Yuvraj Singh Ex Gf: ਕ੍ਰਿਕਟਰ ਯੁਵਰਾਜ ਸਿੰਘ ਆਪਣੀ ਪੇਸ਼ੇਵਰ ਦੇ ਨਾਲ-ਨਾਲ ਨਿੱਜੀ ਜ਼ਿੰਦਗੀ ਨੂੰ ਲੈ ਅਕਸਰ ਸੁਰਖੀਆਂ ਦਾ ਵਿਸ਼ਾ ਬਣੇ ਰਹਿੰਦੇ ਹਨ। ਦੱਸ ਦੇਈਏ ਕਿ ਇਹ ਮਸ਼ਹੂਰ ਕ੍ਰਿਕਟਰ ਹੇਜ਼ਲ ਕੀਚ ਨਾਲ ਖੁਸ਼ਹਾਲ ਵਿਆਹੁਤਾ ਜੀਵਨ ਬਤੀਤ ਕਰ ਰਹੇ ਹਨ। ਹੇਜ਼ਲ ਤੋਂ ਇਲਾਵਾ ਯੁਵਰਾਜ ਦਾ ਨਾਂ ਵਿਆਹ ਤੋਂ ਪਹਿਲਾਂ 4 ਹੋਰ ਅਭਿਨੇਤਰੀਆਂ ਨਾਲ ਵੀ ਜੁੜ ਚੁੱਕਿਆ ਹੈ। ਉਨ੍ਹਾਂ ਦੀਆਂ ਕਈ ਤਸਵੀਰਾਂ ਅਤੇ ਵੀਡੀਓ ਅਕਸਰ ਸੋਸ਼ਲ ਮੀਡੀਆ ਉੱਪਰ ਵਾਇਰਲ ਹੁੰਦੇ ਰਹਿੰਦੇ ਹਨ। ਇਸ ਵਿਚਾਲੇ ਹਾਲ ਹੀ ਵਿੱਚ ਕ੍ਰਿਕਟਰ ਨੇ ਇੱਕ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ।
ਦਰਅਸਲ, ਹਾਲ ਹੀ ਵਿੱਚ ਇੱਕ ਪੋਡਕਾਸਟ ਵਿੱਚ ਯੁਵਰਾਜ ਨੇ ਆਪਣੇ ਪੁਰਾਣੇ ਅਫੇਅਰ ਦਾ ਇੱਕ ਮਜ਼ਾਕੀਆ ਕਿੱਸਾ ਸੁਣਾਇਆ ਹੈ। ਇਹ ਘਟਨਾ ਉਦੋਂ ਵਾਪਰੀ ਜਦੋਂ ਉਹ 2007 ਵਿੱਚ ਇੱਕ ਮਸ਼ਹੂਰ ਅਦਾਕਾਰਾ ਨੂੰ ਡੇਟ ਕਰ ਰਹੇ ਸਨ। ਜਦੋਂ ਉਹ ਰਿਸ਼ਤਾ ਖਤਮ ਕਰਨ ਗਏ ਤਾਂ ਵਾਪਸ ਆਉਂਦੇ ਸਮੇਂ ਉਨ੍ਹਾਂ ਨੂੰ ਅਦਾਕਾਰਾ ਦੀਆਂ ਗੁਲਾਬੀ ਚੱਪਲਾਂ ਪਹਿਨਣੀਆਂ ਪਈਆਂ। ਯੁਵਰਾਜ ਨੇ ਅਭਿਨੇਤਰੀ ਦਾ ਨਾਂ ਨਹੀਂ ਲਿਆ ਪਰ ਕੁਮੈਂਟ ਸੈਕਸ਼ਨ 'ਚ ਕਈ ਲੋਕਾਂ ਨੇ ਨਾਂ ਦਾ ਅੰਦਾਜ਼ਾ ਲਗਾਇਆ ਹੈ।
Read MOre: Cricketer Accident: ਸਟਾਰ ਭਾਰਤੀ ਕ੍ਰਿਕਟਰ ਨਾਲ ਵਾਪਰਿਆ ਵੱਡਾ ਭਾਣਾ, ਸੜਕ ਹਾਦਸੇ 'ਚ ਬੁਰੀ ਤਰ੍ਹਾਂ ਹੋਇਆ ਜਖ਼ਮੀ
ਯੁਵਰਾਜ ਦੇ ਪਿੱਛੇ ਕੈਨਬਰਾ ਪਹੁੰਚੀ ਸੀ ਅਦਾਕਾਰਾ
ਯੁਵਰਾਜ ਸਿੰਘ ਨੇ ਦੱਸਿਆ ਕਿ ਇਹ ਸਾਲ 2007-08 ਦੇ ਆਸਟ੍ਰੇਲੀਆ ਦੌਰੇ ਦੀ ਗੱਲ ਹੈ। ਉਸ ਸਮੇਂ, ਉਹ ਆਪਣੇ ਕਰੀਅਰ ਵਿੱਚ ਤਣਾਅਪੂਰਨ ਸਮੇਂ ਵਿੱਚੋਂ ਲੰਘ ਰਿਹਾ ਸੀ। ਉਨ੍ਹਾਂ ਸਿਰਫ ਆਪਣੇ ਕਰੀਅਰ 'ਤੇ ਧਿਆਨ ਦੇਣ ਦਾ ਫੈਸਲਾ ਕੀਤਾ ਅਤੇ ਉਸ ਅਭਿਨੇਤਰੀ ਨਾਲ ਬ੍ਰੇਕਅੱਪ ਕਰ ਲਿਆ। ਯੁਵਰਾਜ ਨੇ ਕਲੱਬ ਪ੍ਰੇਰੀ ਫਾਇਰ ਪੋਡਕਾਸਟ 'ਚ ਕਿਹਾ, 'ਮੈਂ ਇਕ ਅਭਿਨੇਤਰੀ ਨੂੰ ਡੇਟ ਕਰ ਰਿਹਾ ਸੀ। ਮੈਂ ਉਸਦਾ ਨਾਮ ਨਹੀਂ ਲਵਾਂਗਾ, ਉਹ ਇਸ ਸਮੇਂ ਬਹੁਤ ਵਧੀਆ ਕੰਮ ਕਰ ਰਹੀ ਹੈ ਅਤੇ ਅਨੁਭਵੀ ਹੈ। ਉਸ ਸਮੇਂ ਉਹ ਐਡੀਲੇਡ (ਆਸਟਰੇਲੀਆ) ਵਿੱਚ ਸ਼ੂਟਿੰਗ ਕਰ ਰਹੀ ਸੀ। ਮੈਂ ਉਨ੍ਹਾਂ ਨੂੰ ਕਿਹਾ, ਸੁਣੋ, ਸਾਨੂੰ ਸਮਾਂ ਨਹੀਂ ਮਿਲਦਾ ਕਿਉਂਕਿ ਮੈਂ ਆਸਟ੍ਰੇਲੀਆ ਦੌਰੇ 'ਤੇ ਹਾਂ ਅਤੇ ਫੋਕਸ ਕਰਨਾ ਹੈ। ਉਹ ਬੱਸ 'ਤੇ ਮੇਰੇ ਪਿੱਛੇ ਕੈਨਬਰਾ ਆ ਗਈ। ਮੈਂ ਦੋ ਟੈਸਟਾਂ ਵਿੱਚ ਜ਼ਿਆਦਾ ਦੌੜਾਂ ਨਹੀਂ ਬਣਾ ਸਕਿਆ। ਮੈਂ ਉਸ ਨੂੰ ਕਿਹਾ, 'ਤੁਸੀਂ ਇੱਥੇ ਕੀ ਕਰ ਰਹੇ ਹੋ? ਉਸਨੇ ਕਿਹਾ, ਮੈਂ ਤੁਹਾਡੇ ਨਾਲ ਸਮਾਂ ਬਿਤਾਉਣਾ ਚਾਹੁੰਦੀ ਹਾਂ। ,
ਵੱਖ ਹੋਣ ਦਾ ਲਿਆ ਫੈਸਲਾ
ਯੁਵਰਾਜ ਨੇ ਅੱਗੇ ਦੱਸਿਆ, 'ਅਸੀਂ ਰਾਤ ਨੂੰ ਮਿਲੇ ਅਤੇ ਗੱਲਬਾਤ ਕਰਨ ਲੱਗੇ। ਮੈਂ ਉਨ੍ਹਾਂ ਨੂੰ ਕਿਹਾ ਕਿ ਤੁਸੀਂ ਆਪਣੇ ਕਰੀਅਰ 'ਤੇ ਧਿਆਨ ਦਿਓ ਅਤੇ ਮੈਂ ਆਪਣੇ ਕਰੀਅਰ 'ਤੇ ਫੋਕਸ ਕਰਨਾ ਹੈ, ਕਿਉਂਕਿ ਮੈਂ ਆਸਟ੍ਰੇਲੀਆ ਦੌਰੇ 'ਤੇ ਹਾਂ ਅਤੇ ਤੁਸੀਂ ਜਾਣਦੇ ਹੋ ਕਿ ਇਸਦਾ ਕੀ ਮਤਲਬ ਹੈ। ਅਸੀਂ ਐਡੀਲੇਡ ਤੋਂ ਕੈਨਬਰਾ ਜਾ ਰਹੇ ਸੀ ਤਾਂ ਉਸਨੇ ਮੇਰਾ ਬੈਗ ਪੈਕ ਕਰ ਕੀਤਾ।
ਟੀਮ ਦੇ ਮੁੰਡਿਆਂ ਨੇ ਉਡਾਇਆ ਮਜ਼ਾਕ
ਯੁਵਰਾਜ ਨੂੰ ਫਲਾਈਟ ਲਈ ਰਵਾਨਾ ਹੋਣ ਤੋਂ 10 ਮਿੰਟ ਪਹਿਲਾਂ ਪਤਾ ਲੱਗਾ ਕਿ ਅਭਿਨੇਤਰੀ ਨੇ ਉਨ੍ਹਾਂ ਦੇ ਜੁੱਤੇ ਵੀ ਪੈਕ ਕਰ ਲਏ ਹਨ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਉਸ ਅਦਾਕਾਰਾ ਦੀਆਂ ਗੁਲਾਬੀ ਚੱਪਲਾਂ ਪਾ ਕੇ ਜਾਣਾ ਪਿਆ। ਯੁਵਰਾਜ ਕਹਿੰਦੇ ਹਨ, 'ਸਵੇਰੇ ਮੈਂ ਪੁੱਛਿਆ, ਮੇਰੇ ਜੁੱਤੇ ਕਿੱਥੇ ਹਨ? ਉਸਨੇ ਕਿਹਾ, ਮੈਂ ਪੈਕ ਕਰ ਦਿੱਤੇ। ਮੈਂ ਪੁੱਛਿਆ, ਮੈਂ ਬੱਸ ਰਾਹੀਂ ਕਿਵੇਂ ਜਾਵਾਂਗਾ। ਉਸਨੇ ਜਵਾਬ ਦਿੱਤਾ, ਮੇਰਾ ਪਹਿਨ ਲਵੋ। ਉਸ ਨੇ ਗੁਲਾਬੀ ਰੰਗ ਦੇ ਸਲਿੱਪ-ਆਨ ਪਾਏ ਹੋਏ ਸਨ। ਮੈਂ ਸੋਚਿਆ, ਹੇ ਰੱਬ, ਮੈਨੂੰ ਇਹ ਗੁਲਾਬੀ ਚੱਪਲਾਂ ਪਹਿਨਣੀਆਂ ਪੈਣਗੀਆਂ। ਮੈਂ ਉਨ੍ਹਾਂ ਨੂੰ ਛੁਪਾਉਣ ਲਈ ਆਪਣੀਆਂ ਚੱਪਲਾਂ ਦੇ ਅੱਗੇ ਬੈਗ ਲੈ ਕੇ ਤੁਰ ਰਿਹਾ ਸੀ। ਮੁੰਡਿਆਂ ਨੇ ਮੈਨੂੰ ਦੇਖਿਆ ਅਤੇ ਮੇਰੇ ਲਈ ਤਾੜੀਆਂ ਵਜਾਈਆਂ। ਜਦੋਂ ਤੱਕ ਮੈਂ ਨਵੀਂਆਂ ਚੱਪਲਾਂ ਨਹੀਂ ਖਰੀਦ ਲਈਆਂ, ਮੈਨੂੰ ਹਵਾਈ ਅੱਡੇ ਤੱਕ ਗੁਲਾਬੀ ਸਲਿੱਪ-ਆਨ ਪਹਿਨਣੇ ਪਏ ਸੀ। ਪੌਡਕਾਸਟ ਦੇ ਕਮੈਂਟ ਸ਼ੈਕਸ਼ਨ ਵਿੱਚ ਬਹੁਤ ਸਾਰੇ ਲੋਕਾਂ ਨੇ ਅਭਿਨੇਤਰੀ ਦੇ ਨਾਮ ਦਾ ਅਨੁਮਾਨ ਲਗਾਇਆ ਹੈ। ਇਕ ਨੇ ਲਿਖਿਆ ਹੈ ਕਿ ਉਸ ਸਮੇਂ ਦੀਪਿਕਾ ਪਾਦੁਕੋਣ ਆਸਟ੍ਰੇਲੀਆ 'ਚ 'ਬਚਨਾ ਏ ਹਸੀਨੋ' ਦੀ ਸ਼ੂਟਿੰਗ ਕਰ ਰਹੀ ਸੀ।