਟਾਰ ਤੇਜ਼ ਗੇਂਦਬਾਜ਼ ਏਸ਼ੀਆ ਕੱਪ ਤੋਂ ਬਾਹਰ

ਦਰਅਸਲ, ਇਸ ਮੈਚ ਦੀ ਜੇਤੂ ਟੀਮ ਫਾਈਨਲ ਵਿੱਚ ਪ੍ਰਵੇਸ਼ ਕਰੇਗੀ। ਇਸ ਅਹਿਮ ਮੈਚ ਤੋਂ ਪਹਿਲਾਂ ਪਾਕਿਸਤਾਨ ਨੂੰ ਵੱਡਾ ਝਟਕਾ ਲੱਗਾ ਹੈ।

ਪਾਕਿਸਤਾਨ ਦੇ ਸਟਾਰ ਤੇਜ਼ ਗੇਂਦਬਾਜ਼ ਨਸੀਮ ਸ਼ਾਹ ਸੱਟ ਕਾਰਨ 2023 ਏਸ਼ੀਆ ਕੱਪ ਤੋਂ ਬਾਹਰ ਹੋ ਗਏ ਹਨ। ਨਸੀਮ ਨੂੰ ਭਾਰਤ ਖਿਲਾਫ ਸੁਪਰ-4 ਮੈਚ ਦੌਰਾਨ ਸੱਟ ਲੱਗੀ ਸੀ। ਭਾਰਤ ਦੇ ਖਿਲਾਫ ਨਸੀਮ ਸ਼ਾਹ 49ਵੇਂ ਓਵਰ 'ਚ ਹੱਥ ਦੀ ਸੱਟ ਕਾਰਨ ਮੈਦਾਨ ਛੱਡ ਕੇ ਚਲੇ ਗਏ ਸੀ। ਇਸ ਤੋਂ ਬਾਅਦ ਉਹ ਬੱਲੇਬਾਜ਼ੀ ਕਰਨ ਵੀ ਨਹੀਂ ਆਏ।

ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਨਸੀਮ ਸ਼ਾਹ ਦੀ ਥਾਂ ਲੈਣ ਦਾ ਐਲਾਨ ਕੀਤਾ ਹੈ। ਨਸੀਮ ਸ਼ਾਹ ਦੀ ਥਾਂ 'ਤੇ 22 ਸਾਲਾ ਤੇਜ਼ ਗੇਂਦਬਾਜ਼ ਜ਼ਮਾਨ ਖਾਨ ਨੂੰ ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ। ਸ਼੍ਰੀਲੰਕਾ ਦੇ ਸਾਬਕਾ ਮਹਾਨ ਗੇਂਦਬਾਜ਼ ਲਸਿਥ ਮਲਿੰਗਾ ਵਾਂਗ ਐਕਸ਼ਨ ਨਾਲ ਗੇਂਦਬਾਜ਼ੀ ਕਰਨ ਵਾਲੇ ਜ਼ਮਾਨ ਖਾਨ 150 ਦੀ ਰਫਤਾਰ ਨਾਲ ਗੇਂਦਬਾਜ਼ੀ ਕਰਦੇ ਹਨ।

ਦੱਸ ਦੇਈਏ ਕਿ ਪਾਕਿਸਤਾਨ ਦੇ ਇੱਕ ਹੋਰ ਸਟਾਰ ਤੇਜ਼ ਗੇਂਦਬਾਜ਼ ਹੈਰਿਸ ਰਾਊਫ ਪੂਰੀ ਤਰ੍ਹਾਂ ਫਿੱਟ ਨਹੀਂ ਹਨ। ਉਹ ਭਾਰਤ ਦੇ ਖਿਲਾਫ ਮੈਚ 'ਚ ਵੀ ਜ਼ਖਮੀ ਹੋ ਗਿਆ ਸੀ ਅਤੇ ਰਿਜ਼ਰਵ ਡੇ 'ਤੇ ਗੇਂਦਬਾਜ਼ੀ ਨਹੀਂ ਕਰ ਸਕਿਆ ਸੀ। ਹਾਲਾਂਕਿ ਹੈਰੀਸ ਰਾਊਫ ਅਜੇ ਏਸ਼ੀਆ ਕੱਪ ਤੋਂ ਬਾਹਰ ਨਹੀਂ ਹੋਏ ਹਨ। ਫਿਲਹਾਲ ਪੀਸੀਬੀ ਦੀ ਮੈਡੀਕਲ ਟੀਮ ਉਸ 'ਤੇ ਨਜ਼ਰ ਰੱਖ ਰਹੀ ਹੈ।

ਆਗਾ ਸਲਮਾਨ ਸੋਮਵਾਰ ਨੂੰ ਭਾਰਤ ਖਿਲਾਫ ਰਵਿੰਦਰ ਜਡੇਜਾ ਦੀ ਗੇਂਦ 'ਤੇ ਬਿਨਾਂ ਹੈਲਮੇਟ ਦੇ ਬੱਲੇਬਾਜ਼ੀ ਕਰ ਰਹੇ ਸਨ। ਜਡੇਜਾ ਦੀ ਇੱਕ ਗੇਂਦ ਸਲਮਾਨ ਦੀ ਅੱਖ ਦੇ ਬਿਲਕੁਲ ਹੇਠਾਂ ਲੱਗੀ ਅਤੇ ਉਨ੍ਹਾਂ ਦੇ ਚਿਹਰੇ ਤੋਂ ਖੂਨ ਵਹਿਣ ਲੱਗਾ। ਹਾਲਾਂਕਿ ਉਸ ਸਮੇਂ ਆਗਾ ਸਲਮਾਨ ਬੱਲੇਬਾਜ਼ੀ ਕਰਦੇ ਰਹੇ ਪਰ ਮੈਚ ਤੋਂ ਬਾਅਦ ਆਗਾ ਸਲਮਾਨ ਨੂੰ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਅਤੇ ਉਹ ਟੀਮ ਨਾਲ ਹੋਟਲ ਵਾਪਸ ਨਹੀਂ ਪਰਤੇ। ਸਲਮਾਨ ਟੂਰਨਾਮੈਂਟ ਦੇ ਬਾਕੀ ਮੈਚਾਂ 'ਚ ਖੇਡਣਗੇ ਇਹ ਤੈਅ ਨਹੀਂ ਹੈ। ਸਲਮਾਨ ਦੀ ਜਗ੍ਹਾ ਅਜੇ ਤੱਕ ਕੋਈ ਬੈਕਅੱਪ ਨਹੀਂ ਬੁਲਾਇਆ ਗਿਆ ਹੈ।