IPL 2023 Final: ਮੀਂਹ ਕਰਕੇ ਫਾਈਨਲ ਮੈਚ ਹੋਇਆ ਖ਼ਰਾਬ, ਪੜ੍ਹੋ ਕਦੋਂ ਚੇਨਈ-ਗੁਜਰਾਤ ਲਈ ਰੱਖਿਆ ਗਿਆ ‘ਰਿਜਰਵ ਡੇਅ’
ਆਈਪੀਐਲ 2023 ਦਾ ਫਾਈਨਲ ਮੈਚ ਚੇਨਈ ਸੁਪਰ ਕਿੰਗਜ਼ ਅਤੇ ਗੁਜਰਾਤ ਟਾਈਟਨਸ ਵਿਚਾਲੇ ਖੇਡਿਆ ਜਾਣਾ ਹੈ। ਪਰ ਮੀਂਹ ਕਾਰਨ ਮੈਚ ਵਿੱਚ ਦੇਰੀ ਹੋ ਰਹੀ ਹੈ। ਇਹ ਮੈਚ ਐਤਵਾਰ ਸ਼ਾਮ 7.30 ਵਜੇ ਸ਼ੁਰੂ ਹੋਣਾ ਸੀ। ਪਰ ਰਾਤ 8.55 ਵਜੇ ਤੱਕ ਸ਼ੁਰੂ ਨਹੀਂ ਹੋ ਸਕਿਆ। IPL ਦੇ ਫਾਈਨਲ ਓਵਰ ਨੂੰ ਲੈ ਕੇ ਰਿਜ਼ਰਵ ਡੇ ਦਾ ਨਿਯਮ ਬਣਾਇਆ ਗਿਆ ਹੈ।
Download ABP Live App and Watch All Latest Videos
View In Appਅਹਿਮਦਾਬਾਦ 'ਚ ਮੀਂਹ ਕਾਰਨ ਨਰਿੰਦਰ ਮੋਦੀ ਸਟੇਡੀਅਮ ਦੀ ਜ਼ਮੀਨ 'ਤੇ ਕਵਰਸ ਲਾ ਦਿੱਤੇ ਗਏ ਹਨ। ਜੇਕਰ ਮੀਂਹ 9.35 ਤੱਕ ਰੁੱਕ ਜਾਂਦਾ ਹੈ ਤਾਂ ਮੈਚ ਬਿਨਾਂ ਓਵਰ ਕੱਟੇ ਖੇਡਿਆ ਜਾ ਸਕਦਾ ਹੈ। ਜੇਕਰ ਮੀਂਹ ਨਾ ਰੁਕਿਆ ਤਾਂ ਰਾਤ 12.06 ਵਜੇ ਤੱਕ 5-5 ਓਵਰਾਂ ਦਾ ਮੈਚ ਖੇਡਿਆ ਜਾ ਸਕਦਾ ਹੈ।
ਜੇਕਰ ਮੀਂਹ ਕਾਰਨ 5-5 ਓਵਰਾਂ ਦਾ ਮੈਚ ਵੀ ਨਹੀਂ ਖੇਡਿਆ ਜਾਂਦਾ ਹੈ ਤਾਂ ਸੁਪਰ ਓਵਰ ਦਾ ਨਿਯਮ ਹੈ। ਜੇਕਰ ਅਜਿਹਾ ਵੀ ਸੰਭਵ ਨਹੀਂ ਹੁੰਦਾ ਤਾਂ ਮੈਚ ਰਿਜ਼ਰਵ ਡੇ 'ਤੇ ਖੇਡਿਆ ਜਾਵੇਗਾ। ਸੋਮਵਾਰ ਦਾ ਦਿਨ IPL 2023 ਦੇ ਫਾਈਨਲ ਲਈ ਰਾਖਵਾਂ ਰੱਖਿਆ ਗਿਆ ਹੈ।
ਆਈਪੀਐਲ ਦੇ ਇਸ ਸੀਜ਼ਨ ਦਾ ਦੂਜਾ ਕੁਆਲੀਫਾਇਰ ਵੀ ਅਹਿਮਦਾਬਾਦ ਵਿੱਚ ਖੇਡਿਆ ਗਿਆ ਸੀ। ਉਸ ਦਿਨ ਵੀ ਮੀਂਹ ਪਿਆ ਸੀ। ਪਰ ਮੈਚ ਅੱਧਾ ਘੰਟਾ ਦੇਰੀ ਨਾਲ ਸ਼ੁਰੂ ਹੋਇਆ ਸੀ। ਇਸ ਲਈ ਅੱਜ ਵੀ ਪ੍ਰਸ਼ੰਸਕ ਮੀਂਹ ਦੇ ਰੁਕਣ ਦਾ ਇੰਤਜ਼ਾਰ ਕਰ ਰਹੇ ਹਨ।
ਮਹਿੰਦਰ ਸਿੰਘ ਧੋਨੀ ਦੀ ਕਪਤਾਨੀ ਵਾਲੀ ਟੀਮ ਚੇਨਈ ਨੇ 4 ਵਾਰ ਆਈ.ਪੀ.ਐੱਲ. ਦਾ ਖਿਤਾਬ ਜਿੱਤਿਆ ਹੈ। ਜਦਕਿ ਗੁਜਰਾਤ ਟਾਈਟਨਸ ਨੇ ਇੱਕ ਵਾਰ ਖਿਤਾਬ ਜਿੱਤਿਆ ਹੈ। ਉਹ ਲਗਾਤਾਰ ਦੂਜੀ ਵਾਰ ਫਾਈਨਲ ਵਿੱਚ ਹੈ।