Ravidas Jayanti 2024: ਇਸ਼ਨਾਨ ਅਤੇ ਦਾਨ ਕਰਨ ਤੋਂ ਇਲਾਵਾ ਮਾਘ ਪੂਰਣਿਮਾ ਨੂੰ ਵੀ ਬਹੁਤ ਖਾਸ ਮੰਨਿਆ ਜਾਂਦਾ ਹੈ ਕਿਉਂਕਿ ਇਸ ਦਿਨ ਰਵਿਦਾਸ ਜੀ ਦਾ ਜਨਮ ਹੋਇਆ ਸੀ। ਸ਼੍ਰੋਮਣੀ ਸੰਤ ਕਵੀ ਰਵਿਦਾਸ ਜੀ, ਸਵਾਮੀ ਰਾਮਾਨੰਦ ਜੀ ਦੇ ਚੇਲੇ ਅਤੇ ਕਬੀਰਦਾਸ ਜੀ ਦੇ ਗੁਰੂ ਭਰਾ, ਇੱਕ ਸ਼ਰਧਾਲੂ ਸੰਤ ਹੀ ਨਹੀਂ ਸਨ, ਸਗੋਂ ਇੱਕ ਮਹਾਨ ਸਮਾਜ ਸੁਧਾਰਕ ਵੀ ਸਨ।
ਉਨ੍ਹਾਂ ਦੀਆਂ ਸਿੱਖਿਆਵਾਂ ਅਤੇ ਉਪਦੇਸ਼ ਅੱਜ ਵੀ ਸਮਾਜ ਨੂੰ ਸੇਧ ਪ੍ਰਦਾਨ ਕਰਦੇ ਹਨ। ਆਓ ਜਾਣਦੇ ਹਾਂ ਸਾਲ 2024 ਵਿੱਚ ਰਵਿਦਾਸ ਜੈਅੰਤੀ ਕਦੋਂ ਮਨਾਈ ਜਾਵੇਗੀ, ਉਨ੍ਹਾਂ ਦਾ ਨਾਮ ਰਵਿਦਾਸ ਕਿਵੇਂ ਪਿਆ, ਸਮਾਜ ਵਿੱਚ ਉਨ੍ਹਾਂ ਦਾ ਕੀ ਯੋਗਦਾਨ ਹੈ।
ਰਵਿਦਾਸ ਜੈਅੰਤੀ 2024 ਮਿਤੀ
ਇਸ ਸਾਲ ਰਵਿਦਾਸ ਜੈਅੰਤੀ 24 ਫਰਵਰੀ 2024 ਨੂੰ ਹੈ। ਇਹ ਦਿਨ ਮਾਘ ਪੂਰਣਿਮਾ ਨੂੰ ਵੀ ਹੈ। ਸੰਤ ਰਵਿਦਾਸ ਜੀ ਨੇ ਪ੍ਰਮਾਤਮਾ ਦੀ ਭਗਤੀ ਨੂੰ ਸਮਰਪਿਤ ਹੋਣ ਦੇ ਨਾਲ-ਨਾਲ ਆਪਣੇ ਸਮਾਜਿਕ ਅਤੇ ਪਰਿਵਾਰਕ ਫਰਜ਼ਾਂ ਨੂੰ ਵੀ ਬਾਖੂਬੀ ਨਿਭਾਇਆ। ਉਹ ਲੋਕਾਂ ਨੂੰ ਆਪਸ ਵਿੱਚ ਭੇਦਭਾਵ ਕੀਤੇ ਬਿਨਾਂ ਸਦਭਾਵਨਾ ਅਤੇ ਪਿਆਰ ਵਿੱਚ ਰਹਿਣ ਲਈ ਸਿਖਾਉਣ ਲਈ ਜਾਣੇ ਜਾਂਦੇ ਹਨ।
ਰਵਿਦਾਸ ਜੀ ਦਾ ਇਤਿਹਾਸ
ਸੰਤ ਰਵਿਦਾਸ ਜੀ ਦਾ ਜਨਮ ਵਿਕਰਮ ਸੰਵਤ 1376 ਵਿੱਚ ਮਾਘ ਮਹੀਨੇ ਦੀ ਪੂਰਨਮਾਸ਼ੀ ਨੂੰ ਹੋਇਆ ਸੀ। ਉਨ੍ਹਾਂ ਦੇ ਪਿਤਾ ਦਾ ਨਾਮ ਸੰਤੋਖਦਾਸ (ਰਘੂ) ਅਤੇ ਮਾਤਾ ਦਾ ਨਾਮ ਕਰਮਾ ਦੇਵੀ (ਕਲਸਾ) ਸੀ। ਉਨ੍ਹਾਂ ਦੀ ਪਤਨੀ ਦਾ ਨਾਮ ਲੋਨਾ ਅਤੇ ਉਨ੍ਹਾਂ ਦੇ ਪੁੱਤਰ ਦਾ ਨਾਮ ਸ਼੍ਰੀ ਵਿਜੇਦਾਸ ਦੱਸਿਆ ਜਾਂਦਾ ਹੈ।
ਰਵਿਦਾਸ ਜੀ ਦੇ ਜਨਮ ਬਾਰੇ ਕਈ ਮਤਭੇਦ ਹਨ। ਇੱਕ ਧਾਰਮਿਕ ਮਾਨਤਾ ਹੈ ਕਿ ਜਦੋਂ ਰਵਿਦਾਸ ਜੀ ਦਾ ਜਨਮ ਮਾਘ ਪੂਰਣਿਮਾ ਨੂੰ ਹੋਇਆ ਸੀ ਤਾਂ ਐਤਵਾਰ ਸੀ, ਜਿਸ ਕਾਰਨ ਉਨ੍ਹਾਂ ਦਾ ਨਾਮ ਰਵਿਦਾਸ ਰੱਖਿਆ ਗਿਆ ਸੀ। ਉਹ ਰੈਦਾਸ, ਰੁਹੀਦਾਸ ਅਤੇ ਰੋਹੀਦਾਸ ਵਰਗੇ ਕਈ ਨਾਵਾਂ ਨਾਲ ਜਾਣੇ ਜਾਂਦੇ ਹਨ।
ਇਹ ਵੀ ਪੜ੍ਹੋ: Hukamnama Sahib: ਪੜ੍ਹੋ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਤੋਂ ਅੱਜ ਦਾ ਮੁੱਖਵਾਕ (15-02-2024)
ਰਵਿਦਾਸ ਜੀ ਕਿਵੇਂ ਬਣੇ ਸੰਤ
ਸੰਤਾ ਰਵਿਦਾਸ ਦਾ ਸਮੁੱਚਾ ਜੀਵਨ ਕਾਲ 15ਵੀਂ ਤੋਂ 16ਵੀਂ ਸਦੀ (1450 ਤੋਂ 1520) ਵਿਚਕਾਰ ਮੰਨਿਆ ਜਾਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਉਨ੍ਹਾਂ ਕੋਲ ਬਚਪਨ ਤੋਂ ਹੀ ਅਲੌਕਿਕ ਸ਼ਕਤੀਆਂ ਸਨ। ਬਚਪਨ ਵਿਚ ਆਪਣੇ ਦੋਸਤ ਨੂੰ ਜੀਵਨ ਦੇਣ, ਪਾਣੀ 'ਤੇ ਪੱਥਰ ਤੈਰਾਉਣ, ਕੋੜ੍ਹੀਆਂ ਨੂੰ ਠੀਕ ਕਰਨਾ ਆਦਿ ਸਮੇਤ ਉਨ੍ਹਾਂ ਦੇ ਚਮਤਕਾਰਾਂ ਦੀਆਂ ਬਹੁਤ ਸਾਰੀਆਂ ਕਹਾਣੀਆਂ ਹਨ।
ਸਮਾਂ ਲੰਘਣ ਦੇ ਨਾਲ, ਉਨ੍ਹਾਂ ਨੇ ਆਪਣਾ ਜ਼ਿਆਦਾਤਰ ਸਮਾਂ ਭਗਵਾਨ ਰਾਮ ਅਤੇ ਭਗਵਾਨ ਕ੍ਰਿਸ਼ਨ ਦੀ ਪੂਜਾ ਵਿੱਚ ਲਗਾਉਣਾ ਸ਼ੁਰੂ ਕਰ ਦਿੱਤਾ ਅਤੇ ਧਾਰਮਿਕ ਪਰੰਪਰਾਵਾਂ ਦੀ ਪਾਲਣਾ ਕਰਦਿਆਂ, ਉਨ੍ਹਾਂ ਨੇ ਇੱਕ ਸੰਤ ਦਾ ਦਰਜਾ ਪ੍ਰਾਪਤ ਕੀਤਾ।
ਰਵਿਦਾਸ ਜੀ ਦਾ ਦੋਹਾ ‘ਮਨ ਚੰਗਾ ਕਠੌਤੀ ‘ਚ ਗੰਗਾ’ ਅੱਜ ਵੀ ਮਸ਼ਹੂਰ ਹੈ। ਉਨ੍ਹਾਂ ਕਿਹਾ ਕਿ ਸ਼ੁੱਧ ਮਨ ਅਤੇ ਲਗਨ ਨਾਲ ਕੀਤਾ ਗਏ ਕੰਮ ਦਾ ਚੰਗਾ ਨਤੀਜਾ ਮਿਲਦਾ ਹੈ। ਕਿਹਾ ਜਾਂਦਾ ਹੈ ਕਿ ਸੰਤ ਰਵਿਦਾਸ ਦਾ ਜਨਮ ਮੋਚੀ ਪਰਿਵਾਰ ਵਿੱਚ ਹੋਇਆ ਸੀ, ਉਹ ਜੁੱਤੀਆਂ ਬਣਾਉਣ ਦਾ ਕੰਮ ਕਰਦੇ ਸੀ।
ਉਨ੍ਹਾਂ ਨੇ ਕਦੇ ਵੀ ਜਾਤ-ਪਾਤ ਦਾ ਭੇਦ ਨਹੀਂ ਕੀਤਾ। ਜਿਹੜਾ ਵੀ ਸੰਤ ਜਾਂ ਫਕੀਰ ਉਨ੍ਹਾਂ ਦੇ ਬੂਹੇ ’ਤੇ ਆਉਂਦਾ, ਉਹ ਬਿਨਾਂ ਪੈਸੇ ਲਏ ਉਸ ਨੂੰ ਹੱਥੀਂ ਜੁੱਤੀਆਂ ਪਵਾ ਦਿੰਦੇ ਸੀ। ਉਹ ਹਰ ਕੰਮ ਪੂਰੇ ਦਿਲ ਅਤੇ ਲਗਨ ਨਾਲ ਕਰਦੇ ਸੀ। ਚਾਹੇ ਜੁੱਤੀ ਬਣਾਉਣੀ ਹੋਵੇ ਜਾਂ ਰੱਬ ਦੀ ਭਗਤੀ ਕਰਨ ਦਾ ਹੋਵੇ।
ਇਹ ਵੀ ਪੜ੍ਹੋ: Horoscope Today 15 February: ਕੰਨਿਆ, ਧਨੁ, ਕੁੰਭ ਰਾਸ਼ੀ ਵਾਲਿਆਂ 'ਤੇ ਪੈ ਸਕਦੈ ਨਕਾਰਾਤਮਕ ਪ੍ਰਭਾਵ, ਜਾਣੋ 15 ਫਰਵਰੀ ਦਾ ਰਾਸ਼ੀਫਲ