Harbhajan Singh ਅਤੇ ਗੀਤਾ ਬਸਰਾ ਦੇ ਘਰ ਜੁਲਾਈ 2021 ’ਚ ਗੂੰਜੇਗੀ ਦੂਜੇ ਬੱਚੇ ਦੀ ਕਿਲਕਾਰੀ
ਭਾਰਤੀ ਟੀਮ ’ਚ ਖੇਡਦੇ ਰਹੇ ਅਤੇ ਹਰਭਜਨ ਸਿੰਘ ਦੇ ਦੋਸਤ ਸੁਰੇਸ਼ ਰੈਨਾ ਤੇ ਉਨ੍ਹਾਂ ਦੀ ਪਤਨੀ ਨੇ ਵੀ ਸੋਸ਼ਲ ਮੀਡੀਆ ਉੱਤੇ ਮੁਬਾਰਕਾਂ ਦਿੱਤੀਆਂ।
ਮਹਿਤਾਬ-ਉਦ-ਦੀਨ
ਚੰਡੀਗੜ੍ਹ: ਕ੍ਰਿਕੇਟਰ ਹਰਭਜਨ ਸਿੰਘ (harbhajan singh) ਤੇ ਉਨ੍ਹਾਂ ਦੀ ਪਤਨੀ ਗੀਤਾ ਬਸਰਾ (geeta basra) ਜੁਲਾਈ 2021 ’ਚ ਆਪਣੇ ਦੂਜੇ ਬੱਚੇ ਦਾ ਸੁਆਗਤ ਕਰਨ ਦੀਆਂ ਤਿਆਰੀਆਂ ਕਰ ਰਹੇ ਹਨ। ਫ਼ਿਲਮ ਅਦਾਕਾਰਾ ਗੀਤਾ ਬਸਰਾ ਨੇ ਕੱਲ੍ਹ ਇੰਸਟਾਗ੍ਰਾਮ ਉੱਤੇ ਇਹ ਖ਼ਬਰ ਆਪਣੇ ਪ੍ਰਸ਼ੰਸਕਾਂ ਨੂੰ ਦਿੱਤੀ ਹੈ। ਉਸ ਤੋਂ ਬਾਅਦ ਇਸ ਜੋੜੀ ਨੂੰ ਵਧਾਈਆਂ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ ਹੈ।
ਭਾਰਤੀ ਟੀਮ ’ਚ ਖੇਡਦੇ ਰਹੇ ਅਤੇ ਹਰਭਜਨ ਸਿੰਘ ਦੇ ਦੋਸਤ ਸੁਰੇਸ਼ ਰੈਨਾ ਤੇ ਉਨ੍ਹਾਂ ਦੀ ਪਤਨੀ ਨੇ ਵੀ ਸੋਸ਼ਲ ਮੀਡੀਆ ਉੱਤੇ ਮੁਬਾਰਕਾਂ ਦਿੱਤੀਆਂ। ਬਾਲੀਵੁੱਡ ਅਦਾਕਾਰਾ ਨੇਹਾ ਧੂਪੀਆ ਨੇ ਵੀ ਉਨ੍ਹਾਂ ਨੂੰ ਵਧਾਈਆਂ ਦਿੱਤੀਆਂ ਹਨ।
ਹਰਭਜਨ ਸਿੰਘ ਤੇ ਗੀਤਾ ਬਸਰਾ ਦਾ ਵਿਆਹ 2015 ’ਚ ਹੋਇਆ ਸੀ ਤੇ ਇਸ ਵੇਲੇ ਉਨ੍ਹਾਂ ਦੀ ਇੱਕ ਧੀ ਹੈ। ਗੀਤਾ ਬਸਰਾ ਨੇ ਕੱਲ੍ਹ ਆਪਣੇ ਪਰਿਵਾਰ ਦੀ ਤਸਵੀਰ ਸਾਂਝੀ ਕੀਤੀ ਹੈ।
ਗੀਤਾ ਬਸਰਾ ਵੱਲੋਂ ਸ਼ੇਅਰ ਕੀਤੀ ਤਸਵੀਰ ਵਿੱਚ ਉਨ੍ਹਾਂ ਦੀ ਧੀ ਹਿਨਾਇਆ ਹੀਰ ਪਲਾਹਾ ਨੇ ਇੱਕ ਟੀ–ਸ਼ਰਟ ਫੜੀ ਹੋਈ ਹੈ, ਜਿਸ ਉੱਤੇ ਲਿਖਿਆ ਹੈ – ਸੂਨ ਟੂ ਬੀ ਏ ਬਿੱਗ ਸਿਸਟਰ (ਛੇਤੀ ਹੀ ਵੱਡੀ ਭੈਣ ਬਣ ਜਾਵਾਂਗੀ)। ਇਸ ਤਸਵੀਰ ਦੀ ਕੈਪਸ਼ਨ ’ਚ ਲਿਖਿਆ ਗਿਆ ਹੈ ‘ਕਮਿੰਗ ਸੂਨ… ਜੁਲਾਈ 2021’
ਗ਼ੌਰਤਲਬ ਹੈ ਕਿ ਹਰਭਜਨ ਸਿੰਘ ਪਿਛਲੇ ਸਾਲ ‘ਇੰਡੀਅਨ ਪ੍ਰੀਮੀਅਰ ਲੀਗ’ (IPL) ਦਾ ਕੋਈ ਵੀ ਮੈਚ ਨਹੀਂ ਖੇਡੇ ਸਨ ਤੇ ਉਨ੍ਹਾਂ ‘ਚੇਨਈ ਸੁਪਰ ਕਿੰਗਜ਼’ ਨਾਲ ਆਪਣਾ ਕਰਾਰ (ਕੌਂਟ੍ਰੈਕਟ) ਖਤਮ ਕਰ ਲਿਆ ਸੀ। ਐਤਕੀਂ ‘ਕੋਲਕਾਤਾ ਨਾਈਟ ਰਾਈਡਰਜ਼’ ਨੇ ਉਨ੍ਹਾਂ ਨੂੰ ‘ਬੇਸ ਪ੍ਰਾਈਸ’ 2 ਕਰੋੜ ਰੁਪਏ ’ਚ ਖ਼ਰੀਦਿਆ ਹੈ।
ਹਰਭਜਨ ਸਿੰਘ 160 IPL ਮੈਚ ਖੇਡ ਚੁੱਕੇ ਹਨ ਤੇ ਇਨ੍ਹਾਂ ਮੈਚਾਂ ਵਿੱਚ ਉਨ੍ਹਾਂ 150 ਵਿਕੇਟਾਂ ਲਈਆਂ ਹਨ।
ਇਹ ਵੀ ਪੜ੍ਹੋ: ਗੁਰਪਤਵੰਤ ਪਨੂੰ ਦੇ ‘ਸਿੱਖਸ ਫ਼ਾਰ ਜਸਟਿਸ’ ਨੇ UNO ਨੂੰ ਕਿਉਂ ਕੀਤੇ 10 ਹਜ਼ਾਰ ਡਾਲਰ ਦਾਨ? ਭਾਰਤ 'ਚ ਛਿੜੀ ਨਵੀਂ ਚਰਚਾ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
