Study On Prejudice: ਯੂਨੀਵਰਸਿਟੀ ਆਫ਼ ਐਸੈਕਸ ਦੀ ਖੋਜ ਦੇ ਅਨੁਸਾਰ ਆਪਣੇ ਸੰਘਰਸ਼ ਬਾਰੇ ਗੱਲਾਂ ਕਰਨ ਵਾਲੇ ਯੂਟਿਊਬਰਸ ਦੀ ਵੀਡੀਓ ਨੂੰ 17 ਮਿੰਟ ਤੱਕ ਦੇਖਣਾ ਤੁਹਾਡੇ ਵਿਚਾਰਾਂ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ। ਸਿਰਫ਼ 17 ਮਿੰਟ ਤਕ ਆਪਣੇ ਸੰਘਰਸ਼ ਬਾਰੇ ਗੱਲ ਕਰਦੇ ਹੋਏ ਕਿਸੇ ਯੂਟਿਊਬਰ ਨੂੰ ਦੇਖਣ ਨਾਲ ਪੁਰਵ ਅਨੁਮਾਨ ਘੱਟ ਹੋ ਸਕਦੇ ਹਨ। ਇਸ ਰਿਸਰਚ 'ਚ ਸ਼ਾਮਲ ਲੋਕਾਂ 'ਚ ਮਾਨਸਿਕ ਪੁਰਵ ਅਨੁਮਾਨ 'ਚ 8 ਫ਼ੀਸਦੀ ਦੀ ਗਿਰਾਵਟ ਅਤੇ ਦਰਸ਼ਕਾਂ ਵਿਚਕਾਰ ਇੰਟਰ ਗਰੁੱਪ ਚਿੰਤਾ 'ਚ 11 ਫ਼ੀਸਦੀ ਦੀ ਗਿਰਾਵਟ ਆਈ। ਆਓ ਥੋੜਾ ਇਸ ਬਾਰੇ ਹੋਰ ਜਾਣ ਲੈਂਦੇ ਹਾਂ...
ਕੀ ਹੈ ਪੁਰਵ ਅਨੁਮਾਨ?
ਦਰਅਸਲ, ਇਹ ਉਹ ਮਾਨਸਿਕਤਾ ਹੈ ਜਿਸ 'ਚ ਅਸੀਂ ਕਿਸੇ ਵੀ ਵਸਤੂ ਜਾਂ ਵਿਅਕਤੀ ਬਾਰੇ ਬਗੈਰ ਦੇਖੇ, ਉਸ ਨੂੰ ਬਗੈਰ ਸਮਝੇ ਅਤੇ ਬਗੈਰ ਪਰਖੇ ਕੋਈ ਵੀ ਸਹੀ ਜਾਂ ਗਲਤ ਧਾਰਨਾ ਬਣਾ ਲੈਂਦੇ ਹਾਂ। ਪੁਰਵ ਅਨੁਮਾਨ ਕਿਸੇ ਵਿਅਕਤੀ, ਚੀਜ਼, ਤੱਥ ਜਾਂ ਘਟਨਾ ਬਾਰੇ ਪਹਿਲਾਂ ਕੀਤੇ ਗਏ ਨਿਰਣੇ ਨੂੰ ਦਰਸਾਉਂਦਾ ਹੈ। ਉਦਾਹਰਣ ਵਜੋਂ, ਇੱਕ ਆਮ ਧਾਰਨਾ ਅਨੁਸਾਰ ਜੇਕਰ ਪੇਂਡੂ ਲੋਕਾਂ ਦਾ ਜ਼ਿਕਰ ਹੋਵੇ ਤਾਂ ਲੋਕਾਂ ਦੇ ਮਨਾਂ 'ਚ ਇੱਕ ਅਗਿਆਨੀ ਅਤੇ ਅੰਧਵਿਸ਼ਵਾਸੀ ਵਿਅਕਤੀ ਦੀ ਤਸਵੀਰ ਬਣ ਜਾਂਦੀ ਹੈ, ਜਦਕਿ ਸ਼ਹਿਰੀ ਲੋਕਾਂ ਦੀ ਗੱਲ ਕਰੀਏ ਤਾਂ ਇੱਕ ਚਲਾਕ ਦੀ ਤਸਵੀਰ ਬਣ ਜਾਂਦੀ ਹੈ। ਥੋੜਾ ਹੋਰ ਸਮਝਣ ਲਈ ਇੱਕ ਹੋਰ ਉਦਾਹਰਣ ਅੰਬ ਦੀ ਲੈਂਦੇ ਹਾਂ। ਜੇਕਰ ਤੁਹਾਡੇ ਸਾਹਮਣੇ ਅੰਬ ਦਾ ਨਾਮ ਲਿਆ ਜਾਵੇ ਤਾਂ ਤੁਹਾਡੇ ਮਨ 'ਚ ਕਿਸੇ ਮਿੱਠੇ ਅਤੇ ਪੀਲੇ ਫਲ ਦੀ ਤਸਵੀਰ ਬਣ ਜਾਂਦੀ ਹੈ। ਇਸ ਨੂੰ ਪੁਰਵ ਅਨੁਮਾਨ ਕਿਹਾ ਜਾਂਦਾ ਹੈ।
ਯੂਟਿਊਬਰ ਨਾਲ ਹੁੰਦਾ ਹੈ ਕੁਨੈਕਸ਼ਨ
ਸਾਇੰਟਿਫਿਕ ਰਿਪੋਰਟਸ 'ਚ ਪ੍ਰਕਾਸ਼ਿਤ ਇੱਕ ਅਧਿਐਨ 'ਚ ਖੋਜਕਰਤਾਵਾਂ ਨੇ ਦੱਸਿਆ ਕਿ ਲੋਕ YouTube ਕ੍ਰਿਏਟਰਸ ਨਾਲ ਲੋਕ ਇੱਕ ਵੱਖਰਾ ਕਨੈਕਸ਼ਨ ਮਹਿਸੂਸ ਕਰਦੇ ਹਨ, ਜਿਸ ਨੂੰ ਪੈਰਾਸੋਸ਼ਲ ਰਿਲੇਸ਼ਨਸ਼ਿਪ ਕਿਹਾ ਜਾਂਦਾ ਹੈ ਅਤੇ ਇਹ ਲੋਕਾਂ ਦੇ ਵਿਵਹਾਰ ਨੂੰ ਪ੍ਰਭਾਵਿਤ ਕਰਦਾ ਹੈ। ਰਿਸਰਚ ਮੁਤਾਬਕ ਇਸ ਅਧਿਐਨ 'ਚ ਇਕ ਔਰਤ ਦੀ ਵੀਡੀਓ ਦੇਖ ਕੇ ਸੈਂਕੜੇ ਲੋਕਾਂ ਨੇ ਹਿੱਸਾ ਲਿਆ। ਨਤੀਜੇ ਵਜੋਂ ਉਨ੍ਹਾਂ ਵਿੱਚੋਂ ਬਹੁਤਿਆਂ ਨੂੰ ਬਾਰਡਰਲਾਈਨ ਪਰਸਨੈਲਿਟੀ ਡਿਸਆਰਡਰ (BPD) ਸੀ ਅਤੇ ਇਸ ਖੋਜ ਨੇ ਉਨ੍ਹਾਂ ਦੀ ਸਥਿਤੀ ਬਾਰੇ ਆਮ ਗਲਤ ਧਾਰਨਾਵਾਂ ਬਾਰੇ ਚਰਚਾ ਕੀਤੀ।
ਸਿਰਫ਼ 17 ਮਿੰਟਾਂ 'ਚ ਨਜ਼ਰ ਆ ਗਿਆ ਬਦਲਾਅ
ਖੋਜ ਦੇ ਅਨੁਸਾਰ ਇਸ ਦੀ ਸਮੱਗਰੀ ਨੂੰ ਦੇਖਣ ਦੇ ਸਿਰਫ਼ 17 ਮਿੰਟ ਬਾਅਦ ਲੋਕਾਂ 'ਚ ਸਪੱਸ਼ਟ ਪੁਰਵ ਅਨੁਮਾਨ ਅਤੇ ਇੰਟਰਗਰੁੱਪ ਚਿੰਤਾ ਦੇ ਪੱਧਰ 'ਚ ਕਮੀ ਆਈ। ਇਸ ਰਿਸਰਚ ਦੀ ਅਗਵਾਈ ਡਾਕਟਰ ਸ਼ਬਾ ਲੋਟੂਨ ਨੇ ਕੀਤੀ। ਡਾ. ਸ਼ਬਾ ਲੋਟੂਨ ਨੇ ਕਿਹਾ ਕਿ ਇਹ ਖੋਜ ਲੋਕਾਂ ਦੇ ਜੀਵਨ 'ਤੇ ਆਨਲਾਈਨ ਸਮੱਗਰੀ ਦੇ ਪ੍ਰਭਾਵ ਨੂੰ ਦੇਖਣ ਲਈ ਦਿਲਚਸਪ ਅਤੇ ਮਹੱਤਵਪੂਰਨ ਹੈ।