Tokyo Olympics 2020 Opening Ceremony LIVE Streaming: ਓਲੰਪਿਕ ਖੇਡਾਂ 'ਚ ਪੰਜ ਸਾਲਾਂ ਦੇ ਇੰਤਜ਼ਾਰ ਤੋਂ ਬਾਅਦ ਵਾਪਸੀ ਹੋ ਰਹੀ ਹੈ। ਓਲੰਪਿਕ ਖੇਡਾਂ ਪਹਿਲਾਂ 2020 ਵਿੱਚ ਹੋਣੀਆਂ ਸਨ, ਪਰ ਕੋਰੋਨਾਵਾਇਰਸ ਮਹਾਂਮਾਰੀ ਕਾਰਨ ਮੈਗਾ ਈਵੈਂਟ ਇੱਕ ਸਾਲ ਤੱਕ ਮੁਲਤਵੀ ਕਰ ਦਿੱਤਾ ਗਿਆ। ਮੁੜ ਨਿਰਧਾਰਤ ਟੋਕੀਓ ਓਲੰਪਿਕਸ 23 ਜੁਲਾਈ ਨੂੰ ਨਵੇਂ ਬਣੇ ਨੈਸ਼ਨਲ ਸਟੇਡੀਅਮ ਵਿੱਚ ਸ਼ੁਰੂ ਹੋਣਗੇ, ਜਦਕਿ ਸਮਾਪਤੀ ਸਮਾਰੋਹ 8 ਅਗਸਤ ਨੂੰ ਹੋਵੇਗਾ। ਇਸ ਤੋਂ ਪਹਿਲਾਂ, ਜਾਣੋ ਕਿ ਤੁਸੀਂ ਓਲੰਪਿਕ ਉਦਘਾਟਨੀ ਸਮਾਰੋਹ ਨੂੰ ਕਦੋਂ ਅਤੇ ਕਿੱਥੇ ਵੇਖ ਸਕਦੇ ਹੋ।
2021 ਵਿੱਚ ਹੋਣ ਦੇ ਬਾਵਜੂਦ ਇਸ ਪ੍ਰੋਗਰਾਮ ਨੂੰ ਟੋਕਿਓ 2020 ਕਿਹਾ ਜਾਏਗਾ। ਸਟੇਡੀਅਮ 'ਚ ਪ੍ਰਸ਼ੰਸਕਾਂ ਦੇ ਦਾਖਲੇ 'ਤੇ ਪਾਬੰਦੀ ਹੈ। ਅਜਿਹੀ ਸਥਿਤੀ ਵਿੱਚ, ਲਾਈਵ ਵੇਖਣਾ ਸਿਰਫ ਇੱਕ ਵਿਕਲਪ ਬਚਿਆ ਹੈ। ਟੋਕਿਓ ਓਲੰਪਿਕ 2020 ਦੇ ਉਦਘਾਟਨੀ ਸਮਾਰੋਹ ਲਈ ਇੱਥੇ ਸਾਰੇ ਵੇਰਵੇ ਦਿੱਤੇ ਗਏ ਹਨ: -
ਉਦਘਾਟਨ ਸਮਾਰੋਹ ਕਿੱਥੇ ਹੋਵੇਗਾ?
ਟੋਕਿਓ ਓਲੰਪਿਕ 2020 ਦਾ ਉਦਘਾਟਨ ਸਮਾਰੋਹ ਟੋਕਿਓ ਦੇ ਨੈਸ਼ਨਲ ਸਟੇਡੀਅਮ ਵਿੱਚ ਹੋਵੇਗਾ।
ਉਦਘਾਟਨ ਸਮਾਰੋਹ ਕਦੋਂ ਸ਼ੁਰੂ ਹੋਵੇਗਾ?
ਟੋਕਿਓ ਓਲੰਪਿਕ ਦਾ ਉਦਘਾਟਨ ਸਮਾਰੋਹ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 8 ਵਜੇ ਸ਼ੁਰੂ ਹੋਵੇਗਾ, ਪਰ 23 ਜੁਲਾਈ ਨੂੰ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 4.30 ਵਜੇ ਸ਼ੁਰੂ ਹੋਵੇਗਾ।
ਇਸ ਪ੍ਰੋਗਰਾਮ ਦਾ ਸਿੱਧਾ ਪ੍ਰਸਾਰਣ ਕਿੱਥੇ ਅਤੇ ਕਿਵੇਂ ਦੇਖ ਸਕਦੇ ਹਾਂ?
ਟੋਕਿਓ ਓਲੰਪਿਕ 2020 ਦੇ ਉਦਘਾਟਨੀ ਸਮਾਰੋਹ ਦਾ ਸਿੱਧਾ ਪ੍ਰਸਾਰਣ ਸੋਨੀ ਸਪੋਰਟਸ ਨੈਟਵਰਕ ਤੇ ਕੀਤਾ ਜਾਵੇਗਾ।
ਆਨਲਾਈਨ ਅਤੇ ਮੋਬਾਈਲ 'ਤੇ ਈਵੈਂਟ ਲਾਈਵ ਕਿਵੇਂ ਵੇਖਿਆ ਜਾਵੇ?
ਟੋਕਿਓ ਓਲੰਪਿਕ 2020 ਦੇ ਉਦਘਾਟਨੀ ਸਮਾਰੋਹ ਨੂੰ SonyLiv ਐਪ 'ਤੇ ਲਾਈਵ ਦੇਖਿਆ ਜਾ ਸਕਦਾ ਹੈ, ਜਦਕਿ ਤੁਸੀਂ ਇਸ ਨੂੰ ਸੋਨੀ ਲਿਵ ਦੀ ਵੈੱਬਸਾਈਟ 'ਤੇ ਆਨਲਾਈਨ ਵੀ ਦੇਖ ਸਕਦੇ ਹੋ।