ਚੈਂਪੀਅਨ ਬਣਨ ਤੋਂ ਇੱਕ ਦਿਨ ਬਾਅਦ ਆਹ ਖਿਡਾਰੀ ਨੂੰ ਲੱਗਿਆ ਵੱਡਾ ਝਟਕਾ, BCCI ਨੇ ਸੁਣਾਈ ਸਜ਼ਾ; ਹੋਈ ਕਾਰਵਾਈ
RCB Player Banned IPL 2027: IPL 2026 ਦੇ ਖਤਮ ਹੋਣ ਤੋਂ ਇੱਕ ਦਿਨ ਬਾਅਦ ਹੀ ਰਾਇਲ ਚੈਲੇਂਜਰਸ ਬੈਂਗਲੁਰੂ ਦੇ ਖਿਡਾਰੀ ਨੂੰ BCCI ਨੇ ਸਖ਼ਤ ਸਜ਼ਾ ਸੁਣਾਈ ਹੈ।
RCB Player Banned IPL 2027: ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਦੇ ਚੈਂਪੀਅਨ ਬਣਨ ਤੋਂ ਇੱਕ ਦਿਨ ਬਾਅਦ ਹੀ ਟੀਮ ਦੇ ਇੱਕ ਖਿਡਾਰੀ ਨੂੰ ਵੱਡਾ ਝਟਕਾ ਲੱਗਿਆ ਹੈ। ਫਾਈਨਲ ਮੈਚ ਦੌਰਾਨ ਅੰਪਾਇਰ ਨਿਤਿਨ ਮੈਨਨ 'ਤੇ ਆਈਸ ਬੈਗ ਸੁੱਟਣ ਕਰਕੇ ਟਿਮ ਡੇਵਿਡ ਨੂੰ ਇੱਕ ਮੈਚ ਲਈ ਬੈਨ ਕਰ ਦਿੱਤਾ ਗਿਆ ਹੈ।
ਇਹ ਘਟਨਾ ਅਹਿਮਦਾਬਾਦ ਵਿੱਚ ਖੇਡੇ ਗਏ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਅਤੇ ਗੁਜਰਾਤ ਟਾਈਟਨਜ਼ ਵਿਚਕਾਰ ਫਾਈਨਲ ਮੈਚ ਦੌਰਾਨ ਵਾਪਰੀ। ਗੁਜਰਾਤ ਦੀ ਪਾਰੀ ਦੇ 10ਵੇਂ ਓਵਰ ਦੌਰਾਨ ਵਿਕਟ ਡਿੱਗਣ ਤੋਂ ਬਾਅਦ, ਟਿਮ ਡੇਵਿਡ ਨੇ ਹਮਲਾਵਰ ਢੰਗ ਨਾਲ ਅੰਪਾਇਰ ਨਿਤਿਨ ਮੈਨਨ 'ਤੇ ਆਈਸ ਬੈਗ ਸੁੱਟ ਦਿੱਤਾ।
ਇਸ ਘਟਨਾ ਸੰਬੰਧੀ ਆਈਪੀਐਲ ਨੇ ਸੋਮਵਾਰ ਨੂੰ ਇੱਕ ਅਧਿਕਾਰਤ ਬਿਆਨ ਜਾਰੀ ਕੀਤਾ, ਜਿਸ ਵਿੱਚ ਕਿਹਾ ਗਿਆ ਕਿ ਟਿਮ ਡੇਵਿਡ ਨੂੰ ਉਸ ਦੀ ਆਖਰੀ ਮੈਚ ਫੀਸ ਦਾ 50 ਪ੍ਰਤੀਸ਼ਤ ਜੁਰਮਾਨਾ ਲਗਾਇਆ ਗਿਆ ਹੈ ਅਤੇ ਦੋ ਡੀਮੈਰਿਟ ਪੁਆਇੰਟਸ ਵੀ ਦਿੱਤੇ ਗਏ ਹਨ। ਡੇਵਿਡ ਨੂੰ ਆਈਪੀਐਲ ਆਚਾਰ ਸੰਹਿਤਾ ਦੀ ਧਾਰਾ 2.9 ਦੇ ਤਹਿਤ ਦੋਸ਼ੀ ਪਾਇਆ ਗਿਆ ਸੀ, ਜੋ ਕਿ ਕਿਸੇ ਖਿਡਾਰੀ, ਅੰਪਾਇਰ ਜਾਂ ਮੈਚ ਅਧਿਕਾਰੀ ਵੱਲ ਖਤਰਨਾਕ ਤਰੀਕੇ ਨਾਲ ਕਿਸੇ ਵਸਤੂ ਨੂੰ ਸੁੱਟਣ ਦਾ ਹਵਾਲਾ ਦਿੰਦਾ ਹੈ। ਡੇਵਿਡ ਨੇ ਵੀ ਆਪਣਾ ਦੋਸ਼ ਕਬੂਲ ਕਰ ਲਿਆ ਹੈ।
ਟਿਮ ਡੇਵਿਡ 'ਤੇ ਮੈਚ ਰੈਫਰੀ ਨੇ ਕੋਈ ਪਾਬੰਦੀ ਨਹੀਂ ਲਗਾਈ ਹੈ, ਪਰ ਇਹ ਆਈਪੀਐਲ 2026 ਵਿੱਚ ਤੀਜੀ ਵਾਰ ਹੋਇਆ ਹੈ, ਜਦੋਂ ਉਨ੍ਹਾਂ ਨੂੰ ਲੈਵਲ 1 ਦੇ ਅਪਰਾਧ ਦਾ ਦੋਸ਼ੀ ਪਾਇਆ ਗਿਆ ਹੈ। ਉਨ੍ਹਾਂ ਨੂੰ ਪਹਿਲਾਂ ਦੋ ਮੈਚਾਂ ਵਿੱਚ ਤਿੰਨ ਡੀਮੈਰਿਟ ਪੁਆਇੰਟਸ ਮਿਲੇ ਸਨ। ਫਾਈਨਲ ਦੇ ਪੁਆਇੰਟਸ ਸਣੇ ਡੇਵਿਡ ਦੇ ਆਈਪੀਐਲ 2026 ਸੀਜ਼ਨ ਵਿੱਚ ਕੁੱਲ ਪੰਜ ਡੀਮੈਰਿਟ ਪੁਆਇੰਟਸ ਹਨ। ਇਸ ਕਰਕੇ ਉਨ੍ਹਾਂ ਨੂੰ ਇੱਕ ਮੈਚ ਲਈ ਬੈਨ ਕਰ ਦਿੱਤਾ ਗਿਆ ਹੈ।
ਇਸ ਕਰਕੇ ਡੇਵਿਡ ਆਈਪੀਐਲ 2027 ਦਾ ਪਹਿਲਾ ਮੈਚ ਨਹੀਂ ਖੇਡ ਸਕਣਗੇ। ਭਾਵੇਂ ਉਹ ਆਰਸੀਬੀ ਲਈ ਖੇਡਣ ਜਾਂ ਕਿਸੇ ਹੋਰ ਟੀਮ ਲਈ, ਉਨ੍ਹਾਂ ਨੂੰ ਪਹਿਲੇ ਮੈਚ ਤੋਂ ਬਾਹਰ ਰਹਿਣਾ ਪਵੇਗਾ। ਆਈਪੀਐਲ 2026 ਵਿੱਚ ਡੇਵਿਡ ਨੇ ਬੰਗਲੌਰ ਲਈ 16 ਮੈਚਾਂ ਵਿੱਚ 305 ਦੌੜਾਂ ਬਣਾਈਆਂ।
ਨੋਟ : - ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਤਫ਼ਸੀਲ ਨਾਲ ਪੜ੍ਹ ਸਕਦੇ ਹੋ ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
