Shubman Gill Jungle Safari: ਭਾਰਤੀ ਕ੍ਰਿਕਟ ਟੀਮ ਦੇ ਮਸ਼ਹੂਰ ਬੱਲੇਬਾਜ਼ ਸ਼ੁਭਮਨ ਗਿੱਲ ਕਿਸੇ ਪਛਾਣ ਦੇ ਮੋਹਤਾਜ ਨਹੀਂ ਹਨ। ਉਨ੍ਹਾਂ ਮੈਦਾਨ ਵਿੱਚ ਆਪਣੀ ਖੇਡ ਦਾ ਧਮਾਕੇਦਾਰ ਪ੍ਰਦਰਸ਼ਨ ਕੀਤਾ। ਕ੍ਰਿਕਟਰ ਦੇ ਅੰਦਾਜ਼ ਨੇ ਨਾ ਸਿਰਫ ਪ੍ਰਸ਼ੰਸਕਾਂ ਬਲਕਿ ਕਈ ਫਿਲਮੀ ਹਸਤੀਆਂ ਨੂੰ ਵੀ ਆਪਣਾ ਦੀਵਾਨਾ ਬਣਾਇਆ। ਦੱਸ ਦੇਈਏ ਕਿ ਸ਼ੁਭਮਨ ਪਹਿਲੀ ਵਾਰ ਦੱਖਣੀ ਅਫਰੀਕਾ ਖਿਲਾਫ ਟੈਸਟ ਸੀਰੀਜ਼ ਖੇਡਣਗੇ। ਗਿੱਲ ਲਈ ਇਹ ਸਾਲ ਹੁਣ ਤੱਕ ਬਹੁਤ ਵਧੀਆ ਰਿਹਾ ਹੈ। ਉਸ ਨੇ ਮੇਜ਼ਬਾਨ ਦੱਖਣੀ ਅਫਰੀਕਾ ਦੇ ਖਿਲਾਫ 2 ਮੈਚਾਂ ਦੀ ਟੈਸਟ ਸੀਰੀਜ਼ ਤੋਂ ਪਹਿਲਾਂ ਇੰਟਰਾ-ਸਕਵਾਡ ਗੇਮ 'ਚ ਸੈਂਕੜਾ ਲਗਾ ਕੇ ਆਪਣੇ ਆਪ ਨੂੰ ਫਾਰਮ 'ਚ ਦਿਖਾਇਆ ਹੈ। ਫਿਲਹਾਲ ਕ੍ਰਿਕਟ ਤੋਂ ਬ੍ਰੇਕ ਲੈ ਗਿੱਲ ਅਫਰੀਕਨ ਸਫਾਰੀ ਦਾ ਆਨੰਦ ਮਾਣ ਰਹੇ ਹਨ। ਖਾਸ ਗੱਲ ਇਹ ਹੈ ਕਿ ਇਸ ਦੌਰਾਨ ਕ੍ਰਿਕਟਰ ਸ਼ੇਰ ਨਾਲ ਸੈਲਫੀ ਲੈਂਦੇ ਨਜ਼ਰ ਆਇਆ।
ਸ਼ੁਭਮਨ ਗਿੱਲ ਨੇ ਹੈਲੀਕਾਪਟਰ ਰਾਹੀਂ ਜੰਗਲ ਦਾ ਦੌਰਾ ਕੀਤਾ
ਦੱਸ ਦੇਈਏ ਕਿ ਸ਼ੁਭਮਨ ਵੱਲੋਂ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਉੱਪਰ ਕਈ ਸ਼ਾਨਦਾਰ ਤਸਵੀਰਾਂ ਅਤੇ ਵੀਡੀਓਜ਼ ਵੀ ਸ਼ੇਅਰ ਕੀਤੇ ਗਏ ਹਨ। ਜਿਨ੍ਹਾਂ ਨੇ ਪ੍ਰਸ਼ੰਸਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਦਰਅਸਲ, ਸ਼ੁਭਮਨ ਗਿੱਲ ਨੇ ਹੈਲੀਕਾਪਟਰ ਵਿੱਚ ਸਵਾਰ ਹੋ ਕੇ ਜੰਗਲੀ ਜਾਨਵਰਾਂ ਨੂੰ ਨੇੜਿਓਂ ਦੇਖਿਆ। ਅੰਤ ਵਿੱਚ ਉਨ੍ਹਾਂ ਨੇ ਸਥਾਨਕ ਲੋਕਾਂ ਨਾਲ ਬੋਰਨ ਫਾਇਰ ਦਾ ਆਨੰਦ ਵੀ ਲਿਆ। ਗਿੱਲ ਨੇ ਕੈਪਸ਼ਨ ਲਿਖਿਆ, ‘ਸਫਾਰੀ ਡੰਪ।’ ਇਨ੍ਹਾਂ ਤਸਵੀਰਾਂ 'ਚ ਗਿੱਲ ਪੂਰੀ ਤਰ੍ਹਾਂ ਮਸਤੀ ਦੇ ਮੂਡ 'ਚ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦੇ ਪਿੱਛੇ ਇੱਕ ਸ਼ੇਰ ਦਿਖਾਈ ਦਿੰਦਾ ਹੈ ਜੋ ਦੂਜੇ ਪਾਸੇ ਮੂੰਹ ਕਰਕੇ ਬੈਠਾ ਹੈ। ਗਿੱਲ ਨੇ ਵੇਸਟ ਪਹਿਨੀ ਹੋਈ ਹੈ ਜਦਕਿ ਸਿਰ 'ਤੇ ਟੋਪੀ ਹੈ।
ਸਰਫਰਾਜ਼ ਨੇ ਲਿਖਿਆ, 'ਅਫਰੀਕਨ ਯੂ ਬਿਊਟੀ'
ਦੂਜੇ ਪਾਸੇ ਸਰਫਰਾਜ਼ ਖਾਨ ਨੇ ਵੀ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਆਪਣੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਸ 'ਚ ਉਹ ਜੰਗਲ ਸਫਾਰੀ ਦਾ ਆਨੰਦ ਲੈਂਦੇ ਵੀ ਨਜ਼ਰ ਆ ਰਹੇ ਹਨ। ਸਰਫਰਾਜ਼ ਖਾਨ ਵੀ ਇਸ ਸਮੇਂ ਦੱਖਣੀ ਅਫਰੀਕਾ 'ਚ ਹਨ। ਭਾਰਤ ਏ ਟੀਮ ਲਈ ਖੇਡਦੇ ਹੋਏ ਉਨ੍ਹਾਂ ਨੇ ਦੱਖਣੀ ਅਫਰੀਕਾ ਏ ਟੀਮ ਖਿਲਾਫ ਸ਼ਾਨਦਾਰ ਸੈਂਕੜਾ ਲਗਾਇਆ ਸੀ। ਸਰਫਰਾਜ਼ ਨੇ ਕੈਪਸ਼ਨ ਲਿਖਿਆ, ‘ਅਫਰੀਕਨ ਯੂ ਬਿਊਟੀ।’ ਹਾਲ ਹੀ ਵਿੱਚ ਹੋਈ ਆਈਪੀਐਲ ਨਿਲਾਮੀ ਵਿੱਚ ਸਰਫਰਾਜ਼ ਨੂੰ ਕੋਈ ਖਰੀਦਦਾਰ ਨਹੀਂ ਮਿਲਿਆ।