Lahiru Thirimanne: ਸ਼੍ਰੀਲੰਕਾ ਦੇ ਸਾਬਕਾ ਕ੍ਰਿਕਟਰ ਲਾਹਿਰੂ ਥਿਰੀਮਾਨੇ ਨੂੰ ਲੈ ਕੇ ਬਹੁਤ ਹੀ ਦੁੱਖਦਾਈ ਖਬਰ ਸਾਹਮਣੇ ਆਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਹ ਵੀਰਵਾਰ 14 ਮਾਰਚ ਨੂੰ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਇਹ ਹਾਦਸਾ ਸ਼੍ਰੀਲੰਕਾ ਸਥਿਤ ਅਨੁਰਾਧਾਪੁਰਾ ਨਾਮਕ ਸਥਾਨ 'ਤੇ ਵਾਪਰਿਆ। ਜਿਸ ਕਾਰ ਵਿੱਚ ਥਿਰੀਮਾਨੇ ਜਾ ਰਿਹਾ ਸੀ, ਉਹ ਇੱਕ ਮਿੰਨੀ ਟਰੱਕ ਨਾਲ ਟਕਰਾ ਗਈ। ਇਸ ਹਾਦਸੇ 'ਚ ਥਿਰੀਮਾਨੇ ਦੀ ਕਾਰ ਦਾ ਅਗਲਾ ਹਿੱਸਾ ਕਾਫੀ ਬੁਰੀ ਹਾਲਤ 'ਚ ਮਿਲਿਆ ਪਰ ਚੰਗੀ ਗੱਲ ਇਹ ਰਹੀ ਕਿ ਕੋਈ ਵੀ ਗੰਭੀਰ ਜ਼ਖਮੀ ਨਹੀਂ ਹੋਇਆ। ਦੱਸਿਆ ਜਾ ਰਿਹਾ ਹੈ ਕਿ ਥਿਰੀਮਾਨੇ ਜ਼ਖਮੀ ਹੋ ਗਏ ਹਨ, ਪਰ ਉਹ ਸੁਰੱਖਿਅਤ ਹਨ ਅਤੇ ਇਹ ਉਨ੍ਹਾਂ ਦੇ ਪਰਿਵਾਰ ਅਤੇ ਰਿਸ਼ਤੇਦਾਰਾਂ ਲਈ ਰਾਹਤ ਦੀ ਖਬਰ ਹੈ।
ਲਾਹਿਰੂ ਥਿਰੀਮਾਨੇ ਇਸ ਸਮੇਂ ਲੀਜੈਂਡਜ਼ ਕ੍ਰਿਕਟ ਟਰਾਫੀ 2024 ਵਿੱਚ ਨਿਊਯਾਰਕ ਸਟ੍ਰਾਈਕਰਜ਼ ਲਈ ਖੇਡ ਰਿਹਾ ਹੈ। ਨਿਊਯਾਰਕ ਸਟਰਾਈਕਰਜ਼ ਨੇ ਅਧਿਕਾਰਤ ਬਿਆਨ ਜਾਰੀ ਕਰ ਕੇ ਕਿਹਾ ਕਿ ਥਿਰੀਮਨੇ ਅਤੇ ਉਨ੍ਹਾਂ ਦਾ ਪਰਿਵਾਰ ਕਾਰ 'ਚ ਇਕੱਠੇ ਸਫਰ ਕਰ ਰਹੇ ਸਨ ਪਰ ਹਾਦਸੇ 'ਚ ਕੋਈ ਵੀ ਗੰਭੀਰ ਰੂਪ ਨਾਲ ਜ਼ਖਮੀ ਨਹੀਂ ਹੋਇਆ ਅਤੇ ਉਨ੍ਹਾਂ ਨੂੰ ਜਾਂਚ ਲਈ ਹਸਪਤਾਲ ਭੇਜਿਆ ਗਿਆ ਹੈ।
2022 ਵਿੱਚ ਕ੍ਰਿਕਟ ਤੋਂ ਸੰਨਿਆਸ ਲੈ ਚੁੱਕੇ ਲਾਹਿਰੂ ਥਿਰੀਮਾਨੇ
ਲਾਹਿਰੂ ਥਿਰੀਮਾਨੇ ਨੇ ਸਾਲ 2022 ਵਿੱਚ ਕ੍ਰਿਕਟ ਨੂੰ ਅਲਵਿਦਾ ਕਹਿਣ ਦਾ ਫੈਸਲਾ ਕੀਤਾ ਸੀ। ਉਨ੍ਹਾਂ ਆਪਣੇ ਕਰੀਅਰ ਵਿੱਚ 43 ਟੈਸਟ ਮੈਚ ਖੇਡੇ, ਜਿਸ ਵਿੱਚ ਉਸਨੇ 2,080 ਦੌੜਾਂ ਬਣਾਈਆਂ। ਆਪਣੇ ਕਰੀਅਰ ਵਿੱਚ, ਉਸਨੇ 127 ਇੱਕ ਰੋਜ਼ਾ ਮੈਚਾਂ ਵਿੱਚ ਸ਼੍ਰੀਲੰਕਾ ਲਈ ਖੇਡਦੇ ਹੋਏ 3,194 ਦੌੜਾਂ ਬਣਾਈਆਂ। ਉਸਨੇ ਆਪਣੇ ਪੂਰੇ ਕਰੀਅਰ ਵਿੱਚ 7 ਸੈਂਕੜੇ ਅਤੇ 31 ਅਰਧ ਸੈਂਕੜੇ ਵੀ ਲਗਾਏ।
ਫਿਲਹਾਲ ਉਨ੍ਹਾਂ ਲੀਜੈਂਡਜ਼ ਕ੍ਰਿਕੇਟ ਟਰਾਫੀ 2024 ਵਿੱਚ ਨਿਊਯਾਰਕ ਸਟ੍ਰਾਈਕਰਜ਼ ਲਈ ਖੇਡਦਾ ਨਜ਼ਰ ਆ ਰਿਹਾ ਹੈ। ਥਿਰੀਮਨੇ ਦੀ ਟੀਮ ਨਿਊਯਾਰਕ ਸਟ੍ਰਾਈਕਰਜ਼ ਇਸ ਸਮੇਂ 4 ਮੈਚਾਂ 'ਚ 3 ਜਿੱਤ ਦਰਜ ਕਰਕੇ 6 ਅੰਕਾਂ ਨਾਲ ਸਿਖਰ 'ਤੇ ਹੈ। ਸ਼੍ਰੀਲੰਕਾ ਦੇ ਇਸ ਮਹਾਨ ਖਿਡਾਰੀ ਨੇ ਇਸ ਟੂਰਨਾਮੈਂਟ 'ਚ ਹੁਣ ਤੱਕ 4 ਮੈਚਾਂ 'ਚ 110 ਦੌੜਾਂ ਬਣਾਈਆਂ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।