IN PHOTOS: ਮਹਿਲਾ ਪ੍ਰੀਮੀਅਰ ਲੀਗ 2023 ਸੀਜ਼ਨ ਦੀ ਪਲੇਅਰ ਆਫ ਦ ਟੂਰਨਾਮੈਂਟ ਬਣ ਸਕਦੀਆਂ ਇਹ 5 ਖਿਡਾਰਨਾਂ, ਵੇਖੋ ਲਿਸਟ

ਮਾਰਿਜਨ ਕੈਪ ਮਹਿਲਾ ਪ੍ਰੀਮੀਅਰ ਲੀਗ ਵਿੱਚ ਦਿੱਲੀ ਕੈਪੀਟਲਸ ਲਈ ਖੇਡ ਰਹੀ ਹੈ। ਦਿੱਲੀ ਕੈਪੀਟਲਸ ਨੇ ਮਾਰਿਜਨ ਕੈਪ ਨੂੰ ਨਿਲਾਮੀ ਵਿੱਚ 1.5 ਕਰੋੜ ਰੁਪਏ ਵਿੱਚ ਖਰੀਦਿਆ। ਜੇਕਰ ਇਸ ਖਿਡਾਰਨ ਦੇ ਪ੍ਰਦਰਸ਼ਨ 'ਤੇ ਨਜ਼ਰ ਮਾਰੀਏ ਤਾਂ ਉਸ ਨੇ 94 ਟੀ-20 ਮੈਚਾਂ 'ਚ 1178 ਦੌੜਾਂ ਬਣਾਈਆਂ ਹਨ। ਇਸ ਤੋਂ ਇਲਾਵਾ ਗੇਂਦਬਾਜ਼ੀ 'ਚ 5.54 ਦੀ ਸ਼ਾਨਦਾਰ ਇਕਾਨਮੀ ਨਾਲ 76 ਵਿਕਟਾਂ ਲਈਆਂ ਹਨ।

ਆਸਟ੍ਰੇਲੀਆਈ ਖਿਡਾਰਨ ਏਲੀਸਾ ਹੀਲੀ ਮਹਿਲਾ ਪ੍ਰੀਮੀਅਰ ਲੀਗ ਵਿੱਚ ਯੂਪੀ ਵਾਰੀਅਰਜ਼ ਲਈ ਖੇਡ ਰਹੀ ਹੈ। ਟੀ-20 ਫਾਰਮੈਟ ਤੋਂ ਇਲਾਵਾ ਇਸ ਖਿਡਾਰਨ ਨੇ ਵਨਡੇ 'ਚ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਏਲੀਸਾ ਹੀਲੀ ਨੇ 94 ਵਨਡੇ ਮੈਚਾਂ 'ਚ 100.18 ਦੀ ਸਟ੍ਰਾਈਕ ਰੇਟ ਨਾਲ 2639 ਦੌੜਾਂ ਬਣਾਈਆਂ ਹਨ। ਜਦਕਿ 141 ਟੀ-20 ਮੈਚਾਂ 'ਚ ਉਸ ਨੇ 126.92 ਦੀ ਸਟ੍ਰਾਈਕ ਰੇਟ ਨਾਲ 2489 ਦੌੜਾਂ ਬਣਾਈਆਂ ਹਨ।

ਭਾਰਤੀ ਓਪਨਰ ਬੱਲੇਬਾਜ਼ ਸਮ੍ਰਿਤੀ ਮੰਧਾਨਾ ਨੂੰ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੇ ਨਿਲਾਮੀ ਵਿੱਚ 3.4 ਕਰੋੜ ਰੁਪਏ ਵਿੱਚ ਖਰੀਦਿਆ। ਇਸ ਖਿਡਾਰਨ ਨੇ ਆਪਣੀ ਬੱਲੇਬਾਜ਼ੀ ਨਾਲ ਕਾਫੀ ਪ੍ਰਭਾਵਿਤ ਕੀਤਾ ਹੈ। ਸਮ੍ਰਿਤੀ ਮੰਧਾਨਾ ਨੇ 116 ਟੀ-20 ਮੈਚਾਂ 'ਚ 123.87 ਦੀ ਸਟ੍ਰਾਈਕ ਰੇਟ ਨਾਲ 2802 ਦੌੜਾਂ ਬਣਾਈਆਂ ਹਨ। ਇਸ ਦੇ ਨਾਲ ਹੀ ਸਮ੍ਰਿਤੀ ਮੰਧਾਨਾ ਮਹਿਲਾ ਪ੍ਰੀਮੀਅਰ ਲੀਗ 'ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੀ ਕਪਤਾਨ ਹੈ।

ਆਸਟ੍ਰੇਲੀਆਈ ਖਿਡਾਰਨ ਐਸ਼ਲੇ ਗਾਰਡਨਰ ਮਹਿਲਾ ਪ੍ਰੀਮੀਅਰ ਲੀਗ 'ਚ ਗੁਜਰਾਤ ਜਾਇੰਟਸ ਟੀਮ ਦਾ ਹਿੱਸਾ ਹੈ। ਐਸ਼ਲੇ ਗਾਰਡਨਰ ਆਪਣੀ ਤੇਜ਼ ਬੱਲੇਬਾਜ਼ੀ ਲਈ ਮਸ਼ਹੂਰ ਹੈ। ਇਸ ਖਿਡਾਰੀ ਨੇ 73 ਟੀ-20 ਮੈਚਾਂ 'ਚ 1176 ਦੌੜਾਂ ਬਣਾਈਆਂ ਹਨ। ਜਦਕਿ ਇਸ ਤੋਂ ਇਲਾਵਾ ਉਸ ਨੇ 53 ਵਿਕਟਾਂ ਲਈਆਂ ਹਨ। ਇਹ ਖਿਡਾਰੀ ਆਪਣੀ ਬੱਲੇਬਾਜ਼ੀ ਤੋਂ ਇਲਾਵਾ ਗੇਂਦਬਾਜ਼ੀ ਨੂੰ ਵੀ ਹਿਲਾ ਸਕਦੀ ਹੈ।

ਇੰਗਲੈਂਡ ਦੀ ਖਿਡਾਰਨ ਨੈਟ ਸੀਵਰ ਬ੍ਰੰਟ ਵੂਮੈਨ ਪ੍ਰੀਮੀਅਰ ਲੀਗ ਵਿੱਚ ਮੁੰਬਈ ਇੰਡੀਅਨਜ਼ ਲਈ ਖੇਡ ਰਹੀ ਹੈ। ਨੈਟ ਸੀਵਰ ਬ੍ਰੰਟ ਨੇ 108 ਟੀ-20 ਮੈਚਾਂ 'ਚ 2175 ਦੌੜਾਂ ਬਣਾਈਆਂ ਹਨ। ਇਸ ਤੋਂ ਇਲਾਵਾ ਇੰਗਲੈਂਡ ਦੀ ਇਸ ਖਿਡਾਰਨ ਨੇ 79 ਵਿਕਟਾਂ ਲਈਆਂ ਹਨ। ਨੈਟ ਸੀਵਰ ਬ੍ਰੰਟ ਨੇ ਟੀ-20 ਮੈਚਾਂ ਵਿੱਚ 114.77 ਦੀ ਔਸਤ ਨਾਲ ਦੌੜਾਂ ਬਣਾਈਆਂ ਹਨ। ਜਦਕਿ ਇਸ ਖਿਡਾਰੀ ਨੇ ਗੇਂਦਬਾਜ਼ੀ 'ਚ 6.47 ਦੀ ਇਕਾਨਮੀ ਨਾਲ ਵਿਕਟਾਂ ਲਈਆਂ ਹਨ।