ZIM vs IRE: ਸਿਕੰਦਰ ਰਜ਼ਾ 'ਤੇ ICC ਨੇ ਲਗਾਇਆ ਬੈਨ, ਆਇਰਲੈਂਡ ਦੇ ਇਨ੍ਹਾਂ ਦੋਵਾਂ ਖਿਡਾਰੀਆਂ ਨਾਲ ਪੰਗਾਂ ਲੈਣਾ ਪਿਆ ਭਾਰੀ
ZIM vs IRE: ਜ਼ਿੰਬਾਬਵੇ ਦੇ ਸਿਕੰਦਰ ਰਜ਼ਾ 'ਤੇ ਦੋ ਮੈਚਾਂ ਦੀ ਪਾਬੰਦੀ ਲਗਾਈ ਗਈ ਹੈ, ਜਿਸ ਕਾਰਨ ਉਹ ਆਇਰਲੈਂਡ ਖਿਲਾਫ ਚੱਲ ਰਹੀ ਟੀ-20 ਸੀਰੀਜ਼ ਦੇ ਬਾਕੀ ਮੈਚਾਂ ਤੋਂ ਬਾਹਰ ਹੋ ਜਾਵੇਗਾ। ਰਜ਼ਾ 'ਤੇ ਵੀ ਮੈਚ ਫੀਸ ਦਾ 50 ਫੀਸਦੀ
ZIM vs IRE: ਜ਼ਿੰਬਾਬਵੇ ਦੇ ਸਿਕੰਦਰ ਰਜ਼ਾ 'ਤੇ ਦੋ ਮੈਚਾਂ ਦੀ ਪਾਬੰਦੀ ਲਗਾਈ ਗਈ ਹੈ, ਜਿਸ ਕਾਰਨ ਉਹ ਆਇਰਲੈਂਡ ਖਿਲਾਫ ਚੱਲ ਰਹੀ ਟੀ-20 ਸੀਰੀਜ਼ ਦੇ ਬਾਕੀ ਮੈਚਾਂ ਤੋਂ ਬਾਹਰ ਹੋ ਜਾਵੇਗਾ। ਰਜ਼ਾ 'ਤੇ ਵੀ ਮੈਚ ਫੀਸ ਦਾ 50 ਫੀਸਦੀ ਜੁਰਮਾਨਾ ਲਗਾਇਆ ਗਿਆ ਅਤੇ ਦੋ ਡੀਮੈਰਿਟ ਅੰਕ ਦਿੱਤੇ ਗਏ। ਜ਼ਿੰਬਾਬਵੇ ਦੇ ਆਲਰਾਊਂਡਰ ਸਿਕੰਦਰ ਰਜ਼ਾ 'ਤੇ ਦੋ ਮੈਚਾਂ ਦੀ ਪਾਬੰਦੀ ਲਗਾਈ ਗਈ ਹੈ ਕਿਉਂਕਿ ਪਿਛਲੇ 24 ਮਹੀਨਿਆਂ 'ਚ ਉਨ੍ਹਾਂ ਦੇ ਡੀਮੈਰਿਟ ਅੰਕ ਵੱਧ ਕੇ 4 ਹੋ ਗਏ ਹਨ।
ਜ਼ਿੰਬਾਬਵੇ ਅਤੇ ਆਇਰਲੈਂਡ ਵਿਚਾਲੇ ਖੇਡੇ ਗਏ ਮੈਚ ਦੌਰਾਨ ਸਿਕੰਦਰ ਰਜ਼ਾ ਤੋਂ ਇਲਾਵਾ ਆਇਰਲੈਂਡ ਦੇ ਜੋਸ਼ ਲਿਟਲ ਅਤੇ ਕਰਟਿਸ ਕੈਂਪਰ ਨੂੰ ਵੀ ਇਕ-ਇਕ ਡੀਮੈਰਿਟ ਅੰਕ ਮਿਲਿਆ। ਇਨ੍ਹਾਂ ਦੋਵਾਂ ਖਿਡਾਰੀਆਂ 'ਤੇ ਮੈਚ ਫੀਸ ਦਾ 15 ਫੀਸਦੀ ਜੁਰਮਾਨਾ ਵੀ ਲਗਾਇਆ ਗਿਆ ਹੈ।
ICC ਨੇ ਤਿੰਨ ਖਿਡਾਰੀਆਂ ਬਾਰੇ ਕੀ ਕਿਹਾ?
ਆਈਸੀਸੀ ਨੇ ਤਿੰਨਾਂ ਖਿਡਾਰੀਆਂ ਨੂੰ ਦਿੱਤੀ ਸਜ਼ਾ ਦਾ ਵੇਰਵਾ ਦਿੰਦੇ ਹੋਏ ਘਟਨਾ ਅਤੇ ਦੋਸ਼ਾਂ ਬਾਰੇ ਦੱਸਿਆ ਕਿ, ''ਰਜ਼ਾ 'ਤੇ ਕੈਂਪਰ ਅਤੇ ਜੋਸ਼ ਲਿਟਲ ਵੱਲ ਹਮਲਾਵਰ ਤਰੀਕੇ ਨਾਲ ਚਾਰਜ ਕਰਨ, ਆਪਣੇ ਬੱਲੇ ਦਾ ਪ੍ਰਦਰਸ਼ਨ ਕਰਨ ਅਤੇ ਅੰਪਾਇਰ ਤੋਂ ਦੂਰ ਜਾਣ ਦਾ ਦੋਸ਼ ਲਗਾਇਆ ਗਿਆ ਸੀ, ਜਦਕਿ ਅੰਪਾਇਰਾਂ ਨੇ ਸਥਿਤੀ ਨੂੰ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ।
ਕੈਂਪਰ 'ਤੇ ਵੀ ਰਜ਼ਾ ਵੱਲ ਵਧਣ ਦਾ ਵੀ ਦੋਸ਼ ਲਗਾਇਆ ਸੀ। ਉਨ੍ਹਾਂ ਨੇ ਵੀ ਮੈਦਾਨੀ ਅੰਪਾਇਰਾਂ ਵਿੱਚੋਂ ਇੱਕ ਨੂੰ ਕਿਨਾਰੇ ਤੇ ਭੇਜ ਦਿੱਤਾ ਸੀ, ਜੋ ਮਾਹੌਲ ਨੂੰ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਇਨ੍ਹਾਂ ਦੋਵਾਂ ਤੋਂ ਇਲਾਵਾ ਜੋਸ਼ ਲਿਟਲ 'ਤੇ ਆਈਸੀਸੀ ਨੇ ਸਿਕੰਦਰ ਰਜ਼ਾ ਨਾਲ ਸਰੀਰਕ ਸਪੰਰਕ ਬਣਾਉਣ ਦਾ ਦੋਸ਼ ਲਗਾਇਆ ਸੀ ਕਿਉਂਕਿ ਰਜ਼ਾ ਨੇ ਸ਼ਿਕਾਇਤ ਕੀਤੀ ਸੀ ਕਿ ਲਿਟਲ ਨੇ ਦੌੜਨ ਦੀ ਕੋਸ਼ਿਸ਼ ਕਰਦੇ ਹੋਏ ਉਸ ਦਾ ਰਸਤਾ ਰੋਕ ਦਿੱਤਾ ਸੀ।
ਸਿਕੰਦਰ ਰਜ਼ਾ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ
ਆਈਸੀਸੀ ਨੇ ਇਹ ਵੀ ਕਿਹਾ ਕਿ ਰਜ਼ਾ ਨੇ ਮੈਚ ਰੈਫਰੀ ਐਂਡੀ ਪਾਈਕ੍ਰਾਫਟ ਦੁਆਰਾ ਲਗਾਈ ਗਈ ਪਾਬੰਦੀ ਦਾ ਵਿਰੋਧ ਕੀਤਾ ਪਰ ਰਸਮੀ ਸੁਣਵਾਈ ਤੋਂ ਬਾਅਦ ਇਸ ਨੂੰ ਅੰਤਿਮ ਰੂਪ ਦਿੱਤਾ ਗਿਆ। ਹਾਲਾਂਕਿ ਜ਼ਿੰਬਾਬਵੇ ਅਤੇ ਆਇਰਲੈਂਡ ਵਿਚਾਲੇ ਹੋਏ ਇਸ ਰੋਮਾਂਚਕ ਮੈਚ ਦੀ ਜੇਕਰ ਗੱਲ ਕਰੀਏ ਤਾਂ ਜ਼ਿੰਬਾਬਵੇ ਦੀ ਟੀਮ ਨੇ ਆਖਰੀ ਗੇਂਦ 'ਤੇ ਇਸ ਨੂੰ ਜਿੱਤ ਲਿਆ। ਇਸ ਮੈਚ 'ਚ ਆਪਣੀ ਟੀਮ ਦੀ ਤਰਫੋਂ ਸਿਕੰਦਰ ਰਜ਼ਾ ਨੇ ਸਭ ਤੋਂ ਵੱਧ 65 ਦੌੜਾਂ ਦਾ ਯੋਗਦਾਨ ਦਿੱਤਾ ਅਤੇ ਗੇਂਦਬਾਜ਼ੀ 'ਚ 3 ਵਿਕਟਾਂ ਵੀ ਲਈਆਂ। ਸਿਕੰਦਰ ਨੂੰ ਉਸ ਦੇ ਹਰਫਨਮੌਲਾ ਪ੍ਰਦਰਸ਼ਨ ਲਈ ਪਲੇਅਰ ਆਫ ਦਾ ਮੈਚ ਵੀ ਦਿੱਤਾ ਗਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
