IND vs AUS WTC Final 2023 LIVE: ਪਹਿਲੇ ਦਿਨ ਦਾ ਖੇਡ ਖ਼ਤਮ ਹੋਣ ਤੱਕ ਆਸਟ੍ਰੇਲੀਆ ਨੇ ਬਣਾਈਆਂ 327 ਦੌੜਾਂ, ਬੈਕਫੁੱਟ ‘ਤੇ ਟੀਮ ਇੰਡੀਆ
WTC Final: ਅੱਜ ਤੋਂ ਭਾਰਤ ਤੇ ਆਸਟਰੇਲੀਆ (IND vs AUS) ਵਿਚਕਾਰ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦਾ ਫਾਈਨਲ ਮੈਚ ਇੰਗਲੈਂਡ ਦੇ ਓਵਲ ਵਿੱਚ ਮੁਕਾਬਲਾ ਹੋ ਰਿਹਾ ਹੈ।
AUS vs IND Live Score: ਪਹਿਲੇ ਦਿਨ ਦੀ ਖੇਡ ਸਮਾਪਤ: ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਫਾਈਨਲ ਮੈਚ ਦੇ ਪਹਿਲੇ ਦਿਨ ਦੀ ਖੇਡ ਖਤਮ ਹੋਣ ਤੱਕ ਆਸਟਰੇਲੀਆ ਨੇ 85 ਓਵਰਾਂ ਵਿੱਚ 3 ਵਿਕਟਾਂ ਦੇ ਨੁਕਸਾਨ ਨਾਲ 327 ਦੌੜਾਂ ਬਣਾ ਲਈਆਂ ਹਨ। ਟ੍ਰੈਵਿਸ ਹੈੱਡ ਨੇ 156 ਗੇਂਦਾਂ ਵਿੱਚ 146 ਦੌੜਾਂ ਬਣਾਈਆਂ। ਸਟੀਵ ਸਮਿਥ 95 ਦੌੜਾਂ ਬਣਾ ਕੇ ਅਜੇਤੂ ਰਹੇ। ਇਸ ਤੋਂ ਪਹਿਲਾਂ ਡੇਵਿਡ ਵਾਰਨਰ 43 ਦੌੜਾਂ ਅਤੇ ਲਾਬੂਸ਼ੇਨ 26 ਦੌੜਾਂ ਬਣਾ ਕੇ ਆਊਟ ਹੋਏ। ਉਸਮਾਨ ਖਵਾਜਾ ਜ਼ੀਰੋ 'ਤੇ ਆਊਟ ਹੋ ਗਏ। ਭਾਰਤ ਲਈ ਮੁਹੰਮਦ ਸ਼ਮੀ, ਮੁਹੰਮਦ ਸਿਰਾਜ ਅਤੇ ਸ਼ਾਰਦੁਲ ਠਾਕੁਰ ਨੇ 1-1 ਵਿਕਟ ਲਈ।
AUS vs IND Live Score: 76 ਓਵਰਾਂ ਦੀ ਸਮਾਪਤੀ ਤੋਂ ਬਾਅਦ ਆਸਟ੍ਰੇਲੀਆ ਨੇ ਆਪਣੀ ਪਹਿਲੀ ਪਾਰੀ 'ਚ 3 ਵਿਕਟਾਂ ਦੇ ਨੁਕਸਾਨ 'ਤੇ 289 ਦੌੜਾਂ ਬਣਾ ਲਈਆਂ ਹਨ। ਟ੍ਰੈਵਿਸ ਹੈਡ 124 ਜਦਕਿ ਸਟੀਵ ਸਮਿਥ 79 ਦੌੜਾਂ ਬਣਾ ਕੇ ਬੱਲੇਬਾਜ਼ੀ ਕਰ ਰਹੇ ਹਨ। ਦੋਵੇਂ ਖਿਡਾਰੀ ਭਾਰਤੀ ਗੇਂਦਬਾਜ਼ਾਂ ਨੂੰ ਵਿਕਟਾਂ ਲੈਣ ਦਾ ਕੋਈ ਮੌਕਾ ਨਹੀਂ ਦੇ ਰਹੇ ਹਨ।
AUS vs IND Live Score: ਆਸਟ੍ਰੇਲੀਆ ਨੇ 73 ਓਵਰਾਂ ਦੀ ਸਮਾਪਤੀ ਤੋਂ ਬਾਅਦ 3 ਵਿਕਟਾਂ ਦੇ ਨੁਕਸਾਨ 'ਤੇ 276 ਦੌੜਾਂ ਬਣਾ ਲਈਆਂ ਹਨ। ਟ੍ਰੈਵਿਸ ਹੈਡ 115 ਅਤੇ ਸਟੀਵ ਸਮਿਥ 75 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਹੁਣ ਤੱਕ ਦੋਵਾਂ ਵਿਚਾਲੇ ਚੌਥੀ ਵਿਕਟ ਲਈ 200 ਦੌੜਾਂ ਦੀ ਸਾਂਝੇਦਾਰੀ ਹੋ ਚੁੱਕੀ ਹੈ।
IND vs AUS Live Score: ਆਸਟ੍ਰੇਲੀਆ ਨੇ 67 ਓਵਰਾਂ 'ਚ 3 ਵਿਕਟਾਂ ਦੇ ਨੁਕਸਾਨ 'ਤੇ 247 ਦੌੜਾਂ ਬਣਾਈਆਂ। ਟਰੇਵਿਸ ਹੈਡ 105 ਦੌੜਾਂ ਬਣਾ ਕੇ ਖੇਡ ਰਿਹਾ ਹੈ। ਸਟੀਵ ਸਮਿਥ ਨੇ 57 ਦੌੜਾਂ ਬਣਾਈਆਂ। ਇਨ੍ਹਾਂ ਦੋਵਾਂ ਵਿਚਾਲੇ 171 ਦੌੜਾਂ ਦੀ ਸਾਂਝੇਦਾਰੀ ਹੋਈ ਹੈ।
IND vs AUS Live Score: ਟ੍ਰੈਵਿਸ ਹੈੱਡ ਨੇ ਆਪਣਾ ਸੈਂਕੜਾ ਲਗਾਇਆ। ਉਹ 106 ਗੇਂਦਾਂ ਵਿੱਚ 100 ਦੌੜਾਂ ਬਣਾਉਣ ਤੋਂ ਬਾਅਦ ਖੇਡ ਰਹੇ ਹਨ। ਹੈੱਡ ਨੇ 14 ਚੌਕੇ ਅਤੇ ਇਕ ਛੱਕਾ ਲਗਾਇਆ ਹੈ। ਆਸਟ੍ਰੇਲੀਆ ਨੇ 64.4 ਓਵਰਾਂ 'ਚ 233 ਦੌੜਾਂ ਬਣਾਈਆਂ। ਸਮਿਥ ਅਤੇ ਹੈੱਡ ਵਿਚਾਲੇ 157 ਦੌੜਾਂ ਦੀ ਸਾਂਝੇਦਾਰੀ ਹੋਈ ਹੈ।
AUS vs IND Live Score: ਆਸਟ੍ਰੇਲੀਆ ਦਾ ਸਕੋਰ 200 ਦੌੜਾਂ ਨੂੰ ਪਾਰ ਕਰ ਗਿਆ ਹੈ। ਟੀਮ ਨੇ 59 ਓਵਰਾਂ 'ਚ 3 ਵਿਕਟਾਂ ਦੇ ਨੁਕਸਾਨ 'ਤੇ 212 ਦੌੜਾਂ ਬਣਾ ਲਈਆਂ ਹਨ। ਹੈਡ 92 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਸਮਿਥ ਨੇ 41 ਦੌੜਾਂ ਬਣਾਈਆਂ। ਇਸ ਜੋੜੀ ਨੂੰ ਅਜੇ ਤੱਕ ਕੋਈ ਵੀ ਭਾਰਤੀ ਗੇਂਦਬਾਜ਼ ਨਹੀਂ ਤੋੜ ਸਕਿਆ ਹੈ।
AUS vs IND Live Score: ਟੀ-ਬ੍ਰੇਕ ਤੋਂ ਬਾਅਦ ਮੈਚ ਸ਼ੁਰੂ ਹੋ ਗਿਆ ਹੈ। ਹੈੱਡ ਅਤੇ ਸਮਿਥ ਵਿਚਾਲੇ 95 ਦੌੜਾਂ ਦੀ ਸਾਂਝੇਦਾਰੀ ਹੈ। ਭਾਰਤੀ ਗੇਂਦਬਾਜ਼ ਅਜੇ ਵੀ ਵਿਕਟਾਂ ਦੀ ਭਾਲ 'ਚ ਹਨ।
IND vs AUS Live Score: ਟੀ-ਬ੍ਰੇਕ। ਆਸਟ੍ਰੇਲੀਆ ਨੇ 51 ਓਵਰਾਂ 'ਚ 3 ਵਿਕਟਾਂ ਦੇ ਨੁਕਸਾਨ 'ਤੇ 170 ਦੌੜਾਂ ਬਣਾਈਆਂ। ਟ੍ਰੈਵਿਸ ਹੈੱਡ 60 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਸਟੀਵ ਸਮਿਥ ਨੇ 33 ਦੌੜਾਂ ਬਣਾਈਆਂ। ਇਨ੍ਹਾਂ ਦੋਵਾਂ ਵਿਚਾਲੇ 94 ਦੌੜਾਂ ਦੀ ਸਾਂਝੇਦਾਰੀ ਹੋਈ ਹੈ। ਭਾਰਤੀ ਗੇਂਦਬਾਜ਼ ਅਜੇ ਤੱਕ ਇਸ ਜੋੜੀ ਨੂੰ ਨਹੀਂ ਤੋੜ ਸਕੇ ਹਨ।
AUS vs IND Live Score: ਆਸਟ੍ਰੇਲੀਆ ਲਈ ਸ਼ਾਨਦਾਰ ਬੱਲੇਬਾਜ਼ੀ ਕਰਦੇ ਹੋਏ ਟ੍ਰੈਵਿਸ ਹੈੱਡ ਨੇ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ। ਉਹ 62 ਗੇਂਦਾਂ ਵਿੱਚ 52 ਦੌੜਾਂ ਬਣਾਉਣ ਤੋਂ ਬਾਅਦ ਖੇਡ ਰਹੇ ਹਨ। ਹੈੱਡ ਨੇ 9 ਚੌਕੇ ਲਾਏ ਹਨ। ਸਟੀਵ ਸਮਿਥ 32 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਇਨ੍ਹਾਂ ਦੋਵਾਂ ਵਿਚਾਲੇ 85 ਦੌੜਾਂ ਦੀ ਸਾਂਝੇਦਾਰੀ ਹੋ ਚੁੱਕੀ ਹੈ। ਭਾਰਤੀ ਗੇਂਦਬਾਜ਼ ਹੁਣ ਤੱਕ ਸਮਿਥ ਅਤੇ ਹੈੱਡ ਦੀ ਜੋੜੀ ਨੂੰ ਨਹੀਂ ਤੋੜ ਸਕੇ ਹਨ।
AUS vs IND Live Score: ਆਸਟ੍ਰੇਲੀਆ ਨੇ 40 ਓਵਰਾਂ 'ਚ 3 ਵਿਕਟਾਂ ਦੇ ਨੁਕਸਾਨ 'ਤੇ 147 ਦੌੜਾਂ ਬਣਾਈਆਂ। ਟਰੇਵਿਸ ਹੈੱਡ 41 ਦੌੜਾਂ ਬਣਾ ਕੇ ਖੇਡ ਰਿਹਾ ਹੈ। ਸਮਿਥ ਨੇ 67 ਗੇਂਦਾਂ ਵਿੱਚ 29 ਦੌੜਾਂ ਬਣਾਈਆਂ। ਟੀਮ ਇੰਡੀਆ ਨੇ ਬਾਲਿੰਗ ਅਟੈਕ 'ਚ ਬਦਲਾਅ ਕੀਤਾ ਹੈ। ਰਵਿੰਦਰ ਜਡੇਜਾ ਨੂੰ ਲਿਆਂਦਾ ਗਿਆ ਹੈ।
IND vs AUS Live Score: ਆਸਟ੍ਰੇਲੀਆ ਨੇ 34 ਓਵਰਾਂ 'ਚ 3 ਵਿਕਟਾਂ ਦੇ ਨੁਕਸਾਨ 'ਤੇ 117 ਦੌੜਾਂ ਬਣਾਈਆਂ। ਟ੍ਰੈਵਿਸ ਹੈਡ 30 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਸਟੀਵ ਸਮਿਥ 13 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਸ਼ਾਰਦੁਲ ਠਾਕੁਰ ਨੇ 7 ਓਵਰਾਂ 'ਚ 20 ਦੌੜਾਂ ਦਿੱਤੀਆਂ। ਸ਼ਮੀ ਨੇ 10 ਓਵਰਾਂ 'ਚ 30 ਦੌੜਾਂ ਦਿੱਤੀਆਂ। ਉਮੇਸ਼ ਨੇ 6 ਓਵਰਾਂ 'ਚ 27 ਦੌੜਾਂ ਦਿੱਤੀਆਂ। ਟੀਮ ਇੰਡੀਆ ਲਈ ਸ਼ਮੀ, ਸਿਰਾਜ ਅਤੇ ਸ਼ਾਰਦੁਲ ਨੇ ਇਕ-ਇਕ ਵਿਕਟ ਲਈ।
IND vs AUS Live Score: ਆਸਟ੍ਰੇਲੀਆਈ ਟੀਮ ਨੇ ਆਪਣੀ ਪਹਿਲੀ ਪਾਰੀ 'ਚ 28 ਓਵਰਾਂ ਦੀ ਸਮਾਪਤੀ ਤੋਂ ਬਾਅਦ 3 ਵਿਕਟਾਂ ਦੇ ਨੁਕਸਾਨ 'ਤੇ 97 ਦੌੜਾਂ ਬਣਾ ਲਈਆਂ ਹਨ। ਸਟੀਵ ਸਮਿਥ 12 ਅਤੇ ਟ੍ਰੈਵਿਸ ਹੈਡ 13 ਦੌੜਾਂ ਬਣਾ ਕੇ ਬੱਲੇਬਾਜ਼ੀ ਕਰ ਰਹੇ ਹਨ। ਹੁਣ ਤੱਕ ਦੋਵਾਂ ਵਿਚਾਲੇ ਚੌਥੀ ਵਿਕਟ ਲਈ 21 ਦੌੜਾਂ ਦੀ ਸਾਂਝੇਦਾਰੀ ਹੋ ਚੁੱਕੀ ਹੈ।
IND vs AUS Live Score: ਆਸਟ੍ਰੇਲੀਆ ਨੇ 23 ਓਵਰਾਂ 'ਚ 2 ਵਿਕਟਾਂ ਦੇ ਨੁਕਸਾਨ 'ਤੇ 73 ਦੌੜਾਂ ਬਣਾਈਆਂ। ਲਾਬੂਸ਼ੇਨ 61 ਗੇਂਦਾਂ ਵਿੱਚ 26 ਦੌੜਾਂ ਬਣਾਉਣ ਤੋਂ ਬਾਅਦ ਖੇਡ ਰਹੇ ਹਨ। ਸਮਿਥ ਨੇ 7 ਗੇਂਦਾਂ 'ਚ 2 ਦੌੜਾਂ ਬਣਾਈਆਂ। ਭਾਰਤ ਲਈ ਗੇਂਦਬਾਜ਼ੀ ਕਰਦੇ ਹੋਏ ਸ਼ਾਰਦੁਲ ਨੇ 5 ਓਵਰਾਂ 'ਚ 16 ਦੌੜਾਂ ਦਿੱਤੀਆਂ। ਉਮੇਸ਼ ਯਾਦਵ ਨੇ 6 ਓਵਰਾਂ 'ਚ 27 ਦੌੜਾਂ ਦਿੱਤੀਆਂ।
IND vs AUS Live Score: ਆਸਟਰੇਲੀਆ ਦੀ ਕਮਾਨ ਡੇਵਿਡ ਵਾਰਨਰ ਅਤੇ ਮਾਰਨਸ ਲਾਬੂਸ਼ੇਨ ਨੇ ਸੰਭਾਲੀ ਹੈ। ਟੀਮ ਨੇ 18 ਓਵਰਾਂ ਵਿੱਚ ਇੱਕ ਵਿਕਟ ਦੇ ਨੁਕਸਾਨ ਨਾਲ 60 ਦੌੜਾਂ ਬਣਾਈਆਂ। ਡੇਵਿਡ ਵਾਰਨਰ 39 ਦੌੜਾਂ ਬਣਾ ਕੇ ਖੇਡ ਰਿਹਾ ਹੈ। ਲਾਬੂਸ਼ੇਨ 20 ਦੌੜਾਂ ਬਣਾ ਕੇ ਖੇਡ ਰਿਹਾ ਹੈ। ਇਨ੍ਹਾਂ ਦੋਵਾਂ ਵਿਚਾਲੇ ਅਰਧ ਸੈਂਕੜੇ ਦੀ ਸਾਂਝੇਦਾਰੀ ਪੂਰੀ ਹੋ ਚੁੱਕੀ ਹੈ। ਸ਼ਾਰਦੁਲ ਠਾਕੁਰ ਨੇ 3 ਓਵਰਾਂ 'ਚ 9 ਦੌੜਾਂ ਦਿੱਤੀਆਂ। ਉਮੇਸ਼ ਨੇ 3 ਓਵਰਾਂ 'ਚ 22 ਦੌੜਾਂ ਦਿੱਤੀਆਂ।
AUS vs IND Live Score: ਡ੍ਰਿੰਕਸ ਬ੍ਰੇਕ। ਆਸਟ੍ਰੇਲੀਆ ਨੇ 12 ਓਵਰਾਂ 'ਚ ਇਕ ਵਿਕਟ ਦੇ ਨੁਕਸਾਨ 'ਤੇ 29 ਦੌੜਾਂ ਬਣਾਈਆਂ। ਡੇਵਿਡ ਵਾਰਨਰ 33 ਗੇਂਦਾਂ ਵਿੱਚ 17 ਦੌੜਾਂ ਬਣਾਉਣ ਤੋਂ ਬਾਅਦ ਖੇਡ ਰਿਹਾ ਹੈ। ਲਾਬੂਸ਼ੇਨ 29 ਗੇਂਦਾਂ ਵਿੱਚ 11 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਭਾਰਤ ਲਈ ਸਿਰਾਜ ਨੇ 6 ਓਵਰਾਂ 'ਚ 16 ਦੌੜਾਂ ਦੇ ਕੇ ਇਕ ਵਿਕਟ ਲਈ। ਉਨ੍ਹਾਂ ਨੇ 2 ਮੇਡਨ ਓਵਰ ਲਏ ਹਨ। ਸ਼ਮੀ ਨੇ 6 ਓਵਰਾਂ 'ਚ 12 ਦੌੜਾਂ ਦਿੱਤੀਆਂ।
AUS vs IND Live Score: ਆਸਟ੍ਰੇਲੀਆ ਨੇ 10 ਓਵਰਾਂ ਤੋਂ ਬਾਅਦ ਇਕ ਵਿਕਟ ਦੇ ਨੁਕਸਾਨ 'ਤੇ 22 ਦੌੜਾਂ ਬਣਾਈਆਂ। ਡੇਵਿਡ ਵਾਰਨਰ 25 ਗੇਂਦਾਂ ਵਿੱਚ 13 ਦੌੜਾਂ ਬਣਾਉਣ ਤੋਂ ਬਾਅਦ ਖੇਡ ਰਹੇ ਹਨ। ਲਾਬੂਸ਼ੇਨ ਨੇ 25 ਗੇਂਦਾਂ ਵਿੱਚ 8 ਦੌੜਾਂ ਬਣਾਈਆਂ। ਸ਼ਮੀ ਨੇ 5 ਓਵਰਾਂ 'ਚ 8 ਦੌੜਾਂ ਦਿੱਤੀਆਂ। ਸਿਰਾਜ ਨੇ 5 ਓਵਰਾਂ 'ਚ 13 ਦੌੜਾਂ ਦਿੱਤੀਆਂ। ਸਿਰਾਜ ਨੇ 2 ਮੇਡਨ ਓਵਰ ਲਏ।
IND vs AUS Live Score: ਆਸਟ੍ਰੇਲੀਆ ਨੇ 5 ਓਵਰਾਂ 'ਚ ਇਕ ਵਿਕਟ ਦੇ ਨੁਕਸਾਨ 'ਤੇ 8 ਦੌੜਾਂ ਬਣਾਈਆਂ। ਡੇਵਿਡ ਵਾਰਨਰ 16 ਗੇਂਦਾਂ ਵਿੱਚ 5 ਦੌੜਾਂ ਬਣਾਉਣ ਤੋਂ ਬਾਅਦ ਖੇਡ ਰਹੇ ਹਨ। ਮਾਰਨਸ ਲਾਬੂਸ਼ੇਨ 2 ਦੌੜਾਂ ਬਣਾ ਕੇ ਕ੍ਰੀਜ਼ 'ਤੇ ਖੜ੍ਹੇ ਹਨ। ਭਾਰਤ ਲਈ ਗੇਂਦਬਾਜ਼ੀ ਕਰਦੇ ਹੋਏ ਸ਼ਮੀ ਨੇ 3 ਓਵਰਾਂ 'ਚ 5 ਦੌੜਾਂ ਦਿੱਤੀਆਂ। ਉਨ੍ਹਾਂ ਨੇ ਮੇਡਨ ਓਵਰ ਕੱਢਿਆ ਹੈ। ਸਿਰਾਜ ਨੇ 2 ਓਵਰਾਂ 'ਚ 2 ਦੌੜਾਂ ਦੇ ਕੇ 1 ਵਿਕਟ ਹਾਸਲ ਕੀਤੀ।
ਪਿਛੋਕੜ
WTC Final: ਅੱਜ ਤੋਂ ਭਾਰਤ ਤੇ ਆਸਟਰੇਲੀਆ (IND vs AUS) ਵਿਚਕਾਰ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦਾ ਫਾਈਨਲ ਮੈਚ ਇੰਗਲੈਂਡ ਦੇ ਓਵਲ ਵਿੱਚ ਮੁਕਾਬਲਾ ਹੋ ਰਿਹਾ ਹੈ। ਦੁਨੀਆ ਭਰ ਦੇ ਕ੍ਰਿਕਟ ਪ੍ਰਸ਼ੰਸਕਾਂ ਦੀਆਂ ਨਜ਼ਰਾਂ ਟੈਸਟ ਫਾਰਮੈਟ ਦੇ ਇਸ ਸਭ ਤੋਂ ਵੱਡੇ ਮੈਚ 'ਤੇ ਟਿਕੀਆਂ ਹੋਈਆਂ ਹਨ। ਇਸ ਚੈਂਪੀਅਨਸ਼ਿਪ ਵਿੱਚ ਜੋ ਵੀ ਜਿੱਤੇਗਾ, ਉਹ ਟੈਸਟ ਫਾਰਮੈਟ ਦਾ ਨਵਾਂ ਚੈਂਪੀਅਨ ਬਣੇਗਾ।
ਦੱਸ ਦੇਈਏ ਕਿ ਭਾਰਤ ਲਗਾਤਾਰ ਦੂਜੀ ਵਾਰ ਫਾਈਨਲ ਵਿੱਚ ਪਹੁੰਚਿਆ ਹੈ। ਪਿਛਲੀ ਵਾਰ ਨਿਊਜ਼ੀਲੈਂਡ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਇਸ ਦੇ ਨਾਲ ਹੀ ਆਸਟ੍ਰੇਲੀਆ ਪਹਿਲੀ ਵਾਰ ਫਾਈਨਲ 'ਚ ਪਹੁੰਚਿਆ ਹੈ। ਆਓ ਜਾਣਦੇ ਹਾਂ ਇਸ ਰੋਮਾਂਚਕ ਮੈਚ ਦੌਰਾਨ ਮੌਸਮ ਤੇ ਪਿੱਚ ਦਾ ਕੀ ਹਾਲ ਰਹੇਗਾ।
WTC ਫਾਈਨਲ: ਮੌਸਮ ਖਰਾਬ ਖੇਡ ਖੇਡੇਗਾ
ਭਾਰਤ ਤੇ ਆਸਟ੍ਰੇਲੀਆ ਵਿਚਾਲੇ WTC ਫਾਈਨਲ ਮੈਚ 7 ਤੋਂ 11 ਜੂਨ ਤੱਕ ਖੇਡਿਆ ਜਾਵੇਗਾ। ਆਓ ਤੁਹਾਨੂੰ ਦੱਸਦੇ ਹਾਂ ਦਿਨ ਦੇ ਹਿਸਾਬ ਨਾਲ ਮੌਸਮ ਦੀ ਸਥਿਤੀ :-
7 ਜੂਨ (ਬੁੱਧਵਾਰ)-ਪਹਿਲੇ ਦਿਨ ਮੀਂਹ ਦੀ ਕੋਈ ਸੰਭਾਵਨਾ ਨਹੀਂ। ਵੱਧ ਤੋਂ ਵੱਧ ਤਾਪਮਾਨ 20 ਡਿਗਰੀ ਦੇ ਆਸਪਾਸ ਰਹੇਗਾ।
8 ਜੂਨ (ਵੀਰਵਾਰ)- ਦਿਨ ਦੀ ਸ਼ੁਰੂਆਤ 'ਚ ਬੱਦਲਵਾਈ ਰਹੇਗੀ ਪਰ ਜਿਵੇਂ-ਜਿਵੇਂ ਦਿਨ ਚੜ੍ਹਦਾ ਜਾਏਗਾ, ਬੱਦਲ ਛਟ ਜਾਣਗੇ ਤੇ ਮੌਸਮ ਸੁਹਾਵਣਾ ਬਣਿਆ ਰਹੇਗਾ। ਮੀਂਹ ਦੀ ਕੋਈ ਸੰਭਾਵਨਾ ਨਹੀਂ। ਵੱਧ ਤੋਂ ਵੱਧ ਤਾਪਮਾਨ 21 ਡਿਗਰੀ ਹੋ ਸਕਦਾ ਹੈ।
9 ਜੂਨ (ਸ਼ੁੱਕਰਵਾਰ)- ਤੀਜੇ ਦਿਨ ਵੀ ਮੌਸਮ ਸਾਫ਼ ਰਹੇਗਾ ਤੇ ਮੀਂਹ ਪੈਣ ਦੀ ਕੋਈ ਸੰਭਾਵਨਾ ਨਹੀਂ। ਵੱਧ ਤੋਂ ਵੱਧ ਤਾਪਮਾਨ 22 ਡਿਗਰੀ ਹੋ ਸਕਦਾ ਹੈ।
10 ਜੂਨ (ਸ਼ਨੀਵਾਰ)- ਚੌਥੇ ਦਿਨ ਸੂਰਜ ਦੇ ਬੱਦਲਾਂ ਪਿੱਛੇ ਛੁਪਣ ਦੀ ਸੰਭਾਵਨਾ ਹੈ। ਤਾਪਮਾਨ 26 ਡਿਗਰੀ ਦੇ ਆਸਪਾਸ ਰਹਿ ਸਕਦਾ ਹੈ। ਦੁਪਹਿਰ ਬਾਅਦ ਹਲਕੀ ਬਾਰਸ਼ ਹੋਣ ਦੀ ਸੰਭਾਵਨਾ ਹੈ।
11 ਜੂਨ (ਐਤਵਾਰ)- ਫਾਈਨਲ ਮੈਚ ਦੇ 5ਵੇਂ ਦਿਨ ਮੀਂਹ ਪੈਣ ਦੇ ਆਸਾਰ ਹਨ। ਮੌਸਮ ਵਿਭਾਗ ਮੁਤਾਬਕ ਮੀਂਹ ਦੀ ਸੰਭਾਵਨਾ 14 ਫੀਸਦੀ ਹੈ। ਹਾਲਾਂਕਿ 5ਵੇਂ ਦਿਨ ਤੱਕ ਇਸ ਪਿੱਚ 'ਤੇ ਸ਼ਾਇਦ ਹੀ ਕੋਈ ਟੈਸਟ ਹੋ ਸਕੇ। ਯਾਨੀ ਇਸ ਟੈਸਟ ਦਾ ਨਤੀਜਾ ਚੌਥੇ ਦਿਨ ਤੱਕ ਆਉਣ ਦੀ ਸੰਭਾਵਨਾ ਹੈ।
WTC ਫਾਈਨਲਸ: ਪਿਚ ਰਿਪੋਰਟ
ਭਾਰਤ ਤੇ ਆਸਟ੍ਰੇਲੀਆ ਵਿਚਾਲੇ WTC ਫਾਈਨਲ ਮੈਚ ਇੰਗਲੈਂਡ ਦੇ ਓਵਲ 'ਚ ਖੇਡਿਆ ਜਾਣਾ ਹੈ। ਇਹ ਪਿੱਚ ਉਛਾਲ ਵਾਲੀ ਹੈ। ਸ਼ੁਰੂਆਤ 'ਚ ਤੇਜ਼ ਗੇਂਦਬਾਜ਼ਾਂ ਨੂੰ ਮਦਦ ਮਿਲੇਗੀ ਪਰ ਤੀਜੇ ਦਿਨ ਤੋਂ ਸਪਿਨਰਾਂ ਨੂੰ ਵੀ ਮਦਦ ਮਿਲਣੀ ਸ਼ੁਰੂ ਹੋ ਜਾਵੇਗੀ। ਪਹਿਲਾਂ ਵੀ ਇਹ ਪਿੱਚ ਤੇਜ਼ ਤੇ ਸਪਿਨ ਗੇਂਦਬਾਜ਼ਾਂ ਲਈ ਮਦਦਗਾਰ ਰਹੀ ਹੈ। ਜੂਨ 'ਚ ਪਹਿਲੀ ਵਾਰ ਇਸ ਪਿੱਚ 'ਤੇ ਟੈਸਟ ਖੇਡਿਆ ਜਾ ਰਿਹਾ ਹੈ। ਇਸ ਲਈ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਦੋਵੇਂ ਕਪਤਾਨ ਸਪਿਨ ਦਾ ਕਿਵੇਂ ਇਸਤੇਮਾਲ ਕਰਦੇ ਹਨ।
ਭਾਰਤ ਨੇ ਆਪਣਾ ਆਖ਼ਰੀ ਟੈਸਟ ਇੱਥੇ 2021 ਵਿੱਚ ਇੰਗਲੈਂਡ ਖ਼ਿਲਾਫ਼ ਖੇਡਿਆ ਸੀ, ਜਿਸ ਵਿੱਚ 157 ਦੌੜਾਂ ਨਾਲ ਜਿੱਤ ਦਰਜ ਕੀਤੀ ਸੀ, ਜਦੋਂਕਿ ਆਸਟਰੇਲੀਆ ਨੇ 2019 ਵਿੱਚ ਇੰਗਲੈਂਡ ਤੋਂ ਇਸੇ ਪਿੱਚ ’ਤੇ ਹਾਰ ਝੱਲੀ ਸੀ। ਇਹ ਦੋਵੇਂ ਮੈਚ ਸਤੰਬਰ ਵਿੱਚ ਖੇਡੇ ਗਏ ਸਨ। ਇਨ੍ਹਾਂ ਦੋਨਾਂ ਮੈਚਾਂ ਵਿੱਚ ਤੇਜ਼ ਗੇਂਦਬਾਜ਼ਾਂ ਦਾ ਜਲਵਾ ਰਿਹਾ।
ਇਸ ਪਿੱਚ 'ਤੇ ਕੁੱਲ 104 ਟੈਸਟ ਮੈਚ ਖੇਡੇ ਗਏ ਹਨ। ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ 37 ਵਾਰ ਜਿੱਤ ਦਰਜ ਕੀਤੀ ਹੈ ਤੇ ਬਾਅਦ ਵਿੱਚ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ 29 ਵਾਰ ਜਿੱਤ ਦਰਜ ਕੀਤੀ ਹੈ। 37 ਮੈਚ ਡਰਾਅ ਰਹੇ ਹਨ। ਇਸ ਦੇ ਨਾਲ ਹੀ ਟਾਸ ਜਿੱਤਣ ਵਾਲੀਆਂ ਟੀਮਾਂ ਨੇ 36 ਵਾਰ ਜਿੱਤ ਦਰਜ ਕੀਤੀ ਹੈ ਜਦਕਿ ਟਾਸ ਹਾਰਨ ਵਾਲੀਆਂ ਟੀਮਾਂ 30 ਵਾਰ ਜਿੱਤੀਆਂ ਹਨ। ਜੇਕਰ ਅੰਕੜਿਆਂ 'ਤੇ ਨਜ਼ਰ ਮਾਰੀਏ ਤਾਂ ਟਾਸ ਜਿੱਤਣ ਵਾਲੀ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕਰ ਸਕਦੀ ਹੈ।
ਭਾਰਤ ਤੇ ਆਸਟ੍ਰੇਲੀਆ ਵਿਚਾਲੇ ਹੁਣ ਤੱਕ 106 ਟੈਸਟ ਮੈਚ ਖੇਡੇ ਜਾ ਚੁੱਕੇ ਹਨ, ਜਿਸ 'ਚ ਆਸਟ੍ਰੇਲੀਆ ਦਾ ਬੋਲਬਾਲਾ ਹੈ। ਆਸਟ੍ਰੇਲੀਆ ਨੇ 44 ਟੈਸਟ ਮੈਚ ਜਿੱਤੇ ਹਨ ਜਦਕਿ ਭਾਰਤ ਨੇ 32 ਟੈਸਟ ਮੈਚ ਜਿੱਤੇ ਹਨ। ਬਾਕੀ 29 ਮੈਚ ਡਰਾਅ ਰਹੇ ਹਨ। ਇਸ ਤੋਂ ਇਲਾਵਾ WTC ਫਾਈਨਲ ਦੀ ਗੱਲ ਕਰੀਏ ਤਾਂ ਦੋਵੇਂ ਪਹਿਲੀ ਵਾਰ ਆਹਮੋ-ਸਾਹਮਣੇ ਹੋਣਗੇ। ਟੀਮ ਇੰਡੀਆ ਜਿੱਥੇ ਲਗਾਤਾਰ ਦੂਜੀ ਵਾਰ ਫਾਈਨਲ ਵਿੱਚ ਥਾਂ ਬਣਾਉਣ ਵਿੱਚ ਕਾਮਯਾਬ ਹੋਈ ਹੈ, ਉੱਥੇ ਹੀ ਆਸਟਰੇਲੀਆ ਨੇ ਪਹਿਲੀ ਵਾਰ ਖ਼ਿਤਾਬ ਲਈ ਕੁਆਲੀਫਾਈ ਕੀਤਾ ਹੈ।
- - - - - - - - - Advertisement - - - - - - - - -